„Skortir orð til að lýsa Salah“

Mohamed Salah skoraði bæði mörk Liverpool þegar liðið lagði Leicester City að velli, 2-1, í dag.



Egyptinn hefur verið magnaður það sem af er tímabili og er kominn með 17 mörk í ensku úrvalsdeildinni. Aðeins Harry Kane (18) hefur skorað fleiri.

„Hann heldur áfram að skora og mig skortir orð til að lýsa honum,“ sagði James Milner um Salah eftir leikinn gegn Leicester.

„Það er mikilvægt að við höldum áfram að styðja við bakið á honum en setjum ekki of mikla pressu á hann.“

Liverpool fór taplaust í gegnum síðustu 15 leiki ársins 2017 í öllum keppnum.