Sport

Lamdi tvær löggur í slagsmálum um kampavín

Henry Birgir Gunnarsson skrifar
McCoy er einn af betri hlaupurum NFL-deildarinnar en ferill hans er í uppnámi í augnablikinu.
McCoy er einn af betri hlaupurum NFL-deildarinnar en ferill hans er í uppnámi í augnablikinu. vísir/getty

Vandræðin halda áfram að elta LeSean McCoy, hlaupara Buffalo Bills, uppi.

Hann var handtekinn aðfararnótt sunnudags eftir að hafa lent í slagsmálum. Meðal þeirra sem tóku þátt í slagsmálunum voru tvær óeinkennisklæddar löggur. Þær enduðu báðar á spítala eftir rimmuna gegn NFL-manninum.

Meðal meiðsla þeirra er höfuðkúpubrot, brotin rif og brotið nef.

Ástæðan fyrir slagsmálunum var rifrildi um kampavínsflöskur en atvikið átti sér stað á veitingahúsi í Philadelphia þar sem McCoy spilaði áður en hann fór til Buffalo.

McCoy gæti átt yfir höfði sér fangelsisdóm vegna slagsmálanna.

NFL

Tengdar fréttir




Fleiri fréttir

Sjá meira