Körfubolti

Kristinn á leið til Íslands

Eiríkur Stefán Ásgeirsson skrifar
Kristinn Pálsson.
Kristinn Pálsson. vísir/ernir

Kristinn Pálsson, einn efnilegasti körfuboltamaður Íslands, er hættur að spila með háskólaliði Marist í Bandaríkjunum en þetta kemur fram í bandarískum fjölmiðlum.

Kristinn er á sínu þriðja ári í skólanum og hefur skorað 25 stig og tekið 23 fráköst samtals í þrettán leikjum liðsins þetta tímabilið. Hann hyggst klára lokapróf annarinnar og snúa svo til Íslands.

Samkvæmt ofangreindri frétt er fráfall í fjölskyldu Kristins ástæða þess að hann snýr aftur heim á leið nú. Kristinn hefur verið orðaður við Njarðvík hér á landi.

Hann var lykilmaður í liði Marist á fyrsta ári sínu og var með 8,7 stig að meðaltali í leik og 4,4 fráköst. Hann var með 4,4 stig og 2,6 fráköst að meðaltali á síðasta tímabili.

Kristinn flutti til Ítalíu strax eftir grunnskóla og spilaði með unglingaliðinu Stella Azzurrra í Róm þar sem hann var fyrirliði liðsins sem varð meistari á Ítalíu og fór langt í Evrópukeppni framtíðarleikmanna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.