Viðskipti erlent

Zuckerberg baðst afsökunar á CNN

Þorbjörn Þórðarson skrifar
Mark Zuckerberg.
Mark Zuckerberg. Vísir/Getty

Mark Zuckerberg stofnandi og forstjóri Facebook hefur beðist afsökunar á því að Cambridge Analytica hafi tekist að hagnýta sér persónuupplýsingar Bandaríkjamanna með ólögmætum hætti í aðdaganda forsetakosninganna 2016. Hann segist tilbúinn að koma fyrir rannsóknarnefnd fulltrúadeildar Bandaríkjaþings til að svara spurningum um málið sé þess óskað.

Mark Zuckerberg stofnandi og forstjóri Facebook hefur verið harðlega gagnrýndur fyrir að þaga þunnu hljóði um mál Cambridge Analytica og hvernig fyrirtækið misnotaði skilmála Facebook til að komast yfir persónuupplýsingar um 50 milljónir Bandaríkjamanna.

Síðan málið kom upp hafa þurrkast út um 83 milljarðar dollara, jafnvirði rúmlega 8000 milljarða króna, af markaðsverðmæti Facebook í Nasdaq kauphöllinni vestanhafs eða rúmlega þreföld landsframleiðsla Íslands á síðasta ári.

Zuckerberg rauf þagnarbindindið í gærkvöldi með stöðuppfærslu á Facebook. Þar rekur hann aðdraganda og sögu málsins og segir að Facebook muni hafa samband við alla sem hefðu þurft að þola að persónuupplýsingar þeirra væru notaðar án samþykkis. 

I want to share an update on the Cambridge Analytica situation -- including the steps we've already taken and our next...
Posted by Mark Zuckerberg on Wednesday, March 21, 2018

Hann segir að miðlun á persónuupplýsingum, sem var safnað með appinu sem forritarinn Alexanderi Kogan þróaði, til fyrirtækisins Cambridge Analytica hafi verið brot á skilmálum Facebook.

Zuckerberg segir jafnframt í pistlinum að Facebook skuldi notendum það að tryggja þeim betra gagnaöryggi. Facebook beri þá ábyrgð að vernda upplýsingar notenda og ef fyrirtækið geti það ekki þá verðskuldi það ekki að þjóna notendum miðilsins. Zuckerberg biðst þó ekki afsökunar á neinum mistökum í pistlinum. 

Í dag birtist síðan viðtal við Zuckerberg á CNN þar sem hann í fyrsta sinn biðst afsökunar á málinu. Í viðtalinu segist Zuckerberg tilbúinn að koma fyrir þingnefnd, eftir atvikum rannsóknarnefnd fulltrúadeildar Bandaríkjaþings, til að svara fyrirspurnum um málið en þingmenn í bæði Bandaríkjunum og Bretlandi hafa farið fram á það.

Á einum tímapunkti verður hann meyr í viðtalinu þegar hann ræðir um dætur sínar en hann segir að leiðarstefið í lífi sínu sé að skapa eitthvað sem geti gert dætur hans stoltar af föður sínum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,25
2
48.600
SKEL
0,66
3
89.276
GRND
0,62
1
16.100
SYN
0,2
3
127.020
MARL
0,13
7
28.952

Mesta lækkun dagsins


Félag
Br.%
Fjöldi
Velta*
ICEAIR
-1,39
10
48.327
VIS
-1,15
3
34.510
TM
-0,52
3
34.622
FESTI
-0,2
1
9.980
EIK
-0,13
1
7
Velkomin á Vísi. Þessi vefur notar vafrakökur. Sjá nánar.