Viðskipti innlent

Bakkavör kaupir eftirréttaframleiðanda

Stefán Ó. Jónsson skrifar
Bræðurnir Ágúst og Lýður Guðmundssynir keyptu 51% í Bakkavör í janúar 2016.
Bræðurnir Ágúst og Lýður Guðmundssynir keyptu 51% í Bakkavör í janúar 2016. Vísir

Bakkavör, sem er í meirihlutaeigu bræðranna Ágústs og Lýðs Guðmundssona, hefur fest kaup á bresku bakarísvörufyrirtækinu Haydens. Kaupverðið er sagt vera 12 milljónir punda, eða um 1,7 milljarðar íslenskra króna, en seljandinn var fyrirtækið Real Good Food.

Um 480 manns starfa hjá Haydens sem er meðal stærstu framleiðenda á bakarísvörum í Bretlandi. Tekjur félagsins námu rúmlega fjórum milljörðum króna á síðasta rekstrarári, sem lauk í lok mars. Rekstrarafkoma Haydens á síðasta ári er þó sögð hafa verið nokkuð nálægt núllinu.

Haft er eftir talsmanni Bakkavarar í umfjöllun FoodBev að kaupin muni styrkja stöðu fyrirtækisins á „breska eftirréttamarkaðnum.“ Vöruframboð félagsins muni aukast samhliða miklum samlegðaráhrifum en eins og frægt er sérhæfir Bakkavör sig í framleiðslu ýmissa matvæla.

Real Good Food er sagt hafa verið í fjárhagsvandræðum um nokkuð skeið og segja talsmenn fyrirtækisins að andvirði sölunnar verði notað til að grynnka skuldir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4,36
82
1.091.920
ORIGO
2,25
2
3.481
REITIR
1,24
3
101.924
HEIMA
0,91
1
11
ARION
0,87
3
130.285

Mesta lækkun dagsins


Félag
Br.%
Fjöldi
Velta*
LEQ
-0,84
1
200
VIS
-0,71
2
2.480
MARL
-0,52
10
181.238
FESTI
-0,2
3
42.932
SKEL
0
1
500
Velkomin á Vísi. Þessi vefur notar vafrakökur. Sjá nánar.