Jón Gnarr telur Saga film brjóta á rétti sínum vegna endurgerðar Næturvaktarinnar Birgir Olgeirsson skrifar 29. ágúst 2018 15:10 Þetta er bara svo ógeðslega glatað, segir Jón Gnarr. Vísir/Stefán Jón Gnarr er verulega ósáttur við framleiðslufyrirtækið Saga Film vegna endurgerðar á Næturvaktinni í Þýskalandi. Þýski þátturinn ber nafnið Tanken: Mehr alls Super en aðalpersónurnar þrjár í þáttunum bera nafnið Georg, Olaf og Daniel, en í íslensku þáttunum voru þá Georg, Ólafur og Daníel. Jón Gnarr greinir frá óánægju sinni á Facebook en hann telur Saga film, sem framselur réttinn til Þýskalands, brjóta höfundarétt á sér. Jón Gnarr lék Georg Bjarnfreðarson eftirminnilega í Næturvaktinni en þýski Georg ber eftirnafnið Bergsted.Er Jón Gnarr einn af handritshöfundum næturvaktarinnar ásamt þeim Ragnari Bragasyni, sem leikstýrði þáttunum, Jóhanni Ævar Grímssyni, Gesti Val Svanssyni, Jörundi Ragnarssyni sem lék Daníel og Pétri Jóhanni Sigfússyni sem lék Ólaf Ragnar. Jón segir Saga film einnig hafa selt réttinn að Næturvaktinni til Noregs. Sá þáttur bar nafnið Nattskiftet og hétu aðalpersónurnar Georg, Daniel og Olav og mátti finna Kidda Casio þar líkt og í Næturvaktinni.„Ógeðslega glatað“ „Við vorum ekki einu sinni látnir vita af því. Þetta er bara svo ógeðslega glatað og okkur finnst þetta verulega pirrandi höfundum þessara þátta,“ segir Jón Gnarr. Hann segir þá ekki fá greiðslur þegar þættirnir hafa verið endurgerðir erlendis og er ekki minnst á þá sem upphafsmenn þessara þátta. „Við lesum bara um þetta í blöðunum eins og allir aðrir. Við erum hvorki upplýstir eða spurðir eða neitt. Höfundar eiga að minnsta kosti skilið virðingu fyrir það sem þeir hafa gert. En Saga film vill ekki samþykkja það,“ segir Jón.Jón Gnarr, sem Georg Bjarnfreðarson, Jörundar Ragnarsson, sem Daníel, og Pétur Jóhann Sigfússon, sem Ólafur Ragnar, í Næturvaktinni.Íhugar málshöfðun Hann segist hafa íhugað málshöfðun gegn Saga film til að fá rétt sinn staðfestan. Jón Gnarr segir Saga film líta svo á að fyrirtækið eigi höfunda- og ráðstöfunarrétt á þessum þáttum. „Svo er bara ómögulegt að geta sér til um hvernig þetta myndi fara fyrir dómi. Þetta eru mál sem verður að betrumbæta hér á landi,“ segir Jón. Hann segist hafa áður lent í svipuðu og nefnir sem dæmi þegar Ríkisútvarpið valdi Prumpufólkið besta barnalag allra tíma. Þar var Dr. Gunni einn titlaður höfundur en það var Jón Gnarr sem samdi textann en ekki var minnst á hann. Eiga að hafa afsalað sér rétti Jón segir Saga film líta svo á að höfundar Næturvaktarinnar hafi afsalað sér höfundaréttinum við undirritun samninga. „Það voru gerðir samningar sem yrðu ekki taldir boðlegir í dag. Þetta er allt saman flókið og afstætt en það sem ég hef verið að kalla eftir er bara að það sé einhver lágmarksvirðing sýnd, annars pirrar þetta mig,“ segir Jón. Hilmar Sigurðsson, forstjóri Saga film, segir fyrirtækið halda sig við samninga sem gerðir voru um Næturvaktina fyrir tólf árum sem eru í línu við það sem gerist í kvikmyndagerð. Hann vildi að öðru leyti ekki tjá sig frekar um málið. Réttur í sjónvarpi ekki í föstum skorðum Hann segist hafa verið meðlimur í Rithöfundasambandinu í tuttugu ár og geti leitað lögfræðiaðstoðar þar, en bendir á að höfundar leikins sjónvarpsefnis séu ekki allir í sambandinu. „Þessi höfundaréttarmál í sjónvarpi og textum, þetta er ekki í jafn föstum skorðum og hjá höfundum sem skrifa bækur. Það er meira meitlað í stein ef textinn þinn birtist í bók heldur en í handriti fyrir sjónvarp,“ segir Jón. „Við erum ógeðslega fúlir yfir þessu. Okkur finnst þetta pirrandi og finnst við ekki eiga svona framkomu skilið. Við skiluðum góðu verki og eigum skilið að fá þá virðingu sem okkur ber fyrir okkar vel unnu störf.“ Næturvaktin var afar vinsæl hér á landi. Gerðar voru tvær seríur til viðbótar, Dagvaktin og Fangavaktin, auk kvikmyndarinnar Bjarnfreðarson. Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Ekki lengur smeykur við að deila kastljósinu með Katrínu Lífið Japaninn sló heimsmet í Hlíðarfjalli Lífið Lekker hæð listakonu til sölu Lífið Jón Jónsson selur glæsihús á Seltjarnarnesi Lífið „Stundum finnst mér ég getað sigrað heiminn“ Lífið Björgólfur og Skúli í stuði í Feneyjum Lífið Frumsýning á Vísi: Fyrsta stiklan úr Snertingu Bíó og sjónvarp Suzuki mun flytja inn í höll Björgólfs Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira
Jón Gnarr er verulega ósáttur við framleiðslufyrirtækið Saga Film vegna endurgerðar á Næturvaktinni í Þýskalandi. Þýski þátturinn ber nafnið Tanken: Mehr alls Super en aðalpersónurnar þrjár í þáttunum bera nafnið Georg, Olaf og Daniel, en í íslensku þáttunum voru þá Georg, Ólafur og Daníel. Jón Gnarr greinir frá óánægju sinni á Facebook en hann telur Saga film, sem framselur réttinn til Þýskalands, brjóta höfundarétt á sér. Jón Gnarr lék Georg Bjarnfreðarson eftirminnilega í Næturvaktinni en þýski Georg ber eftirnafnið Bergsted.Er Jón Gnarr einn af handritshöfundum næturvaktarinnar ásamt þeim Ragnari Bragasyni, sem leikstýrði þáttunum, Jóhanni Ævar Grímssyni, Gesti Val Svanssyni, Jörundi Ragnarssyni sem lék Daníel og Pétri Jóhanni Sigfússyni sem lék Ólaf Ragnar. Jón segir Saga film einnig hafa selt réttinn að Næturvaktinni til Noregs. Sá þáttur bar nafnið Nattskiftet og hétu aðalpersónurnar Georg, Daniel og Olav og mátti finna Kidda Casio þar líkt og í Næturvaktinni.„Ógeðslega glatað“ „Við vorum ekki einu sinni látnir vita af því. Þetta er bara svo ógeðslega glatað og okkur finnst þetta verulega pirrandi höfundum þessara þátta,“ segir Jón Gnarr. Hann segir þá ekki fá greiðslur þegar þættirnir hafa verið endurgerðir erlendis og er ekki minnst á þá sem upphafsmenn þessara þátta. „Við lesum bara um þetta í blöðunum eins og allir aðrir. Við erum hvorki upplýstir eða spurðir eða neitt. Höfundar eiga að minnsta kosti skilið virðingu fyrir það sem þeir hafa gert. En Saga film vill ekki samþykkja það,“ segir Jón.Jón Gnarr, sem Georg Bjarnfreðarson, Jörundar Ragnarsson, sem Daníel, og Pétur Jóhann Sigfússon, sem Ólafur Ragnar, í Næturvaktinni.Íhugar málshöfðun Hann segist hafa íhugað málshöfðun gegn Saga film til að fá rétt sinn staðfestan. Jón Gnarr segir Saga film líta svo á að fyrirtækið eigi höfunda- og ráðstöfunarrétt á þessum þáttum. „Svo er bara ómögulegt að geta sér til um hvernig þetta myndi fara fyrir dómi. Þetta eru mál sem verður að betrumbæta hér á landi,“ segir Jón. Hann segist hafa áður lent í svipuðu og nefnir sem dæmi þegar Ríkisútvarpið valdi Prumpufólkið besta barnalag allra tíma. Þar var Dr. Gunni einn titlaður höfundur en það var Jón Gnarr sem samdi textann en ekki var minnst á hann. Eiga að hafa afsalað sér rétti Jón segir Saga film líta svo á að höfundar Næturvaktarinnar hafi afsalað sér höfundaréttinum við undirritun samninga. „Það voru gerðir samningar sem yrðu ekki taldir boðlegir í dag. Þetta er allt saman flókið og afstætt en það sem ég hef verið að kalla eftir er bara að það sé einhver lágmarksvirðing sýnd, annars pirrar þetta mig,“ segir Jón. Hilmar Sigurðsson, forstjóri Saga film, segir fyrirtækið halda sig við samninga sem gerðir voru um Næturvaktina fyrir tólf árum sem eru í línu við það sem gerist í kvikmyndagerð. Hann vildi að öðru leyti ekki tjá sig frekar um málið. Réttur í sjónvarpi ekki í föstum skorðum Hann segist hafa verið meðlimur í Rithöfundasambandinu í tuttugu ár og geti leitað lögfræðiaðstoðar þar, en bendir á að höfundar leikins sjónvarpsefnis séu ekki allir í sambandinu. „Þessi höfundaréttarmál í sjónvarpi og textum, þetta er ekki í jafn föstum skorðum og hjá höfundum sem skrifa bækur. Það er meira meitlað í stein ef textinn þinn birtist í bók heldur en í handriti fyrir sjónvarp,“ segir Jón. „Við erum ógeðslega fúlir yfir þessu. Okkur finnst þetta pirrandi og finnst við ekki eiga svona framkomu skilið. Við skiluðum góðu verki og eigum skilið að fá þá virðingu sem okkur ber fyrir okkar vel unnu störf.“ Næturvaktin var afar vinsæl hér á landi. Gerðar voru tvær seríur til viðbótar, Dagvaktin og Fangavaktin, auk kvikmyndarinnar Bjarnfreðarson.
Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Ekki lengur smeykur við að deila kastljósinu með Katrínu Lífið Japaninn sló heimsmet í Hlíðarfjalli Lífið Lekker hæð listakonu til sölu Lífið Jón Jónsson selur glæsihús á Seltjarnarnesi Lífið „Stundum finnst mér ég getað sigrað heiminn“ Lífið Björgólfur og Skúli í stuði í Feneyjum Lífið Frumsýning á Vísi: Fyrsta stiklan úr Snertingu Bíó og sjónvarp Suzuki mun flytja inn í höll Björgólfs Lífið Fleiri fréttir Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Sjá meira