Listahátíðin breytir Reykjavíkurborg 14. maí 2015 12:00 Hanna Styrmisdóttir er listrænn stjórnandi Listahátíðarinnar í Reykjavík. Vísir/Valli Hanna Styrmisdóttir, listrænn stjórnandi Listahátíðarinnar í Reykjavík, hefur haft í mörgu að snúast að undanförnu en hátíðin var sett í gær með opnunarsýningu Bandaloop-dansflokksins. Hátíðin í ár og á næsta ári er með megináherslu á höfundarverk kvenna, ritskoðun og réttindabaráttu í tilefni af 100 ára afmæli kosningaréttar kvenna á Íslandi og þeirri staðreynd að umtalsvert hefur hallað á hlut kvenna á hátíðinni í gegnum tíðina.Femínismi og klifur Dagskráin er gríðarlega fjölbreytt og segir Hanna að það verði margt spennandi að sjá og skoða fyrir borgarbúa á næstunni. „Ég vil byrja á því að hvetja alla til þess að leggja leið sína að Tollhúsinu við Tryggvagötu en á austurhlið hússins gefur að líta verk eftir Guerilla Girls frá New York. Þær kalla sig samvisku listheimsins og beita sláandi tölfræði og beittum húmor til þess að afhjúpa kerfisbundna mismunun á konum og spillingu í listum, pólitík og poppkúltúr. Ég er sérstaklega ánægð með útkomuna en það er búið að leggja mikið í þetta verk sem er svo sannarlega hárbeitt ádeila með mögnuðum tölum sem snerta okkur öll. Þarna er eitthvað sem við þurfum að horfast í augu við og laga. Bandaloop er annað gott dæmi um gesti sem gera mikið fyrir hátíðina. Þau víkka út hugmyndir okkar um danslist og færa hana til almennings. Þetta er einmitt það sem við viljum að Listahátíðin geri – stækki heiminn, auki skilning og veki áhuga. Bandaloop-sýningin var framan á Aðalstræti 6 og við það sjáum við þessa byggingu í nýju ljósi. Þannig viljum við gjarnan vinna með staði sem borgarbúar hafa tengsl við, setja þessa staði í nýtt samhengi og vera sýnileg fyrir borgarbúum.“Verk Guerilla Girls á Tollhúsinu í Aðalstræti er afdráttarlaust og kraftmikið.Vísir/ValliTökum sviðið Opnunarsviðsverkið Svartar fjaðrir, sem danshöfundurinn Sigríður Soffía byggir á ljóðum Davíðs Stefánssonar, var frumsýnt í gærkvöldi. „Svo er Blæði í næstu viku í Borgarleikhúsinu og það er líka mjög spennandi sýning. Að auki verða um helgina tvær hátíðarsýningar á Endatafli í Tjarnarbíói sem var reyndar frumsýnt fyrr í mánuðinum og fékk hreint frábærar viðtökur. Það er því mikið tilhlökkunarefni að fara í leikhús.“Förum á röltið „Í dag og næstu daga verða svo að opnaðar myndlistarsýningar mjög víða um bæinn, margar hverjar í minni galleríum miðbæjarins. Hugsunin á bak við þetta er að við viljum koma upp þessum gallerísrúnti ef svo má segja og tíðkast víða á hátíðum á borð við þessa. Þá fer fólk í miðbæinn og gengur á milli spennandi sýninga og gefur sér tíma í að skoða og njóta. Með sama hætti þá er Nýjabrum í Stofunni á sunnudaginn, leið til þess að nálgast tónlist með öðrum hætti en í hefðbundnu tónleikarými. En svo er auðvitað mikil tilhlökkun tengd við uppfærsluna á Peter Grimes í Hörpu í næstu viku. Þar eru gríðarlega flottir listamenn á ferð að flytja verk sem segja má að hafi verið alltof lengi á leiðinni til Íslands. Auk alls þessa verða ákaflega spennandi sýningar opnaðar í stærri söfnunum á næstunni og hátíðin teygir sig líka út fyrir borgarmörkin. En það er erfitt að taka eitthvað eitt út og nefna sérstaklega svo ég hvet fólk til þess að skoða dagskrána vel á netinu eða ná sér bækling. Kynna sér hvað það er í raun margt spennandi og skemmtilegt í boði og svo er bara að rölta af stað og njóta listarinnar.“ Listahátíð í Reykjavík Menning Mest lesið Myndaveisla: Ekkert gefið eftir í forsetafögnuði ísdrottningarinnar Lífið Steldu stílnum af konunum í forsetaframboði Tíska og hönnun „Þetta voru flottustu tónleikar sem haldnir hafa verið á Íslandi“ Lífið Af vængjum fram: „Ég ætla ekkert að fara að gráta hérna“ Lífið Fyrsti takóstaðurinn sem fær Michelin-stjörnu Matur Forseti Hæstaréttar og Kristján Loftsson í gámapartýi Lífið „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Diskóstemming í Bíóhöllinni á Akranesi Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Hanna Styrmisdóttir, listrænn stjórnandi Listahátíðarinnar í Reykjavík, hefur haft í mörgu að snúast að undanförnu en hátíðin var sett í gær með opnunarsýningu Bandaloop-dansflokksins. Hátíðin í ár og á næsta ári er með megináherslu á höfundarverk kvenna, ritskoðun og réttindabaráttu í tilefni af 100 ára afmæli kosningaréttar kvenna á Íslandi og þeirri staðreynd að umtalsvert hefur hallað á hlut kvenna á hátíðinni í gegnum tíðina.Femínismi og klifur Dagskráin er gríðarlega fjölbreytt og segir Hanna að það verði margt spennandi að sjá og skoða fyrir borgarbúa á næstunni. „Ég vil byrja á því að hvetja alla til þess að leggja leið sína að Tollhúsinu við Tryggvagötu en á austurhlið hússins gefur að líta verk eftir Guerilla Girls frá New York. Þær kalla sig samvisku listheimsins og beita sláandi tölfræði og beittum húmor til þess að afhjúpa kerfisbundna mismunun á konum og spillingu í listum, pólitík og poppkúltúr. Ég er sérstaklega ánægð með útkomuna en það er búið að leggja mikið í þetta verk sem er svo sannarlega hárbeitt ádeila með mögnuðum tölum sem snerta okkur öll. Þarna er eitthvað sem við þurfum að horfast í augu við og laga. Bandaloop er annað gott dæmi um gesti sem gera mikið fyrir hátíðina. Þau víkka út hugmyndir okkar um danslist og færa hana til almennings. Þetta er einmitt það sem við viljum að Listahátíðin geri – stækki heiminn, auki skilning og veki áhuga. Bandaloop-sýningin var framan á Aðalstræti 6 og við það sjáum við þessa byggingu í nýju ljósi. Þannig viljum við gjarnan vinna með staði sem borgarbúar hafa tengsl við, setja þessa staði í nýtt samhengi og vera sýnileg fyrir borgarbúum.“Verk Guerilla Girls á Tollhúsinu í Aðalstræti er afdráttarlaust og kraftmikið.Vísir/ValliTökum sviðið Opnunarsviðsverkið Svartar fjaðrir, sem danshöfundurinn Sigríður Soffía byggir á ljóðum Davíðs Stefánssonar, var frumsýnt í gærkvöldi. „Svo er Blæði í næstu viku í Borgarleikhúsinu og það er líka mjög spennandi sýning. Að auki verða um helgina tvær hátíðarsýningar á Endatafli í Tjarnarbíói sem var reyndar frumsýnt fyrr í mánuðinum og fékk hreint frábærar viðtökur. Það er því mikið tilhlökkunarefni að fara í leikhús.“Förum á röltið „Í dag og næstu daga verða svo að opnaðar myndlistarsýningar mjög víða um bæinn, margar hverjar í minni galleríum miðbæjarins. Hugsunin á bak við þetta er að við viljum koma upp þessum gallerísrúnti ef svo má segja og tíðkast víða á hátíðum á borð við þessa. Þá fer fólk í miðbæinn og gengur á milli spennandi sýninga og gefur sér tíma í að skoða og njóta. Með sama hætti þá er Nýjabrum í Stofunni á sunnudaginn, leið til þess að nálgast tónlist með öðrum hætti en í hefðbundnu tónleikarými. En svo er auðvitað mikil tilhlökkun tengd við uppfærsluna á Peter Grimes í Hörpu í næstu viku. Þar eru gríðarlega flottir listamenn á ferð að flytja verk sem segja má að hafi verið alltof lengi á leiðinni til Íslands. Auk alls þessa verða ákaflega spennandi sýningar opnaðar í stærri söfnunum á næstunni og hátíðin teygir sig líka út fyrir borgarmörkin. En það er erfitt að taka eitthvað eitt út og nefna sérstaklega svo ég hvet fólk til þess að skoða dagskrána vel á netinu eða ná sér bækling. Kynna sér hvað það er í raun margt spennandi og skemmtilegt í boði og svo er bara að rölta af stað og njóta listarinnar.“
Listahátíð í Reykjavík Menning Mest lesið Myndaveisla: Ekkert gefið eftir í forsetafögnuði ísdrottningarinnar Lífið Steldu stílnum af konunum í forsetaframboði Tíska og hönnun „Þetta voru flottustu tónleikar sem haldnir hafa verið á Íslandi“ Lífið Af vængjum fram: „Ég ætla ekkert að fara að gráta hérna“ Lífið Fyrsti takóstaðurinn sem fær Michelin-stjörnu Matur Forseti Hæstaréttar og Kristján Loftsson í gámapartýi Lífið „Blessunarlega ekkert stoppaður af foreldrum mínum“ Tíska og hönnun „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið Diskóstemming í Bíóhöllinni á Akranesi Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira