"Athyglin sem Dagur fær á stigi sem maður skilur ekki“ Eiríkur Stefán Ásgeirsson skrifar 31. janúar 2016 21:55 Bræðurnir Bjarki og Dagur Sigurðssynir. Vísir/Getty Bjarki Sigurðsson, tónlistarmaður og fyrrum handboltakempa, gladdist eins og gefur að skilja afskaplega mikið þegar Þýskaland varð Evrópumeistari í handbolta fyrr í dag. Bjarki er bróðir Dags, landsliðsþjálfara Þýskalands, og hefur auðvitað fylgst náið með sínum manni sem og fjölskyldan hans öll. „Við erum auðvitað afskaplega stolt af honum,“ segir Bjarki í samtali við Vísi.Sjá einnig: Dagur Evrópumeistari með Þýskalandi Hann segist hafa átt erfitt með að horfa á leikinn gegn Danmörku í lokaumferð milliriðlakeppninnar en það var þá að duga eða drepast fyrir Þjóðverja. En þeir þýsku unnu og Dagur fór með lið sitt í undanúrslitin. „Ég horfði svo varla á undanúrslitaleikinn gegn Noregi,“ sagði Bjarki en það var mikill háspennuleikur. Úrslitin réðust ekki fyrr en í framlengingu. „En í þeim leik ákvað ég að ef Þýskaland kæmist áfram myndi ég horfa á úrslitaleikinn og njóta hans. Mér tókst að gera það.“Sjá einnig: Hanning: Dagur á bróðurpart þessa heiðurs Þýskaland náði snemma forystunni gegn Spáni og leikurinn varð í raun aldrei spennandi. „Ef ég væri ekki bróðir Dags og bara almennur áhugamaður um handbolta þá hefði mér þótt leikurinn óspennandi og leiðinlegur,“ segir Bjarki og hlær. Hann segir að honum hafi boðist að fara til Berlínar nú um helgina en að hann hafi orðið að afþakka það. „Ég horfði á leikinn heima með vinkonu minni og foreldrarnir voru heima hjá sér. Lárus bróðir er í útlöndum og sjálfsagt horft á leikinn þar,“ útskýrir Bjarki.Antonio Garcia komst lítið áleiðis gegn Finn Lemke og Hendrik Pekeler.VísirÓtrúlegur varnarleikur Bjarki hrósaði eins og margir varnarleik þýska liðsins og markvörslunni. „Þeir [Finn] Lemke og [Hendrik] Pekeler í vörninni og [Andreas] Wolff í markinu voru ótrúlegir. Þetta eru ekki þekktustu mennirnir í handboltanum - ekki enn,“ sagði Bjarki. Dagur hefur sjálfur sagt að árangur þýska liðsins eigi ekki að koma á óvart enda hafi liðið spilað góðan handbolta í eitt og hálft ár. Bjarki tekur undir þessi orð.Sjá einnig: Dagur: Ég er stoltur og þakklátur „Ég var til dæmis mjög fúll að þeir skyldu ekki komast í undanúrslitin á HM í Katar. Og þó svo að Dagur væri búinn að missa marga sterka menn í meiðsli þá átti liðið mjög góða undankeppni og var til alls líklegt.“ „En ég skal játa það að Evrópumeistaratitill er kannski í það mesta,“ bættir hann við.Dagur á hliðarlínunni í dag.Vísir/GettyFyrsti bjórinn í átta vikur Bjarki segir erfitt að skilja hversu mikla athygli Dagur fær nú í Þýskalandi eftir árangurinn á EM. Gera má ráð fyrir að vel á annan tug milljóna Þjóðverja hafi horft á leikinn í sjónvarpi í dag. „Ég vona bara að paparazzi-ljósmyndararnir fari ekki að elta hann á röndum,“ segir Bjarki og hlær. „Þetta er fyrst og fremst frábært fyrir liðið og íþróttina sem er vinsæl í Þýskalandi. En svo þegar að [Angela] Merkel [Þýskalandskanslari] hringir þá stoppar maður við. Athyglin er komin á stig sem maður skilur ekki.“Sjá einnig: Dagur skálaði við þýsku þjóðina Bjarki heyrði Degi fyrr í dag var hljóðið eðlilega gott í nýkrýnda Evrópumeistaranum. „Hann var að fá sér sinn fyrsta bjór í átta vikur. Honum vannst hann helvíti góður. Hann var sáttur. Maður heyrði á honum að honum fannst þetta eiginlega ótrúlegt - sérstaklega öll þessi athygli.“Dagur með bikarinn.Vísir/GettyTaka við af Frakklandi Framtíðin er björt hjá þýska landsliðinu. Liðið var það yngsta á EM og á þar að auki marga lykilmenn, sem voru frá vegna meiðsla, inni. „Þeir eru búnir að setja pressu á sjálfa sig, sem getur bæði verið gott og slæmt,“ segir Bjarki. „En það er allt til staðar. Þýskaland getur þess vegna nú tekið við af Frakklandi og komist úrslit og undanúrslit á stórmótum næstu tíu árin. En það er auðvitað margt sem spilar inn í og margt sem þarf að ganga upp. En þeir vita núna hvað þarf til.“ EM 2016 karla í handbolta Mest lesið „Hún er með hjartagalla en í góðum höndum núna og vonandi fer allt vel“ Íslenski boltinn Lið Aþenu og Brynjar Karl einum leik frá Subway-deildinni eftir spennutrylli Körfubolti Clattenburg hættur og segist hafa verið skotmark sérfræðinga Enski boltinn Óvænt úrslit í fyrstu umferð Lengjudeildarinnar Fótbolti „Ég er spennt að fara heim að sofa“ Íslenski boltinn „Þurfum að fá fleiri hjól undir bílinn“ Körfubolti „Það er búið að vera okkar merki í allan vetur að spila vörn“ Körfubolti Luton mistókst að koma sér úr fallsæti Enski boltinn Reiður Einar hellti sér yfir eftirlitsdómarana Handbolti Uppgjörið: Njarðvík - Valur 69-78 | Deildarmeistararnir læstu vörninni Körfubolti Fleiri fréttir Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Sjá meira
Bjarki Sigurðsson, tónlistarmaður og fyrrum handboltakempa, gladdist eins og gefur að skilja afskaplega mikið þegar Þýskaland varð Evrópumeistari í handbolta fyrr í dag. Bjarki er bróðir Dags, landsliðsþjálfara Þýskalands, og hefur auðvitað fylgst náið með sínum manni sem og fjölskyldan hans öll. „Við erum auðvitað afskaplega stolt af honum,“ segir Bjarki í samtali við Vísi.Sjá einnig: Dagur Evrópumeistari með Þýskalandi Hann segist hafa átt erfitt með að horfa á leikinn gegn Danmörku í lokaumferð milliriðlakeppninnar en það var þá að duga eða drepast fyrir Þjóðverja. En þeir þýsku unnu og Dagur fór með lið sitt í undanúrslitin. „Ég horfði svo varla á undanúrslitaleikinn gegn Noregi,“ sagði Bjarki en það var mikill háspennuleikur. Úrslitin réðust ekki fyrr en í framlengingu. „En í þeim leik ákvað ég að ef Þýskaland kæmist áfram myndi ég horfa á úrslitaleikinn og njóta hans. Mér tókst að gera það.“Sjá einnig: Hanning: Dagur á bróðurpart þessa heiðurs Þýskaland náði snemma forystunni gegn Spáni og leikurinn varð í raun aldrei spennandi. „Ef ég væri ekki bróðir Dags og bara almennur áhugamaður um handbolta þá hefði mér þótt leikurinn óspennandi og leiðinlegur,“ segir Bjarki og hlær. Hann segir að honum hafi boðist að fara til Berlínar nú um helgina en að hann hafi orðið að afþakka það. „Ég horfði á leikinn heima með vinkonu minni og foreldrarnir voru heima hjá sér. Lárus bróðir er í útlöndum og sjálfsagt horft á leikinn þar,“ útskýrir Bjarki.Antonio Garcia komst lítið áleiðis gegn Finn Lemke og Hendrik Pekeler.VísirÓtrúlegur varnarleikur Bjarki hrósaði eins og margir varnarleik þýska liðsins og markvörslunni. „Þeir [Finn] Lemke og [Hendrik] Pekeler í vörninni og [Andreas] Wolff í markinu voru ótrúlegir. Þetta eru ekki þekktustu mennirnir í handboltanum - ekki enn,“ sagði Bjarki. Dagur hefur sjálfur sagt að árangur þýska liðsins eigi ekki að koma á óvart enda hafi liðið spilað góðan handbolta í eitt og hálft ár. Bjarki tekur undir þessi orð.Sjá einnig: Dagur: Ég er stoltur og þakklátur „Ég var til dæmis mjög fúll að þeir skyldu ekki komast í undanúrslitin á HM í Katar. Og þó svo að Dagur væri búinn að missa marga sterka menn í meiðsli þá átti liðið mjög góða undankeppni og var til alls líklegt.“ „En ég skal játa það að Evrópumeistaratitill er kannski í það mesta,“ bættir hann við.Dagur á hliðarlínunni í dag.Vísir/GettyFyrsti bjórinn í átta vikur Bjarki segir erfitt að skilja hversu mikla athygli Dagur fær nú í Þýskalandi eftir árangurinn á EM. Gera má ráð fyrir að vel á annan tug milljóna Þjóðverja hafi horft á leikinn í sjónvarpi í dag. „Ég vona bara að paparazzi-ljósmyndararnir fari ekki að elta hann á röndum,“ segir Bjarki og hlær. „Þetta er fyrst og fremst frábært fyrir liðið og íþróttina sem er vinsæl í Þýskalandi. En svo þegar að [Angela] Merkel [Þýskalandskanslari] hringir þá stoppar maður við. Athyglin er komin á stig sem maður skilur ekki.“Sjá einnig: Dagur skálaði við þýsku þjóðina Bjarki heyrði Degi fyrr í dag var hljóðið eðlilega gott í nýkrýnda Evrópumeistaranum. „Hann var að fá sér sinn fyrsta bjór í átta vikur. Honum vannst hann helvíti góður. Hann var sáttur. Maður heyrði á honum að honum fannst þetta eiginlega ótrúlegt - sérstaklega öll þessi athygli.“Dagur með bikarinn.Vísir/GettyTaka við af Frakklandi Framtíðin er björt hjá þýska landsliðinu. Liðið var það yngsta á EM og á þar að auki marga lykilmenn, sem voru frá vegna meiðsla, inni. „Þeir eru búnir að setja pressu á sjálfa sig, sem getur bæði verið gott og slæmt,“ segir Bjarki. „En það er allt til staðar. Þýskaland getur þess vegna nú tekið við af Frakklandi og komist úrslit og undanúrslit á stórmótum næstu tíu árin. En það er auðvitað margt sem spilar inn í og margt sem þarf að ganga upp. En þeir vita núna hvað þarf til.“
EM 2016 karla í handbolta Mest lesið „Hún er með hjartagalla en í góðum höndum núna og vonandi fer allt vel“ Íslenski boltinn Lið Aþenu og Brynjar Karl einum leik frá Subway-deildinni eftir spennutrylli Körfubolti Clattenburg hættur og segist hafa verið skotmark sérfræðinga Enski boltinn Óvænt úrslit í fyrstu umferð Lengjudeildarinnar Fótbolti „Ég er spennt að fara heim að sofa“ Íslenski boltinn „Þurfum að fá fleiri hjól undir bílinn“ Körfubolti „Það er búið að vera okkar merki í allan vetur að spila vörn“ Körfubolti Luton mistókst að koma sér úr fallsæti Enski boltinn Reiður Einar hellti sér yfir eftirlitsdómarana Handbolti Uppgjörið: Njarðvík - Valur 69-78 | Deildarmeistararnir læstu vörninni Körfubolti Fleiri fréttir Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Sjá meira