Hríðfallandi hagnaður eftir erfiða sex mánuði hjá H&M Þorbjörn Þórðarson skrifar 29. júní 2018 16:00 Verslun H&M í Bremen í Þýskalandi. Stjórnendur sænska tískurisans hafa verið gagnrýndir fyrir of hraðan vöxt. Fyrirtækið situr uppi með gríðarmiklar birgðir af fötum sem hafa ekki selst. Vísir/EPA Hagnaður sænska tískurisans H&M dróst saman um þriðjung á fyrri hluta rekstrarársins sem lauk í lok maí. Miklar óseldar vörubirgðir, of hraður vöxtur við opnun nýrra verslana og breytt neyslumynstur með aukinni netverslun hefur valdið fyrirtækinu tjóni. Á rekstrarárinu sem lauk 31. maí hagnaðist H&M um 7,3 milljarða sænskra króna, jafnvirði 86 milljarða íslenskra króna. Hagnaður eftir skatta nam rúmlega 6 milljörðum sænskra króna og er þetta þriðjungi minni hagnaður fyrir sama tímabil í fyrra. H&M er næststærsta tískuhús í heimi á eftir spænska fyrirtækinu Inditex sem á Zara, Pull & Bear, Bershka, Stradivarius, Massimo Dutti og fleiri vörumerki. Í FT kemur fram að sala hjá H&M hafi í raun staðið í stað en blaðið hefur eftir Karl-Johan Persson forstjóra H&M að það hafi legið fyrir lengi að 2018 yrði erfitt ár. Fyrirtækið hafi farið í gegnum annan fjórðung rekstrarársins með of miklar vörubirgðir. Magn óseldra vörubirgða hefur verið vandamál hjá H&M í talsverðan tíma. Fyrirtækið hefur freistað þess að bregðast við breyttu neyslumynstri fólks með aukinni netverslun með fjárfestingu í sölu á netinu en þessi hluti rekstrarins hefur ekki komist á neitt flug ennþá. Breytt neyslumynstur með aukinni netverslun, ekki síst með tilkomu hugbúnaðar sem auðveldar fólki að velja föt í réttri stærð á síðum eins og Asos, hefur skaðað H&M mikið enda hefur fyrirtækið alltaf lagt mikla áherslu á vöxt með opnun nýrra verslana. Fyrr í þessum mánuði hleypti fyrirtækið Afound af stokkunum en um er að ræða níunda vörumerkið undir H&M. Afound selur fatnað frá vörumerkjum H&M samstæðunnar en einnig tískuvörur annarra framleiðenda á útsöluverði í sérstakri verslun í Stokkhólmi og í vefverslun. Í yfirlýsingu H&M í gær, sem hefur verið túlkuð sem hálfgerð afkomuviðvörun, kemur fram að fyrirtækið sé að fara í gegnum umbrotatíma. Haft er eftir Karl-Johan Persson að heilt yfir hafi sala á fyrstu sex mánuðum rekstrarársins valdið vonbrigðum og að óseldar vörubirgðir hafi verið of miklar við lok tímabilsins. H&M hafði áður upplýst að sölutölur fyrir 2018 myndu valda vonbrigðum en fyrirtækið greindi frá því í mars að afkoma milli ára hefði dregist saman um 60 prósent á fyrsta fjórðungi ársins. Í kjölfarið hrundi hlutabréfaverð fyrirtækisins. Afkomutilkynning H&M samstæðunnar. Frétt FT. Mest lesið Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Mikill samdráttur á hagnaði Tesla Viðskipti erlent Sækjast eftir fangelsisdómi yfir rafmyntakóngi Viðskipti erlent Tryggðu sér 300 milljóna króna fjármögnun Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Hagnaður sænska tískurisans H&M dróst saman um þriðjung á fyrri hluta rekstrarársins sem lauk í lok maí. Miklar óseldar vörubirgðir, of hraður vöxtur við opnun nýrra verslana og breytt neyslumynstur með aukinni netverslun hefur valdið fyrirtækinu tjóni. Á rekstrarárinu sem lauk 31. maí hagnaðist H&M um 7,3 milljarða sænskra króna, jafnvirði 86 milljarða íslenskra króna. Hagnaður eftir skatta nam rúmlega 6 milljörðum sænskra króna og er þetta þriðjungi minni hagnaður fyrir sama tímabil í fyrra. H&M er næststærsta tískuhús í heimi á eftir spænska fyrirtækinu Inditex sem á Zara, Pull & Bear, Bershka, Stradivarius, Massimo Dutti og fleiri vörumerki. Í FT kemur fram að sala hjá H&M hafi í raun staðið í stað en blaðið hefur eftir Karl-Johan Persson forstjóra H&M að það hafi legið fyrir lengi að 2018 yrði erfitt ár. Fyrirtækið hafi farið í gegnum annan fjórðung rekstrarársins með of miklar vörubirgðir. Magn óseldra vörubirgða hefur verið vandamál hjá H&M í talsverðan tíma. Fyrirtækið hefur freistað þess að bregðast við breyttu neyslumynstri fólks með aukinni netverslun með fjárfestingu í sölu á netinu en þessi hluti rekstrarins hefur ekki komist á neitt flug ennþá. Breytt neyslumynstur með aukinni netverslun, ekki síst með tilkomu hugbúnaðar sem auðveldar fólki að velja föt í réttri stærð á síðum eins og Asos, hefur skaðað H&M mikið enda hefur fyrirtækið alltaf lagt mikla áherslu á vöxt með opnun nýrra verslana. Fyrr í þessum mánuði hleypti fyrirtækið Afound af stokkunum en um er að ræða níunda vörumerkið undir H&M. Afound selur fatnað frá vörumerkjum H&M samstæðunnar en einnig tískuvörur annarra framleiðenda á útsöluverði í sérstakri verslun í Stokkhólmi og í vefverslun. Í yfirlýsingu H&M í gær, sem hefur verið túlkuð sem hálfgerð afkomuviðvörun, kemur fram að fyrirtækið sé að fara í gegnum umbrotatíma. Haft er eftir Karl-Johan Persson að heilt yfir hafi sala á fyrstu sex mánuðum rekstrarársins valdið vonbrigðum og að óseldar vörubirgðir hafi verið of miklar við lok tímabilsins. H&M hafði áður upplýst að sölutölur fyrir 2018 myndu valda vonbrigðum en fyrirtækið greindi frá því í mars að afkoma milli ára hefði dregist saman um 60 prósent á fyrsta fjórðungi ársins. Í kjölfarið hrundi hlutabréfaverð fyrirtækisins. Afkomutilkynning H&M samstæðunnar. Frétt FT.
Mest lesið Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Mikill samdráttur á hagnaði Tesla Viðskipti erlent Sækjast eftir fangelsisdómi yfir rafmyntakóngi Viðskipti erlent Tryggðu sér 300 milljóna króna fjármögnun Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira