Viðskipti innlent

Í viðræðum um kaup á Frjálsri verslun

Kristinn Ingi Jónsson skrifar
Pétur Árni Jónsson, stærsti eigandi Mylluseturs
Pétur Árni Jónsson, stærsti eigandi Mylluseturs

Útgáfufélagið Myllusetur, sem á og rekur Viðskiptablaðið, hefur rætt við forsvarsmenn útgáfufélagsins Heims um kaup á viðskiptatímaritinu Frjálsri verslun, samkvæmt heimildum Fréttablaðsins. Viðræðurnar eru langt á veg komnar og má reikna með niðurstöðu úr þeim innan tíðar.

Forsvarsmenn Heims hafa um nokkurt skeið leitað nýrra eigenda að Frjálsri verslun. Þau systkini Jóhannes, Jón og Steinunn tóku við rekstri félagsins af föður sínum, Benedikt Jóhannessyni fjármálaráðherra, í lok síðasta árs. Samtals eiga þau um 75 prósenta hlut í félaginu. Í kjölfarið hefur félagið dregið saman seglin og selt meðal annars tímaritin Vísbendingu, Ice­land Review og Ský. Öllu starfsfólki Heims var sagt upp fyrr í sumar. – kij



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira