Viðskipti erlent

Sýndarveruleikagleraugu dularfullra samstarfsaðila Sigur Rósar loksins fáanleg

Kristín Ólafsdóttir skrifar
Rony Abovitz stofnaði Magic Leap árið 2010.
Rony Abovitz stofnaði Magic Leap árið 2010. Vísir/Getty

Fyrsta vara sýndarveruleikafyrirtækisins Magic Leap er nú fáanleg þeim sem vilja þróa tæknina. Starfsemi fyrirtækisins hefur þótt afar dularfull en það hefur meðal annars unnið að þróun forrits með íslensku hljómsveitinni Sigur Rós.

Um er að ræða sýndarveruleikagleraugu og ber þessi fyrsta útgáfa þeirra heitið Magic Leap One Creator Edition. Í tilkynningu frá Magic Leap segir að með gleraugunum „vakni stafrænt efni til lífsins með okkur hér í raunheimum“ og þá veiti gleraugun einnig aðgang að fjölmörgum aukahlutum og forritum.

Magic Leap One Creator Edition hafa verið sögð eiga að marka kaflaskil í þróun sýndarveruleikatækni. Ekki er þó víst hvort þær spár gangi eftir. Mynd/Magic Leap

Þannig geta notendur Magic Leap One nýtt sér sérstakan vafra, myndbandsspilara og samfélagsmiðil sem allir styðja sýndarveruleika í þrívídd. Þá veita gleraugun einnig aðgang að verkefnum sem fyrirtækið hefur þróað samhliða þeim, þar á meðal forritinu Tónanda sem unnið er í samstarfi við meðlimi hljómsveitarinnar Sigur Rósar. Á vefsíðu fyrirtækisins segir að Tónandi sé „gagnvirkur könnunarleiðangur hljóðs og myndar“ og veiti innsýn inn í anda sveitarinnar.

Sjá einnig: Dularfullt sýndarveruleikafyrirtæki

Gleraugun og fylgihlutir þeirra eru fáanleg í takmörkuðu upplagi í völdum borgum Bandaríkjanna. Gleraugun eru föl fyrir 2295 Bandaríkjadali, eða tæpar 250 þúsund krónur íslenskar, og því ljóst að verðmiðinn er ekki öllum viðráðanlegur.

Magic Leap hefur þegar boðið nokkrum aðilum að prófa gleraugun og hafa margir hlaðið inn myndböndum um ferlið á YouTube. Hér að neðan má til að mynda sjá myndband tæknimiðilsins The Verge sem fékk starfsmann sinn til að dæma gleraugun. Í myndbandinu má sjá virkni ýmissa „fídusa“ og forrita, sem varpa ljósi á það sem gleraugun bjóða notendum upp á.

Eins og áður sagði hefur starfsemi Magic Leap verið sveipuð mikilli dulúð. Fyrirtækið var stofnað árið 2010 og er staðsett í Flórída, fjarri öðrum sprotafyrirtækjum í tæknigeiranum sem flest eru í Kísildal í Kaliforníu. Á meðal fyrirtækja sem hafa fjárfest í Magic Leap eru Alibaba, Google og JPMorgan.

Þrátt fyrir athyglina sem fyrirtækið hefur vakið er afar lítið vitað um tæknina sem það hefur þróað undanfarin ár. Hefur þetta verið yfirlýst stefna stofnanda Magic Leap, Rony Abovitz, frá stofnun fyrirtækisins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
3,6
7
34.050
EIK
0,59
9
130.040
HAGA
0,42
2
24.960
ICEAIR
0,41
33
133.550
MARL
0,4
9
103.662

Mesta lækkun dagsins


Félag
Br.%
Fjöldi
Velta*
EIM
-2,15
7
62.376
SKEL
-1,06
2
12.446
ARION
-0,75
4
31.935
FESTI
-0,4
2
61.625
ORIGO
0
4
4.614
Velkomin á Vísi. Þessi vefur notar vafrakökur. Sjá nánar.