Skrtel dæmdur í bann

Martin Skrtel, varnarmaður Liverpool, hefur verið dæmdur í þriggja leikja bann fyrir að traðka á David De Gea, markverði Manchester United, í leik liðanna um helgina.

Atvikið átti sér stað undir lok leiksins og fór framhjá Martin Atkinson, dómara leiksins. Aganefndin tók það upp og ákvað að kæra Skrtel, sem neitaði sök.

Komst hún að þeirri niðurstöðu að nægilegar sannanir væru fyrir hendi til að dæma Skrtel í bann.

Vegna þessa missir hann af næstu tveimur deildarleikjum Liverpool, sem og leik liðsins gegn Blackburn í ensku bikarkeppninni. Liverpool verður einnig án Steven Gerrard í leikjunum en hann fékk að líta rautt spjald í umræddum leik.