Var Lína Langsokkur í ár eftir fyrstu leikhúsferð Gunnþóra Gunnarsdóttir skrifar 6. janúar 2018 10:45 "Ég hafði þungar áhyggjur af því fyrir nokkrum árum hversu lítið var um nýsköpun leikverka fyrir börn. Við höfum tekið okkur á í þeim efnum, samt mættu vera fleiri barnasýningar,“ segir Salka. Vísir/Eyþór Skúmaskot er dálítið fyndin hasarfantasía. Við byrjum í kunnuglegu umhverfi en förum svo niður í dularfullan leyniheim, þar eru háski og hættur við hvert fótmál,“ segir leikskáldið Salka Guðmundsdóttir. Hún er höfundur verksins Skúmaskot sem frumsýnt verður á Litla sviði Borgarleikhússins klukkan 13 á morgun, sunnudag. „Þetta leikrit er ekki fyrir allra yngstu börnin heldur langaði mig að skrifa fyrir þau sem eru orðin átta ára og eldri og hafa gaman af að láta segja sér sögur með smá spennu,“ segir hún og kveðst sjálf hafa kunnað að meta það að láta aðeins hræða sig þegar hún var krakki, svo fremi sem hún gæti treyst því að allt færi vel að lokum.Þórunn Arna og Vala Kristín í hlutverkum sínum í Skúmaskoti. Mynd/Grímur BjarnasonSalka hefur einbeitt sér að leikritaskrifum síðustu ár. Öðru hvoru sleppir hún barninu í sér lausu í þeim skrifum. Fyrir nokkrum árum sendi hún frá sér leikrit sem hét Hætturnar í Huliðsdal og annað gerði hún fyrir útvarp sem heitir Ljósberarnir, það var páskaleikritið hjá RÚV í hittiðfyrra. En eru henni einhverjar sýningar úr leikhúsum eftirminnilegar frá því hún var barn? „Já, fyrsta sýningin sem ég sá var Lína Langsokkur, þá var ég bara mjög lítil. Pabbi minn, Guðmundur Ólafsson, var að leika aðra lögguna og ég lifði mig svo gríðarlega inn í efnið að ég var Lína í heilt ár á eftir. Skikkaði foreldra mína til að vera Tommi og Anna sem var ekki skemmtilegt hlutskipti í samanburði við mitt!“ Leikararnir í Skúmaskoti eru allir uppkomnir en geta leikið fólk á öllum aldri, að sögn Sölku. Þeir eru Halldór Gylfason, Maríanna Clara Lúthersdóttir, Vala Kristín Eiríksdóttir og Þórunn Arna Kristjánsdóttir. „Þetta er afskaplega skemmtilegur hópur, fólk sem hefur gaman af að leika sér og þau halda í barnið í sjálfum sér. Það sama gildir um alla sem koma að sýningunni. Það er nauðsynlegt fyrir þá að rannsaka, vera forvitnir og uppgötva eitthvað nýtt,“ segir Salka. Leikstjórinn, Gréta Kristín Ómarsdóttir, átti sterka innkomu á síðasta ári enda var hún tilnefnd til þrennra Grímuverðlauna og var útnefnd þar Sproti ársins. „Það var spennandi að fá hana í þetta verkefni,“ segir Salka. Þrjár barnasýningar eru frumsýndar í leikhúsunum þessa helgi. Það finnst Sölku frábært. „Ég hafði þungar áhyggjur af því fyrir nokkrum árum hversu lítið var um nýsköpun leikverka fyrir börn. Við höfum tekið okkur á í þessu efni, samt mættu vera fleiri barnasýningar á minni sviðum leikhúsanna. Þó er þakkarvert hvað sjálfstæðu hóparnir eru duglegir að sinna barnamenningunni.“ Menning Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið „Ég dreg mig í hlé og fer bara og stofna kaffihús“ Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Skúmaskot er dálítið fyndin hasarfantasía. Við byrjum í kunnuglegu umhverfi en förum svo niður í dularfullan leyniheim, þar eru háski og hættur við hvert fótmál,“ segir leikskáldið Salka Guðmundsdóttir. Hún er höfundur verksins Skúmaskot sem frumsýnt verður á Litla sviði Borgarleikhússins klukkan 13 á morgun, sunnudag. „Þetta leikrit er ekki fyrir allra yngstu börnin heldur langaði mig að skrifa fyrir þau sem eru orðin átta ára og eldri og hafa gaman af að láta segja sér sögur með smá spennu,“ segir hún og kveðst sjálf hafa kunnað að meta það að láta aðeins hræða sig þegar hún var krakki, svo fremi sem hún gæti treyst því að allt færi vel að lokum.Þórunn Arna og Vala Kristín í hlutverkum sínum í Skúmaskoti. Mynd/Grímur BjarnasonSalka hefur einbeitt sér að leikritaskrifum síðustu ár. Öðru hvoru sleppir hún barninu í sér lausu í þeim skrifum. Fyrir nokkrum árum sendi hún frá sér leikrit sem hét Hætturnar í Huliðsdal og annað gerði hún fyrir útvarp sem heitir Ljósberarnir, það var páskaleikritið hjá RÚV í hittiðfyrra. En eru henni einhverjar sýningar úr leikhúsum eftirminnilegar frá því hún var barn? „Já, fyrsta sýningin sem ég sá var Lína Langsokkur, þá var ég bara mjög lítil. Pabbi minn, Guðmundur Ólafsson, var að leika aðra lögguna og ég lifði mig svo gríðarlega inn í efnið að ég var Lína í heilt ár á eftir. Skikkaði foreldra mína til að vera Tommi og Anna sem var ekki skemmtilegt hlutskipti í samanburði við mitt!“ Leikararnir í Skúmaskoti eru allir uppkomnir en geta leikið fólk á öllum aldri, að sögn Sölku. Þeir eru Halldór Gylfason, Maríanna Clara Lúthersdóttir, Vala Kristín Eiríksdóttir og Þórunn Arna Kristjánsdóttir. „Þetta er afskaplega skemmtilegur hópur, fólk sem hefur gaman af að leika sér og þau halda í barnið í sjálfum sér. Það sama gildir um alla sem koma að sýningunni. Það er nauðsynlegt fyrir þá að rannsaka, vera forvitnir og uppgötva eitthvað nýtt,“ segir Salka. Leikstjórinn, Gréta Kristín Ómarsdóttir, átti sterka innkomu á síðasta ári enda var hún tilnefnd til þrennra Grímuverðlauna og var útnefnd þar Sproti ársins. „Það var spennandi að fá hana í þetta verkefni,“ segir Salka. Þrjár barnasýningar eru frumsýndar í leikhúsunum þessa helgi. Það finnst Sölku frábært. „Ég hafði þungar áhyggjur af því fyrir nokkrum árum hversu lítið var um nýsköpun leikverka fyrir börn. Við höfum tekið okkur á í þessu efni, samt mættu vera fleiri barnasýningar á minni sviðum leikhúsanna. Þó er þakkarvert hvað sjálfstæðu hóparnir eru duglegir að sinna barnamenningunni.“
Menning Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið Mörg hundruð manns á opnun kosningamiðstöðvar Katrínar Lífið „Ég dreg mig í hlé og fer bara og stofna kaffihús“ Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira