Rukka ekki fyrir gagnareiki innan ESB Þórgnýr Einar Albertsson skrifar 2. febrúar 2017 07:00 Sé þessi símaeigandi ferðalangur frá Evrópusambandsríki og staddur í Evrópusambandinu eftir 15. júní mun hann ekki þurfa að borga himinhá gjöld fyrir að skoða þær átta tilkynningar sem bíða eftir honum á Facebook. Nordicphotos/AFP Þegnar Evrópusambandsins verða ekki lengur rukkaðir aukalega fyrir að nota gagnareiki í farsímum símum í öðrum ríkjum sambandsins. Framkvæmdastjórn ESB, Evrópuþingið og fulltrúar aðildarríkjanna 28 hafa komist að samkomulagi um þetta. Þó á framkvæmdastjórnin, sem og þingið, enn eftir að samþykkja breytinguna með formlegum hætti. Það ætti þó einungis að vera formsatriði fyrst samkomulagi hefur verið náð. Í tilkynningu í gær lýsti Andrus Ansip, einn varaforseta framkvæmdastjórnarinnar sem sér jafnframt um hinn stafræna sameiginlega markað, ákvörðuninni sem síðasta púslinu í spilinu. „Þetta var síðasta púslið. Frá og með 15. júní munu Evrópubúar geta ferðast innan Evrópusambandsins án þess að þeir verði rukkaðir aukalega fyrir að nota gagnareiki,“ sagði Ansip, sem áður var forsætisráðherra Eistlands. Hámark verður einnig sett á aukagjöld fyrir farsímanotkun. Mun hver mínúta símtals að hámarki kosta 3,2 evrusent aukalega, um fjórar krónur, og hvert SMS mun kosta eitt sent aukalega, rúma eina krónu.Andrus Ansip, framkvæmdastjórn ESB. Nordicphotos/AFPHámarksverð niðurhals mun þá lækka ár frá ári. Úr 7,7 evrum aukalega, um 940 krónur, á hvert gígabæti í júní og niður í 2,5 evrur aukalega, um 310 krónur, á hvert gígabæti þann fyrsta janúar árið 2022. Til samanburðar greiða Íslendingar á ferðalagi innan EES nú sex krónur aukalega fyrir símtalsmínútu, 2,5 krónur aukalega fyrir send SMS og um sex þúsund krónur aukalega fyrir hvert gígabæti niðurhals. Evrópusambandið hefur áður reynt að útrýma háum kostnaði notkunar gagnareikis. Áætlun þess efnis var samþykkt árið 2013 og sömuleiðis var ráðist í aðgerðir árið 2007. Ætlunarverkið virðist þó hafa tekist í þetta skiptið. Ákvörðunin er þó ekki óumdeild. Til að mynda hefur hún verið gagnrýnd fyrir að gera fólki kleift að kaupa sér farsímaþjónustu í öðru ríki en heimalandinu og nota hana heima hjá sér án hárra aukagjalda. Hins vegar benti framkvæmdastjórnin á það í gær að regla gegn þess konar athæfi hefði verið samþykkt í desember síðastliðnum. Þannig muni nýja gjaldskráin ekki ná yfir ferðalanga sem nota farsíma sína óeðlilega oft og mikið utan heimalandsins. Fréttin birtist fyrst í Fréttablaðinu Birtist í Fréttablaðinu Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Sagðir vilja frekar loka TikTok en selja Viðskipti erlent Nú er hægt að elta góða veðrið um landið með kortavef Já.is Samstarf Tryggðu sér 300 milljóna króna fjármögnun Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Þegnar Evrópusambandsins verða ekki lengur rukkaðir aukalega fyrir að nota gagnareiki í farsímum símum í öðrum ríkjum sambandsins. Framkvæmdastjórn ESB, Evrópuþingið og fulltrúar aðildarríkjanna 28 hafa komist að samkomulagi um þetta. Þó á framkvæmdastjórnin, sem og þingið, enn eftir að samþykkja breytinguna með formlegum hætti. Það ætti þó einungis að vera formsatriði fyrst samkomulagi hefur verið náð. Í tilkynningu í gær lýsti Andrus Ansip, einn varaforseta framkvæmdastjórnarinnar sem sér jafnframt um hinn stafræna sameiginlega markað, ákvörðuninni sem síðasta púslinu í spilinu. „Þetta var síðasta púslið. Frá og með 15. júní munu Evrópubúar geta ferðast innan Evrópusambandsins án þess að þeir verði rukkaðir aukalega fyrir að nota gagnareiki,“ sagði Ansip, sem áður var forsætisráðherra Eistlands. Hámark verður einnig sett á aukagjöld fyrir farsímanotkun. Mun hver mínúta símtals að hámarki kosta 3,2 evrusent aukalega, um fjórar krónur, og hvert SMS mun kosta eitt sent aukalega, rúma eina krónu.Andrus Ansip, framkvæmdastjórn ESB. Nordicphotos/AFPHámarksverð niðurhals mun þá lækka ár frá ári. Úr 7,7 evrum aukalega, um 940 krónur, á hvert gígabæti í júní og niður í 2,5 evrur aukalega, um 310 krónur, á hvert gígabæti þann fyrsta janúar árið 2022. Til samanburðar greiða Íslendingar á ferðalagi innan EES nú sex krónur aukalega fyrir símtalsmínútu, 2,5 krónur aukalega fyrir send SMS og um sex þúsund krónur aukalega fyrir hvert gígabæti niðurhals. Evrópusambandið hefur áður reynt að útrýma háum kostnaði notkunar gagnareikis. Áætlun þess efnis var samþykkt árið 2013 og sömuleiðis var ráðist í aðgerðir árið 2007. Ætlunarverkið virðist þó hafa tekist í þetta skiptið. Ákvörðunin er þó ekki óumdeild. Til að mynda hefur hún verið gagnrýnd fyrir að gera fólki kleift að kaupa sér farsímaþjónustu í öðru ríki en heimalandinu og nota hana heima hjá sér án hárra aukagjalda. Hins vegar benti framkvæmdastjórnin á það í gær að regla gegn þess konar athæfi hefði verið samþykkt í desember síðastliðnum. Þannig muni nýja gjaldskráin ekki ná yfir ferðalanga sem nota farsíma sína óeðlilega oft og mikið utan heimalandsins. Fréttin birtist fyrst í Fréttablaðinu
Birtist í Fréttablaðinu Mest lesið Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Skelltu líka í lás á Exit og í Nýju vínbúðinni Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Endurgjöf: Það sem þú átt ekki að gera Atvinnulíf Eitruð vinnustaðamenning algeng og margfaldar líkur á kulnun Atvinnulíf Sagðir vilja frekar loka TikTok en selja Viðskipti erlent Nú er hægt að elta góða veðrið um landið með kortavef Já.is Samstarf Tryggðu sér 300 milljóna króna fjármögnun Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira