Viðskipti innlent

Tuttugu prósent nota vef Meniga

Óli Kristján Ármannsson skrifar
Á Nýsköpunarþingi. Georg Lúðvíksson, framkvæmdastjóri Meniga, tók við Nýsköpunarverðlaununum.
Á Nýsköpunarþingi. Georg Lúðvíksson, framkvæmdastjóri Meniga, tók við Nýsköpunarverðlaununum. Mynd/Rannís

Meniga fékk á Nýsköpunarþingi í gærmorgun Nýsköpunarverðlaun Íslands 2014. Meniga er leiðandi í Evrópu á sviði heimilisfjármálahugbúnaðar, með sautján viðskiptavini í fjórtán löndum.

Rúmlega 200 manns sóttu þingið á Grand hótel Reykjavík, en á því var fjallað sérstaklega um vaxtarferla fyrirtækja.

Meniga rekur heimilisfjármálavefinn meniga.is sem hleypt var af stokkunum í ársbyrjun 2010. Núna nota vefinn um 20 prósent íslenskra heimila, að því er fram kemur í tilkynningu Rannís.

„Vefurinn er rekinn í samstarfi við alla stóru bankana þrjá,“ segir þar jafnframt og tekið fram að Meniga vinni að ýmsum spennandi nýjungum sem verði kynntar næstu misseri. „Þær miða allar að því að hjálpa fólki að spara peninga með markvissum hætti.“

Nýsköpunarverðlaunin eru veitt af Rannís, Íslandsstofu, Nýsköpunarmiðstöð Íslands og Nýsköpunarsjóði atvinnulífsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
OSSRu
3,6
6
314.078
SIMINN
0,48
10
261.531

Mesta lækkun dagsins


Félag
Br.%
Fjöldi
Velta*
SKEL
-2,12
21
406.128
N1
-1,69
4
133.956
MARL
-1,35
7
66.012
EIK
-1,33
7
47.480
TM
-1,29
2
17.175