Listahátíð alls ekki allri lokið Magnús Guðmundsson skrifar 9. júní 2015 12:00 Eitt af verkum Kristínar Helgu á sýningunni Vorverk. Listahátíð í Reykjavík, fyrri hluta lauk síðastliðinn sunnudag – en samt ekki alveg. Þrátt fyrir að nú sé formlegri dagskrá lokið, ekki verði boðið upp á fleiri lifandi viðburði, opnanir eða frumsýningar þá er stór hluti hátíðarinnar enn aðgengilegur fyrir þá sem vilja njóta þess sem hátíðin hafði að bjóða í ár. Hátíðin í ár var vel heppnuð og hafði margt skemmtilegt að bjóða og er sjálfsagt að óska aðstandendum til hamingju með marga vel heppnaða dagskrárliði. Sérstaklega er þó gleðiefni hversu vel tókst til við íslenskar sviðslistir. Má þar nefna Svartar fjaðrir eftir Sigríði Soffíu Níelsdóttur, Endatafl Samuels Beckett í leikstjórn Kristínar Jóhannesdóttur og Blæði Íslenska dansflokksins í Borgarleikhúsinu. Vonandi rata þessar sýningar aftur á fjalir leikhúsanna með haustinu. Þá voru á hátíðinni fjölmargir góðir tónlistarviðburðir en að ófárra mati var þó hámarkinu náð á frábærum djasstónleikum Jan Lundgren Trio í Hörpu undir lok hátíðarinnar. Meira svona takk. Myndlist hefur alltaf ákveðna sérstöðu á hátíðum sem þessum. Þar líður tíminn hægar og hátíðin lifir þannig langt fram yfir hátíðardagana sjálfa. Það er ánægjulegt vegna þess að í tengslum við Listahátíðina í Reykjavík standa nú yfir fjölmargar áhugaverðar myndlistarsýningar sem sjálfsagt er að hvetja fólk til þess að láta ekki fram hjá sér fara. Þar má nefna sýninguna Saga í Listasafni Íslands, Áfanga Richard Serra í Listasafni Reykjavíkur, Birting í Gerðarsafni, Vorverk í Nýlistasafninu og Frenjur og fórnarlömb í Listasafni ASÍ. En það er ekki aðeins á stóru söfnunum þar sem sýningarnar fá ýmist að lifa eitthvað inn í sumarið eða jafnvel fram á haustið því með aukinni þáttöku smærri aðila og sýningarstaða eykst fjölbreytnin jöfnum höndum. Í Gallery Gamma er til að mynda að finna sýningu á verkum hinnar mögnuðu Dorothy Iannone. Sýningu sem enginn ætti að láta fram hjá sér fara. Önnur frábær listakona, Hulda Hákon, sýnir áfram Tveir hrafnar undir yfirskriftinni Björg, sólskin, hetjur, himinn, haf og fuglar. Og sýning Ásdísar Sifjar Gunnarssdóttur, Misty rain, í Hverfisgallerí er líka vel heimsóknarinnar virði í þessu kalda, blauta sumri sem stendur nú sem hæst í höfuðborginni. Þá má ekki gleyma Verksummerkjum í Ljósmyndasafni Reykjavíkur sem virðist eiga sífellt vaxandi þátt í blómlegu menningarlífi borgarinnar. En Listahátíðin í Reykjavík lifir líka góðu lífi fyrir austan fjall þar sem Sirra Sigrún Sigurðardóttir sýnir í Listasafni Árnesinga undir yfirskriftinni Geymar. Það er því ekki nokkur ástæða fyrir menningarlegri leti á komandi vikum og mánuðum, enda af nógu að taka þó svo að starfsfólk Listahátíðarinnar sé eflaust farið að huga að næsta vori. Listahátíð í Reykjavík Menning Mest lesið Myndaveisla: Ekkert gefið eftir í forsetafögnuði ísdrottningarinnar Lífið Forðast drama eins og heitan eldinn Lífið Fyrsti takóstaðurinn sem fær Michelin-stjörnu Matur Af vængjum fram: „Ég ætla ekkert að fara að gráta hérna“ Lífið Steldu stílnum af konunum í forsetaframboði Tíska og hönnun „Þetta voru flottustu tónleikar sem haldnir hafa verið á Íslandi“ Lífið Forseti Hæstaréttar og Kristján Loftsson í gámapartýi Lífið „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Listahátíð í Reykjavík, fyrri hluta lauk síðastliðinn sunnudag – en samt ekki alveg. Þrátt fyrir að nú sé formlegri dagskrá lokið, ekki verði boðið upp á fleiri lifandi viðburði, opnanir eða frumsýningar þá er stór hluti hátíðarinnar enn aðgengilegur fyrir þá sem vilja njóta þess sem hátíðin hafði að bjóða í ár. Hátíðin í ár var vel heppnuð og hafði margt skemmtilegt að bjóða og er sjálfsagt að óska aðstandendum til hamingju með marga vel heppnaða dagskrárliði. Sérstaklega er þó gleðiefni hversu vel tókst til við íslenskar sviðslistir. Má þar nefna Svartar fjaðrir eftir Sigríði Soffíu Níelsdóttur, Endatafl Samuels Beckett í leikstjórn Kristínar Jóhannesdóttur og Blæði Íslenska dansflokksins í Borgarleikhúsinu. Vonandi rata þessar sýningar aftur á fjalir leikhúsanna með haustinu. Þá voru á hátíðinni fjölmargir góðir tónlistarviðburðir en að ófárra mati var þó hámarkinu náð á frábærum djasstónleikum Jan Lundgren Trio í Hörpu undir lok hátíðarinnar. Meira svona takk. Myndlist hefur alltaf ákveðna sérstöðu á hátíðum sem þessum. Þar líður tíminn hægar og hátíðin lifir þannig langt fram yfir hátíðardagana sjálfa. Það er ánægjulegt vegna þess að í tengslum við Listahátíðina í Reykjavík standa nú yfir fjölmargar áhugaverðar myndlistarsýningar sem sjálfsagt er að hvetja fólk til þess að láta ekki fram hjá sér fara. Þar má nefna sýninguna Saga í Listasafni Íslands, Áfanga Richard Serra í Listasafni Reykjavíkur, Birting í Gerðarsafni, Vorverk í Nýlistasafninu og Frenjur og fórnarlömb í Listasafni ASÍ. En það er ekki aðeins á stóru söfnunum þar sem sýningarnar fá ýmist að lifa eitthvað inn í sumarið eða jafnvel fram á haustið því með aukinni þáttöku smærri aðila og sýningarstaða eykst fjölbreytnin jöfnum höndum. Í Gallery Gamma er til að mynda að finna sýningu á verkum hinnar mögnuðu Dorothy Iannone. Sýningu sem enginn ætti að láta fram hjá sér fara. Önnur frábær listakona, Hulda Hákon, sýnir áfram Tveir hrafnar undir yfirskriftinni Björg, sólskin, hetjur, himinn, haf og fuglar. Og sýning Ásdísar Sifjar Gunnarssdóttur, Misty rain, í Hverfisgallerí er líka vel heimsóknarinnar virði í þessu kalda, blauta sumri sem stendur nú sem hæst í höfuðborginni. Þá má ekki gleyma Verksummerkjum í Ljósmyndasafni Reykjavíkur sem virðist eiga sífellt vaxandi þátt í blómlegu menningarlífi borgarinnar. En Listahátíðin í Reykjavík lifir líka góðu lífi fyrir austan fjall þar sem Sirra Sigrún Sigurðardóttir sýnir í Listasafni Árnesinga undir yfirskriftinni Geymar. Það er því ekki nokkur ástæða fyrir menningarlegri leti á komandi vikum og mánuðum, enda af nógu að taka þó svo að starfsfólk Listahátíðarinnar sé eflaust farið að huga að næsta vori.
Listahátíð í Reykjavík Menning Mest lesið Myndaveisla: Ekkert gefið eftir í forsetafögnuði ísdrottningarinnar Lífið Forðast drama eins og heitan eldinn Lífið Fyrsti takóstaðurinn sem fær Michelin-stjörnu Matur Af vængjum fram: „Ég ætla ekkert að fara að gráta hérna“ Lífið Steldu stílnum af konunum í forsetaframboði Tíska og hönnun „Þetta voru flottustu tónleikar sem haldnir hafa verið á Íslandi“ Lífið Forseti Hæstaréttar og Kristján Loftsson í gámapartýi Lífið „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira