Gagnvirkt tónverk sem ómögulegt er að klára Jóhann Óli Eiðsson skrifar 26. febrúar 2015 14:00 Úlfur Eldjárn, Sigurður Oddsson og Halldór Eldjárn eru mennirnir á bak við verkið. mynd/sebastian ziegler „Hugmyndin spratt upp þegar ég var að velta fyrir mér hvernig væri hægt að nota tæknina í eitthvað annað en að hlusta endalaust á hljóðversútgáfur af lögum frá A til Ö,“ svarar Úlfur Eldjárn spurður um hvað Strengjakvartettinn endalausi sé. Verkið verður frumsýnt þann 11. mars og er liður í Hönnunarmars. Kvartettinn er gerður í samstarfi við Sigurð Oddsson og Halldór Eldjárn, sem sáu um hönnun og forritun. Verkið verður til sýnis 11.-15. mars í galleríinu H71A, við Hverfisgötu 71A, en er einnig aðgengilegt öllum á infinitestringquartet.com. Strengjakvartettinn er samsettur úr 52 litlum einingum sem hver og einn getur púslað saman að vild. Upplifun fólks verður því jafn misjöfn og það er margt.Verkið á að vera upplifun „Markmiðið er að verkið verði líkara því að skoða byggingu eða landslag. Það þurfa ekki allir að fara sömu leið og sjá sömu hlutina eins og við höfum séð margoft í tölvuleikjum.“ Einn af kostum verksins er að það er afar einfalt og hver sem er getur notað það. Engin forrit, kunnátta eða búnaður, umfram tölvu, netvafra og hátalara, er nauðsynlegur til að njóta þess. „Það hafa verið gerð nokkur gagnvirk tónverk áður, en það er oft þannig að fólk þarf að sækja sérstakan hugbúnað eða tæki til að njóta þeirra. Ég vildi hafa flækjustigið sem lægst.“ Upphaflega tónverkið er útskriftarverkefni Úlfs úr Listaháskóla Íslands en hann segir að það hafi verið samið með það í huga að gera úr því gagnvirka útgáfu. Skömmu eftir útskrift fór hann af stað með söfnun á Karolina Fund fyrir verkefninu. „Ég er mjög ánægður með að hafa gert það,“ segir Úlfur og bætir við að í kjölfarið hafi margir komið að máli við hann og stungið upp á hlutum sem honum höfðu ekki dottið í hug. „Það bætti heilmiklu við verkið og ég er afar þakklátur þeim sem aðstoðuðu mig á leiðinni.“Óendanlegt þrátt fyrir endanlegan fjölda hljóðbrota Einhverjir gætu haldið að þar sem hljóðbrotin eru aðeins 52 þá séu möguleikarnir á að raða þeim saman endanlega margir. En það er ekki svo því að þú getur notað hvern og einn part óendanlega oft. Þótt möguleikarnir væru endanlegir myndi þér aldrei endast ævin til að klára verkið. Þótt þú hlustaðir aðeins á hvern möguleika í eina sekúndu þá tæki það minnst hundruð milljónir ára að ljúka verkinu. „Fólk getur gert þetta frá hjartanu. Það þarf ekkert að kunna eða vita,“ segir Úlfur. „Ég hef aðeins prófað þetta á fólki og það er mjög gaman að sjá hvað það nálgast verkið á ólíkan hátt. Sumir hlusta á eitt hljóð endalaust meðan aðrir reyna að gera sem mest í einu.“ Úlfur segist spenntur að sjá hvernig tónlist muni þróast í framtíðinni. „Gamli góði vínyllinn stendur alltaf fyrir sínu en það er fjöldi spennandi tækifæra í boði sem við þurfum að prófa.“ „Það eru svo miklir möguleikar í tækninni sem við erum með. Eina vandamálið er að finna út hvernig maður getur notað hana til að gera eitthvað sem er líka góð tónlist.“ HönnunarMars Tónlist Mest lesið Andrea Róberts keypti einbýli sem þarfnast ástar Lífið Rómantísk útsýnisíbúð Bergrúnar Írisar til sölu Lífið Hefur ekki hugmynd um hvað tekur nú við Lífið Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið Litrík hlaupagleði í Laugardalnum Lífið Georg í Sigur Rós keypti vistvænt hús við einn besta golfvöll landsins Lífið Katrín Edda og Markus opinbera kynið Lífið Myndaveisla: Patrik fagnaði PBT 2.0 með tónlistarveislu við höfnina Tónlist Vandamálið við fætur, þeir eru í laginu eins og fætur Lífið samstarf „Þetta er enginn helvítis félagskvíði, það bara þolir mig enginn“ Áskorun Fleiri fréttir Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
„Hugmyndin spratt upp þegar ég var að velta fyrir mér hvernig væri hægt að nota tæknina í eitthvað annað en að hlusta endalaust á hljóðversútgáfur af lögum frá A til Ö,“ svarar Úlfur Eldjárn spurður um hvað Strengjakvartettinn endalausi sé. Verkið verður frumsýnt þann 11. mars og er liður í Hönnunarmars. Kvartettinn er gerður í samstarfi við Sigurð Oddsson og Halldór Eldjárn, sem sáu um hönnun og forritun. Verkið verður til sýnis 11.-15. mars í galleríinu H71A, við Hverfisgötu 71A, en er einnig aðgengilegt öllum á infinitestringquartet.com. Strengjakvartettinn er samsettur úr 52 litlum einingum sem hver og einn getur púslað saman að vild. Upplifun fólks verður því jafn misjöfn og það er margt.Verkið á að vera upplifun „Markmiðið er að verkið verði líkara því að skoða byggingu eða landslag. Það þurfa ekki allir að fara sömu leið og sjá sömu hlutina eins og við höfum séð margoft í tölvuleikjum.“ Einn af kostum verksins er að það er afar einfalt og hver sem er getur notað það. Engin forrit, kunnátta eða búnaður, umfram tölvu, netvafra og hátalara, er nauðsynlegur til að njóta þess. „Það hafa verið gerð nokkur gagnvirk tónverk áður, en það er oft þannig að fólk þarf að sækja sérstakan hugbúnað eða tæki til að njóta þeirra. Ég vildi hafa flækjustigið sem lægst.“ Upphaflega tónverkið er útskriftarverkefni Úlfs úr Listaháskóla Íslands en hann segir að það hafi verið samið með það í huga að gera úr því gagnvirka útgáfu. Skömmu eftir útskrift fór hann af stað með söfnun á Karolina Fund fyrir verkefninu. „Ég er mjög ánægður með að hafa gert það,“ segir Úlfur og bætir við að í kjölfarið hafi margir komið að máli við hann og stungið upp á hlutum sem honum höfðu ekki dottið í hug. „Það bætti heilmiklu við verkið og ég er afar þakklátur þeim sem aðstoðuðu mig á leiðinni.“Óendanlegt þrátt fyrir endanlegan fjölda hljóðbrota Einhverjir gætu haldið að þar sem hljóðbrotin eru aðeins 52 þá séu möguleikarnir á að raða þeim saman endanlega margir. En það er ekki svo því að þú getur notað hvern og einn part óendanlega oft. Þótt möguleikarnir væru endanlegir myndi þér aldrei endast ævin til að klára verkið. Þótt þú hlustaðir aðeins á hvern möguleika í eina sekúndu þá tæki það minnst hundruð milljónir ára að ljúka verkinu. „Fólk getur gert þetta frá hjartanu. Það þarf ekkert að kunna eða vita,“ segir Úlfur. „Ég hef aðeins prófað þetta á fólki og það er mjög gaman að sjá hvað það nálgast verkið á ólíkan hátt. Sumir hlusta á eitt hljóð endalaust meðan aðrir reyna að gera sem mest í einu.“ Úlfur segist spenntur að sjá hvernig tónlist muni þróast í framtíðinni. „Gamli góði vínyllinn stendur alltaf fyrir sínu en það er fjöldi spennandi tækifæra í boði sem við þurfum að prófa.“ „Það eru svo miklir möguleikar í tækninni sem við erum með. Eina vandamálið er að finna út hvernig maður getur notað hana til að gera eitthvað sem er líka góð tónlist.“
HönnunarMars Tónlist Mest lesið Andrea Róberts keypti einbýli sem þarfnast ástar Lífið Rómantísk útsýnisíbúð Bergrúnar Írisar til sölu Lífið Hefur ekki hugmynd um hvað tekur nú við Lífið Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið Litrík hlaupagleði í Laugardalnum Lífið Georg í Sigur Rós keypti vistvænt hús við einn besta golfvöll landsins Lífið Katrín Edda og Markus opinbera kynið Lífið Myndaveisla: Patrik fagnaði PBT 2.0 með tónlistarveislu við höfnina Tónlist Vandamálið við fætur, þeir eru í laginu eins og fætur Lífið samstarf „Þetta er enginn helvítis félagskvíði, það bara þolir mig enginn“ Áskorun Fleiri fréttir Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið
Jörundur og Magdalena eignuðust dreng: „Ég skil ekki hvað ég hef gert til að eiga hana skilið“ Lífið