Erlent

Frambjóðendur bítast um atkvæðin í fjórum ríkjum

Atli Ísleifsson skrifar
Kosið er í Michigan, Mississippi, Idaho og Hawaii í dag.
Kosið er í Michigan, Mississippi, Idaho og Hawaii í dag. Vísir/AFP

Línur munu væntanlega skýrast enn frekar í baráttunni um hverjir verða frambjóðendur stóru flokkanna tveggja í bandarísku forsetakosningunum í nótt þegar forkosningar fara fram í fjórum ríkjum.

Flestir kjörmenn eru í boði í Michigan ríki, en forkosningar Repúblikana og Demókrata fara fram í Michigan og Mississippi. Að auki fara forvöl Repúblikana fram í Idaho og Hawaii.

Eftir forkosningarnar síðastliðinn laugardag er Repúblikaninn Donald Trump með nokkurt forskot á keppinauta sína Ted Cruz og Marco Rubio, þrátt fyrir sigra Cruz bæði í Kansas og Maine.

Trump vann sigra í Louisiana og Kentucky á laugardag og Rubio í Minnesota. Trump hefur nú tryggt sér 384 kjörmenn (vantar 853), Cruz 300 (vantar 937) og Rubio 151 (vantar 1.086).

Nær öruggt þykir að Clinton muni verða frambjóðandi Demókrata, þrátt fyrir að Bernie Sanders hafi haft sigur í Kansas og Nebraska á laugardag. Clinton hefur nú tryggt sér 1.134 kjörmenn (vantar 1.249), en Sanders 499 (vantar 1.884).



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira