Erlent

Tala látinna í Venesúela hækkar

Hulda Hólmkelsdóttir skrifar
Andstæðingar ríkistjórnarinnar i Venesúela hafa mótmælt á götum úti undanfarinn mánuð.
Andstæðingar ríkistjórnarinnar i Venesúela hafa mótmælt á götum úti undanfarinn mánuð. Vísir/AFP
Minnst þrír eru látnir og fleiri alvarlega slasaðir eftir óeirðir í Venesúela í dag. Andstæðingar ríkistjórnarinnar þar í landi hafa mótmælt á götum úti undanfarinn mánuð.

Ítrekað hafa komið upp átök milli stuðningsmanna Nicolas Maduro, forseta Venesúela, og mótmælenda.

Maduro hefur kallað mótmælendur glæpamenn og hryðjuverkamenn og hafa öryggissveitir beitt vatnsfallbyssum og táragasi gegn þeim.

Venesúela hefur á undanförnum árum gengið í gegnum gífurleg efnahagsvandræði með verðlækkun olíu og ríkir mikill skortur í landinu. Óðaverðbólga hefur gert gjaldmiðil landsins nánast verðlausan.

Andstæðingar Maduro segja hann ætla að reyna að selja hluta af gullforða ríkisins til að halda völdum sínum og krefjast þess að boðað verði til kosninga.

Leiðtogi þingsins, Julio Borges, hefur sent nokkrum af stærstu fjármálastofnunum heims bréf þar sem hann hvetur starfsmenn þeirra til að veita Maduro ekki líflínu, biðji hann um hana.

Gjaldeyrisforði ríkisins er um tíu milljarðar dala en um 75 prósent hans er í formi gullstanga. Gjaldeyrisforðinn hefur ekki verið lægri í um fimmtán ár. Á þessu ári mun ríkið þurfa að greiða um sex milljarða dala í skuldir.


Tengdar fréttir




Fleiri fréttir

Sjá meira


×