Viðskipti innlent

Katrín Helga skipuð í nýja stjórn Samkeppniseftirlitsins

Hörður Ægisson skrifar
Katrín Helga Hallgrímsdóttir, lögmaður og fyrrverandi eigandi að BBA Legal.
Katrín Helga Hallgrímsdóttir, lögmaður og fyrrverandi eigandi að BBA Legal.

Kristín Haraldsdóttir, lektor við lagadeild Háskólans í Reykjavík og fyrrverandi aðstoðarmaður Ólafar Nordal, þáverandi dómsmálaráðherra, hefur verið skipuð formaður stjórnar Samkeppniseftirlitsins. Þá hafa þau Katrín Helga Hallgrímsdóttir, lögmaður og fyrrverandi eigandi að BBA Legal, og Sveinn Agnarsson, dósent við viðskiptafræðideild Háskóla Íslands, einnig tekið sæti í stjórninni.

Það er Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, sem skipaði nýja stjórn Samkeppniseftirlitsins til næstu fjögurra ára. Kristín hefur áður setið í stjórn Samkeppniseftirlitsins en hún hafði verið formaður stjórnarinnar í rúmlega eitt ár þegar hún var ráðin aðstoðarmaður Ólafar í árslok 2014.

Stjórn Samkeppniseftirlitsins var áður skipuð þeim Guðrúnu Ragnarsdóttur, sem var jafnframt formaður, Ástu Dís Óladóttur og Eyvindi G. Gunnarssyni.

Fréttin birtist fyrst í Markaðnum, fylgiriti Fréttablaðsins um viðskipti og efnahagsmál.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
NYHR
2,72
3
29.190
GRND
1,84
9
233.031
REGINN
0,98
4
113.580
SIMINN
0,95
6
197.862
N1
0,44
1
33.900

Mesta lækkun dagsins


Félag
Br.%
Fjöldi
Velta*
ICEAIR
-0,66
1
9.030
HAGA
-0,14
3
111.135
MARL
-0,08
13
187.906
REITIR
-0,06
3
65.150
EIM
0
1
17.570