Tunglið lyktar eins og byssupúður segir síðasti tunglfarinn Heimir Már Pétursson skrifar 9. júlí 2015 19:04 Harrison Schmitt, síðasti landkönnuðurinn á Tunglinu, tók fyrstur manna ljósmynd af jörðinni í heilu lagi séð utan úr geimnum. Ólafur Ragnar Grímsson veitti honum Könnunarverðlaun Leifs Eiríkssonar í dag. Annar tveggja síðustu mannanna til að fara til tungslins segir ferðina hafa verið frábæra lífsreynslu en hann tók eina frægustu ljósmynd af jörðinni sem tekin hefur verið. Aðeins tólf menn hafa komið til tunglsins og eru þeir allir sammála um að það lykti eins og byssupúður. Eugene Cernan, Ronald Evans og Harrison Schmitt var skotið á loft í geimflauginni Apollo sautjánda frá Kennedy höfða hinn 7. desember 1972 og voru þeir Cernan og Schmitt síðustu mennirnir til að stíga fæti á tungið hingað til. „Þetta var stórkostleg reynsla sem mér er mikill heiður að hafa notið. Einnig vegna þess að ég er jarðfræðingur sem fékk að rannsaka fallegan dal á Tunglinu sem enginn hafði rannsakað áður. Þannig að þetta var mikið tækifæri,“ sagði Schmitt á Reykjavíkurflugvelli síðdegis en hann var að koma að norðan þar sem hann heimsótti m.a. Nautagil rétt norðaustan við Öskju þar sem hann og félagar hans undurbjuggu sig fyrir tunglferðina árið 1969. En Sigurður heitinn Þórarinsson jarðfæðingur og húmoristi nefndi Nautagil eftir Taurus-Littrow dalnum á tunglinu þar sem Harrison og Cernan lentu. Þeir slógu mörg met í þessari síðustu ferð manna til Mánans. „Við söfnuðum meira af sýnum og dvöldum þar lengur en nokkur annar (í þrjá daga) og tókum örugglega meira af myndum en nokkur annar. Aðallega vegna þess að við höfum meiri tækifæri til þess en aðrir,“ segir Harrison.Ólafur Ragnar Grímsson veitir Schmitt Könnunarverðlaun Leifs Eiríkssonar í dag.vísir/andri marinóFann aldrei fyrir hræðslu bara gleðiSumir myndu segja að þið tólfmenningarnir hljótið að hafa haft viský í æðunum en ekki heitt blóð. Varstu aldrei hræddur í gegnum þetta ferli, var aldrei lítill maður í höfðinu sem sagði þér að hætta við?„Valferlið fyrir geimfara, reynsla okkar af flugi á ýmsum þotum og þyrlum sem og öll þjálfunin láta slík vandamál hverfa. Við lærðum að vinna saman og ég get aðeins sagt fyrir sjálfan mig að ég var aldrei hræddur. Bara mjög hamingjusamur að fá þetta tækifæri,“ segir Schmitt. Aðeins tólf menn hafa komið til tunglsins en á kvikmyndum og ljósmyndum tunglfaranna, sem flestar voru svarthvítar, er erfitt að ímynda sér útlit þess í návígi. „Tunglið er margtóna grátt þar með talið bláleitir og brúnir tónar. Aðallitirnir voru hins vegar litirnir af okkur mönnunum sem voru þarna og af geimfarinu. En okkur tókst þó að finna frábæran appelsínugulan lit, eldfjallaösku sem ég er viss um að kæmu Íslendingum sem þekkja til eldfjalla mjög kunnuglega fyrir sjónir,“ segir Schmitt. Þá segir hann þjálfunina hér á landi þremur árum fyrir geimskotið hafa verið mikilvæga enda landslagið í Nautagili ekki ósvipað lendingarstaðnum. „Ísland var mjög mikilvægt í þjálfunininni. Til að venjast landslaginu. Sérstaklega fyrir þá geimfara sem stjórnuðu lendingarförunum. Þannig að þeir væru vanir jarðvegi þar sem jöklar höfðu skriðið yfir og slíkt. Þetta kom sér ákaflega vel, sérstaklega fyrir Neil Armstrong sem fyrstur lenti á Tunglinu.“ Og Tunglið hefur sína sérstöku lykt. „Við fundum lyktina inni í geimfarinu. Rykið á tunglinu lyktar eins og byssupúður, brennt byssupúður. Við vorum allir sammála um það. Þetta er mjög afgerandi og sterk lykt.,“ segir Schmitt. Þessi annar af tveimur síðustu landkönnuða á Tunglinu flutti síðan fyrirlestur í hátíðarsal Háskólans í Reykjavík í dag. Að loknum fyrirlestrinum veitti Ólafur Ragnar Grímsson forseti íslands honum könnunarverðlaun Leifs Eiríkssonar fyrir hönd Könnunarsafnsins á Húsavík, en þetta var í fyrsta skipti sem þau verðlaun voru veitt. Mest lesið Ár frá morðtilrauninni: „Reyndi að drepa mig og það var eins og að drekka vatn fyrir hann“ Innlent Fréttamaður Ríkisútvarpsins sakaður um áreitni Innlent Frelsinu fagnað á fjórhjóli sem Sjúkratryggingar greiða ekki niður Innlent Fella niður vörugjöld á vistvæna bíla en hækka á aðra Innlent Lögreglan fjarlægði „fátæktargildru“ ÖBÍ Innlent Andrés prins afsalar sér öllum titlum í kjölfar ásakana Erlent Dró strax í land með sölu stýriflauga eftir spjallið við Pútín Erlent Gagnrýnir ummæli Elds Smára: „Slökkvum eldinn“ Innlent Oddný Sv. Björgvinsdóttir er látin Innlent Máttu gauka nafni tengdamóðurinnar að Ásthildi Lóu Innlent Fleiri fréttir Vill skoða að lengja fæðingarorlof Allt stefnir í verkfall flugumferðarstjóra á sunnudag Skilji áhyggjurnar Fara fram á gæsluvarðhald yfir meintum brennuvargi Fréttamaður Ríkisútvarpsins sakaður um áreitni Um sé að ræða afturför í jafnréttismálum Fella niður vörugjöld á vistvæna bíla en hækka á aðra Máttu gauka nafni tengdamóðurinnar að Ásthildi Lóu Fimm ár fyrir að stinga mann í tvígang í brjóstið Misskilningur að flugvélin hafi breytt um stefnu vegna veðurs Getur ekki sagt til um hvort hún myndi kvitta undir náðun Kouranis Framtíð PCC á Bakka ekki útséð „Ekki á réttri leið“ samþykki samfélagið fátækt Ár frá morðtilrauninni: „Reyndi að drepa mig og það var eins og að drekka vatn fyrir hann“ Oddný Sv. Björgvinsdóttir er látin Uppsagnir hjá Sýn, staða fjölmiðla og trans dans Miðflokksins Bein útsending: Ætlum við að móta okkar eigin framtíð? Lögreglan fjarlægði „fátæktargildru“ ÖBÍ Yfir þúsund börn bíða eftir því að komast til talmeinafræðings Gagnrýnir ummæli Elds Smára: „Slökkvum eldinn“ Frelsinu fagnað á fjórhjóli sem Sjúkratryggingar greiða ekki niður Áætlanir um málsafgreiðslu ráðuneytis brugðust 26 sinnum Vill breytingar á úreltum reglum, sama í hvora áttina Höggvið á hnút svo börnin í Nuuk fái loks nýja skólann Gagnrýna drög að frumvarpi um brottfararstöð: Ætlað að líkjast fangelsi Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Hverfið gert að umferðareyju raungerist hugmyndir Strætó Skoðar að tilkynna bensínstöðvamálið til ESA og nýtt líf með fjórhjóli Sjá meira
Harrison Schmitt, síðasti landkönnuðurinn á Tunglinu, tók fyrstur manna ljósmynd af jörðinni í heilu lagi séð utan úr geimnum. Ólafur Ragnar Grímsson veitti honum Könnunarverðlaun Leifs Eiríkssonar í dag. Annar tveggja síðustu mannanna til að fara til tungslins segir ferðina hafa verið frábæra lífsreynslu en hann tók eina frægustu ljósmynd af jörðinni sem tekin hefur verið. Aðeins tólf menn hafa komið til tunglsins og eru þeir allir sammála um að það lykti eins og byssupúður. Eugene Cernan, Ronald Evans og Harrison Schmitt var skotið á loft í geimflauginni Apollo sautjánda frá Kennedy höfða hinn 7. desember 1972 og voru þeir Cernan og Schmitt síðustu mennirnir til að stíga fæti á tungið hingað til. „Þetta var stórkostleg reynsla sem mér er mikill heiður að hafa notið. Einnig vegna þess að ég er jarðfræðingur sem fékk að rannsaka fallegan dal á Tunglinu sem enginn hafði rannsakað áður. Þannig að þetta var mikið tækifæri,“ sagði Schmitt á Reykjavíkurflugvelli síðdegis en hann var að koma að norðan þar sem hann heimsótti m.a. Nautagil rétt norðaustan við Öskju þar sem hann og félagar hans undurbjuggu sig fyrir tunglferðina árið 1969. En Sigurður heitinn Þórarinsson jarðfæðingur og húmoristi nefndi Nautagil eftir Taurus-Littrow dalnum á tunglinu þar sem Harrison og Cernan lentu. Þeir slógu mörg met í þessari síðustu ferð manna til Mánans. „Við söfnuðum meira af sýnum og dvöldum þar lengur en nokkur annar (í þrjá daga) og tókum örugglega meira af myndum en nokkur annar. Aðallega vegna þess að við höfum meiri tækifæri til þess en aðrir,“ segir Harrison.Ólafur Ragnar Grímsson veitir Schmitt Könnunarverðlaun Leifs Eiríkssonar í dag.vísir/andri marinóFann aldrei fyrir hræðslu bara gleðiSumir myndu segja að þið tólfmenningarnir hljótið að hafa haft viský í æðunum en ekki heitt blóð. Varstu aldrei hræddur í gegnum þetta ferli, var aldrei lítill maður í höfðinu sem sagði þér að hætta við?„Valferlið fyrir geimfara, reynsla okkar af flugi á ýmsum þotum og þyrlum sem og öll þjálfunin láta slík vandamál hverfa. Við lærðum að vinna saman og ég get aðeins sagt fyrir sjálfan mig að ég var aldrei hræddur. Bara mjög hamingjusamur að fá þetta tækifæri,“ segir Schmitt. Aðeins tólf menn hafa komið til tunglsins en á kvikmyndum og ljósmyndum tunglfaranna, sem flestar voru svarthvítar, er erfitt að ímynda sér útlit þess í návígi. „Tunglið er margtóna grátt þar með talið bláleitir og brúnir tónar. Aðallitirnir voru hins vegar litirnir af okkur mönnunum sem voru þarna og af geimfarinu. En okkur tókst þó að finna frábæran appelsínugulan lit, eldfjallaösku sem ég er viss um að kæmu Íslendingum sem þekkja til eldfjalla mjög kunnuglega fyrir sjónir,“ segir Schmitt. Þá segir hann þjálfunina hér á landi þremur árum fyrir geimskotið hafa verið mikilvæga enda landslagið í Nautagili ekki ósvipað lendingarstaðnum. „Ísland var mjög mikilvægt í þjálfunininni. Til að venjast landslaginu. Sérstaklega fyrir þá geimfara sem stjórnuðu lendingarförunum. Þannig að þeir væru vanir jarðvegi þar sem jöklar höfðu skriðið yfir og slíkt. Þetta kom sér ákaflega vel, sérstaklega fyrir Neil Armstrong sem fyrstur lenti á Tunglinu.“ Og Tunglið hefur sína sérstöku lykt. „Við fundum lyktina inni í geimfarinu. Rykið á tunglinu lyktar eins og byssupúður, brennt byssupúður. Við vorum allir sammála um það. Þetta er mjög afgerandi og sterk lykt.,“ segir Schmitt. Þessi annar af tveimur síðustu landkönnuða á Tunglinu flutti síðan fyrirlestur í hátíðarsal Háskólans í Reykjavík í dag. Að loknum fyrirlestrinum veitti Ólafur Ragnar Grímsson forseti íslands honum könnunarverðlaun Leifs Eiríkssonar fyrir hönd Könnunarsafnsins á Húsavík, en þetta var í fyrsta skipti sem þau verðlaun voru veitt.
Mest lesið Ár frá morðtilrauninni: „Reyndi að drepa mig og það var eins og að drekka vatn fyrir hann“ Innlent Fréttamaður Ríkisútvarpsins sakaður um áreitni Innlent Frelsinu fagnað á fjórhjóli sem Sjúkratryggingar greiða ekki niður Innlent Fella niður vörugjöld á vistvæna bíla en hækka á aðra Innlent Lögreglan fjarlægði „fátæktargildru“ ÖBÍ Innlent Andrés prins afsalar sér öllum titlum í kjölfar ásakana Erlent Dró strax í land með sölu stýriflauga eftir spjallið við Pútín Erlent Gagnrýnir ummæli Elds Smára: „Slökkvum eldinn“ Innlent Oddný Sv. Björgvinsdóttir er látin Innlent Máttu gauka nafni tengdamóðurinnar að Ásthildi Lóu Innlent Fleiri fréttir Vill skoða að lengja fæðingarorlof Allt stefnir í verkfall flugumferðarstjóra á sunnudag Skilji áhyggjurnar Fara fram á gæsluvarðhald yfir meintum brennuvargi Fréttamaður Ríkisútvarpsins sakaður um áreitni Um sé að ræða afturför í jafnréttismálum Fella niður vörugjöld á vistvæna bíla en hækka á aðra Máttu gauka nafni tengdamóðurinnar að Ásthildi Lóu Fimm ár fyrir að stinga mann í tvígang í brjóstið Misskilningur að flugvélin hafi breytt um stefnu vegna veðurs Getur ekki sagt til um hvort hún myndi kvitta undir náðun Kouranis Framtíð PCC á Bakka ekki útséð „Ekki á réttri leið“ samþykki samfélagið fátækt Ár frá morðtilrauninni: „Reyndi að drepa mig og það var eins og að drekka vatn fyrir hann“ Oddný Sv. Björgvinsdóttir er látin Uppsagnir hjá Sýn, staða fjölmiðla og trans dans Miðflokksins Bein útsending: Ætlum við að móta okkar eigin framtíð? Lögreglan fjarlægði „fátæktargildru“ ÖBÍ Yfir þúsund börn bíða eftir því að komast til talmeinafræðings Gagnrýnir ummæli Elds Smára: „Slökkvum eldinn“ Frelsinu fagnað á fjórhjóli sem Sjúkratryggingar greiða ekki niður Áætlanir um málsafgreiðslu ráðuneytis brugðust 26 sinnum Vill breytingar á úreltum reglum, sama í hvora áttina Höggvið á hnút svo börnin í Nuuk fái loks nýja skólann Gagnrýna drög að frumvarpi um brottfararstöð: Ætlað að líkjast fangelsi Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Hverfið gert að umferðareyju raungerist hugmyndir Strætó Skoðar að tilkynna bensínstöðvamálið til ESA og nýtt líf með fjórhjóli Sjá meira