Vilja að olíusjóðurinn fái að fjárfesta í óskráðum félögum Kristinn Ingi Jónsson skrifar 17. janúar 2018 15:00 Norska sjóðnum er ekki heimilt að fjárfesta í óskráðum félögum. Sjóðsstjórarnir vilja breyta því. Nordicphotos/Getty Stjórnendur norska olíusjóðsins, sem er stærsti fjárfestingarsjóður í ríkiseigu í heiminum, hafa óskað eftir því við norska fjármálaráðuneytið að sjóðurinn fái að fjárfesta í óskráðum félögum. Um yrði að ræða veigamikla stefnubreytingu, en sjóðurinn hefur hingað til fjárfest fyrst og fremst í skráðum skulda- og hlutabréfum og fasteignum. Til að byrja með myndi sjóðurinn, sem á eignir að virði um 1.100 milljarða dala, fjárfesta í framtakssjóðum. Til lengri tíma stendur hins vegar vilji Yngve Slyngstad, framkvæmdastjóra sjóðsins, til þess að sjóðurinn fái leyfi til að kaupa yfir tíu prósenta hlut í óskráðum félögum. Sjóðnum er, samkvæmt núgildandi regluverki, aðeins heimilt að fjárfesta í skráðum félögum og eiga í þeim allt að tíu prósenta hlut. Sjóðurinn hefur vaxið leifturhratt frá stofnun og á að meðaltali um 1,5 prósenta hlut í hverju einasta skráða fyrirtæki í heiminum. Forsvarsmenn sjóðsins hafa hins vegar að undanförnu leitað leiða til þess að bæta afkomu sjóðsins, að því er segir í fréttaskýringu Financial Times, en liður í því er að sjóðurinn fái að fjárfesta í frekari mæli í eignum sem ekki eru skráðar á verðbréfamarkaði, svo sem í innviðaverkefnum og óskráðum félögum. „Stærð sjóðsins, langtímasýn hans og lítil lausafjárþörf gerir sjóðinn vel til þess fallinn að fjárfesta í óskráðum félögum,“ sagði í bréfi sem Slyngstad skrifaði til norska fjármálaráðuneytisins í byrjun ársins.Yngve Slyngstad, framkvæmdastjóri sjóðsinsFjárfesti í innviðum Norskir stjórnmálamenn hafa kallað eftir því að sjóðurinn fjárfesti af myndarskap í innviðaverkefnum, sér í lagi þeim er varða endurnýjanlega orku, til viðbótar við núverandi fjárfestingar sínar í skráðum félögum, skuldabréfum og fasteignum. Einn yfirmaður olíusjóðsins segir í samtali við Financial Times að tregða margra fyrirtækja, sér í lagi tæknifyrirtækja, til þess að fara á hlutabréfamarkað geri það að verkum að sjóðurinn geti ekki fjárfest í nógu vel dreifðu safni hlutabréfa. Ör fækkun skráðra félaga í ríkjum á borð við Bandaríkin og Bretland veki jafnframt áhyggjur. Einnig bendir hann á að ávöxtun af óskráðum félögum sé líkleg til að verða „örlítið betri“ en af skráðum félögum til lengri tíma litið. Allt þetta renni stoðum undir mikilvægi þess að sjóðurinn fái heimild til að eignast hlut í óskráðum félögum. Embættismenn í norska fjármálaráðuneytinu munu nú leggjast yfir bréf Slyngstad og kynna í kjölfarið norska stórþinginu sínar eigin tillögur.Mótar framtíðarstefnu Ný minnihlutastjórn hægri- og miðjuflokka í Noregi, sem kynnt var um síðustu helgi, stendur frammi fyrir nokkrum veigamiklum spurningum um framtíð sjóðsins. Fyrir utan spurninguna um hvort leyfa eigi sjóðnum að fjárfesta í óskráðum félögum þarf hún auk þess að ákveða hvort koma eigi á fót sérstakri stofnun utan um rekstur sjóðsins, líkt og starfshópur á vegum fjármálaráðuneytisins hefur lagt til, í stað þess að láta reksturinn áfram heyra undir norska seðlabankann. Jafnframt þarf nýja stjórnin að taka afstöðu til þess hvort sjóðurinn eigi að selja öll hlutabréf sín í fyrirtækjum í olíu- og gasiðnaði, en stjórnendur sjóðsins hafa ítrekað talað um mikilvægi þess að draga úr áhættu norska hagkerfisins gagnvart sveiflum á olíumörkuðum. Um sex prósent af eignum sjóðsins eru bundin í hlutabréfum í olíu- og gasfyrirtækjum.Fréttin birtist fyrst í Markaðinum, fylgiriti Fréttablaðsins um viðskipti og fjármál. Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Nú er hægt að elta góða veðrið um landið með kortavef Já.is Samstarf Sagðir vilja frekar loka TikTok en selja Viðskipti erlent Tryggðu sér 300 milljóna króna fjármögnun Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Stjórnendur norska olíusjóðsins, sem er stærsti fjárfestingarsjóður í ríkiseigu í heiminum, hafa óskað eftir því við norska fjármálaráðuneytið að sjóðurinn fái að fjárfesta í óskráðum félögum. Um yrði að ræða veigamikla stefnubreytingu, en sjóðurinn hefur hingað til fjárfest fyrst og fremst í skráðum skulda- og hlutabréfum og fasteignum. Til að byrja með myndi sjóðurinn, sem á eignir að virði um 1.100 milljarða dala, fjárfesta í framtakssjóðum. Til lengri tíma stendur hins vegar vilji Yngve Slyngstad, framkvæmdastjóra sjóðsins, til þess að sjóðurinn fái leyfi til að kaupa yfir tíu prósenta hlut í óskráðum félögum. Sjóðnum er, samkvæmt núgildandi regluverki, aðeins heimilt að fjárfesta í skráðum félögum og eiga í þeim allt að tíu prósenta hlut. Sjóðurinn hefur vaxið leifturhratt frá stofnun og á að meðaltali um 1,5 prósenta hlut í hverju einasta skráða fyrirtæki í heiminum. Forsvarsmenn sjóðsins hafa hins vegar að undanförnu leitað leiða til þess að bæta afkomu sjóðsins, að því er segir í fréttaskýringu Financial Times, en liður í því er að sjóðurinn fái að fjárfesta í frekari mæli í eignum sem ekki eru skráðar á verðbréfamarkaði, svo sem í innviðaverkefnum og óskráðum félögum. „Stærð sjóðsins, langtímasýn hans og lítil lausafjárþörf gerir sjóðinn vel til þess fallinn að fjárfesta í óskráðum félögum,“ sagði í bréfi sem Slyngstad skrifaði til norska fjármálaráðuneytisins í byrjun ársins.Yngve Slyngstad, framkvæmdastjóri sjóðsinsFjárfesti í innviðum Norskir stjórnmálamenn hafa kallað eftir því að sjóðurinn fjárfesti af myndarskap í innviðaverkefnum, sér í lagi þeim er varða endurnýjanlega orku, til viðbótar við núverandi fjárfestingar sínar í skráðum félögum, skuldabréfum og fasteignum. Einn yfirmaður olíusjóðsins segir í samtali við Financial Times að tregða margra fyrirtækja, sér í lagi tæknifyrirtækja, til þess að fara á hlutabréfamarkað geri það að verkum að sjóðurinn geti ekki fjárfest í nógu vel dreifðu safni hlutabréfa. Ör fækkun skráðra félaga í ríkjum á borð við Bandaríkin og Bretland veki jafnframt áhyggjur. Einnig bendir hann á að ávöxtun af óskráðum félögum sé líkleg til að verða „örlítið betri“ en af skráðum félögum til lengri tíma litið. Allt þetta renni stoðum undir mikilvægi þess að sjóðurinn fái heimild til að eignast hlut í óskráðum félögum. Embættismenn í norska fjármálaráðuneytinu munu nú leggjast yfir bréf Slyngstad og kynna í kjölfarið norska stórþinginu sínar eigin tillögur.Mótar framtíðarstefnu Ný minnihlutastjórn hægri- og miðjuflokka í Noregi, sem kynnt var um síðustu helgi, stendur frammi fyrir nokkrum veigamiklum spurningum um framtíð sjóðsins. Fyrir utan spurninguna um hvort leyfa eigi sjóðnum að fjárfesta í óskráðum félögum þarf hún auk þess að ákveða hvort koma eigi á fót sérstakri stofnun utan um rekstur sjóðsins, líkt og starfshópur á vegum fjármálaráðuneytisins hefur lagt til, í stað þess að láta reksturinn áfram heyra undir norska seðlabankann. Jafnframt þarf nýja stjórnin að taka afstöðu til þess hvort sjóðurinn eigi að selja öll hlutabréf sín í fyrirtækjum í olíu- og gasiðnaði, en stjórnendur sjóðsins hafa ítrekað talað um mikilvægi þess að draga úr áhættu norska hagkerfisins gagnvart sveiflum á olíumörkuðum. Um sex prósent af eignum sjóðsins eru bundin í hlutabréfum í olíu- og gasfyrirtækjum.Fréttin birtist fyrst í Markaðinum, fylgiriti Fréttablaðsins um viðskipti og fjármál.
Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Nú er hægt að elta góða veðrið um landið með kortavef Já.is Samstarf Sagðir vilja frekar loka TikTok en selja Viðskipti erlent Tryggðu sér 300 milljóna króna fjármögnun Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira