Fótbolti

Rooney og Martial ekki með á fimmtudag

Eiríkur Stefán Ásgeirsson skrifar
Wayne Rooney í leik með United.
Wayne Rooney í leik með United. vísir/getty

Hvorki Wayne Rooney né Anthony Martial verða með Manchester United þegar liðið tekur á móti Rostov frá Rússlandi í síðari viðureign liðanna í 16-liða úrslitum Evrópudeildar UEFA á fimmtudag.

Fyrri leik liðanna lauk með 1-1 jafntefli í Rússlandi í síðustu viku en í millitíðinni tapaði United fyrir Chelsea í ensku bikarkeppninni, 1-0, á mánudagskvöld.

Jose Mouriho, stjóri United, staðfesti að Rooney hafi fengið högg á hnéð og verði því meðhöndlun næstu dagana. Martial meiddist fyrir leikinn gegn Chelsea og hefur ekki náð sér.

Zlatan Ibrahimovic verður þó á sínum stað í leikmannahópi United en hann er að taka út þriggja leikja bann í keppnunum heima fyrir.

Mourinho sagði að leikmenn hefðu hagað sér fagmannlega eftir tapið gegn Chelsea á mánudag, þrátt fyrir ferðalög síðustu daga og vikna.

„Þeir voru allir mættir á æfingu klukkan 12.30 í gær [þriðjudag]. Þeir eru miklir og góðir atvinnumenn og það er það eina sem ég get sagt,“ sagði Mourinho.


Tengdar fréttir

Búið að loka heimavelli Rostov

Jose Mourinho, stjóri Man. Utd, gagnrýndi UEFA harkalega fyrir viku síðan þar sem sambandið leyfði Rostov að spila gegn Man. Utd á handónýtum heimavelli sínum í Evrópudeildinni.




Fleiri fréttir

Sjá meira