Mótmælir dólgslegri og hrokafullri framkomu ríkisstjórnarinnar Aðalsteinn Kjartansson skrifar 3. nóvember 2014 11:26 „Þarf að vera að mótmæla einhverju einu? Það er hægt að mótmæla dólgshætti og yfirgangi,“ segir Svavar Knútur tónlistarmaður. Vísir / GVA „Við erum ekki á neins vegum, þetta bar spratt upp á þremur dögum. Við erum bara að koma þarna til að finna hvert annað og finna samhug í réttlætiskennd og reiði. Vegna þess að okkur er misboðið,“ segir Svavar Knútur tónlistarmaður sem er einn skipuleggjenda mótmæla sem boðað hefur verið til á Austurvelli í dag. Til stendur að mótmæla aðgerðum ríkisstjórnarinnar en engin ein krafa er uppi í mótmælunum. Svavar segir að þetta sé tækifæri fyrir fólk til að lýsa reiði sinni vegna hinna ýmsu aðgerða.Stuðningur við stjórnina fer þverrandi „Framkoma þessarar ríkisstjórnar er svo ótrúlega dólgsleg og hrokafull og forgangsröðunin er ótrúlega undarleg hjá henni. Ég held að fólk sé orðið endemis pirrað og reitt,“ segir Svavar sem segir að það sé svo ótrúlega margt sem fólk er reitt yfir að það viti hreinlega ekki hvernig það eigi að byrja að mótmæla. „Þarf að vera að mótmæla einhverju einu? Það er hægt að mótmæla dólgshætti og yfirgangi. Það er hægt að mótmæla yfirlæti, dónaskap og vondum vinnubrögðum. Það þarf ekki að vera ESB eða stjórnarskráin. Fólk er að koma úr öllum áttum með allskonar reiði og það þarf bara að gefa því útrás fyrir hana.“ Ríkisstjórnin mælist með afar lítið traust, aðeins tæplega 39 prósent þeirra sem tóku afstöðu í nýjasta Þjóðarpúlsi Capacent segjast styðja hana. Stuðningur við Framsóknarflokkinn, flokk forsætisráðherra, hefur einnig hrunið frá kosningum en þá vann flokkurinn mikinn kosningasigur. Sjálfstæðisflokkurinn hefur þó haldið velli í skoðanakönnunum.Brynjar lýsti í morgun furðu sinni á boðuðum mótmælum.Vísir / StefánVill ekki hroka heldur auðmýkt „Ég er svona maður fyrir lágmarkskröfur, bara til að byrja. Ég vil byrja hverja ökuferð í fyrsta gír, það þýðir ekki að byrja í fjórða gír, þá drepur bara bíllinn á sér,“ segir Svavar. „En maður getur beðið þetta fólk, eins og til dæmis Brynjar Níelsson, að stilla hrokanum í hóf og tala eins og manneskjur og koma fram af auðmýkt, eins og kjörnu fulltrúarnir sem það er. Við erum ekki á nítjándu öldinni, þau eru ekki í pípuhöttum og við erum ekki einhver sauðsvartur almúgi. Við búum í jafnræðisþjóðfélagi.“ Stjórnarþingmenn hafa síðustu daga furðað sig á mótmælunum. Meðal annarra áðurnefndur Brynjar sem birti bloggfærslu í morgun þar sem hann spurði hvaða verkum ríkisstjórnarinnar væri verið að mótmæla. Taldi hann upp að kaupmáttur heimilanna hefði aukist, fjöldi nýrra starfa hefði orðið til með aukinni fjárfestingu og að verðbólgumarkmiðum hafi verið áð. Velti hann því einnig upp hvort mótmæla ætti almennum skattalækkunum, að jafnvægi væri komið í ríkisfjármál eða yfirlýsingu Bjarna Benediktssonar, fjármála- og efnahagsráðherra, um að uppbygging Landspítalans myndi hefjast á kjörtímabilinu.Vill að stjórnin hætti að naga í grunnstoðirnarSvavar Knútur segist persónulega vera að mótmæla aðför ríkisstjórnarinnar að grunnstoðum samfélagsins. „Ég vil að það sé hætt að naga í þessar grunnstoðir samfélagsins eins og menntun fyrir alla. Að það sé ekki verið að daðra við það að þegar fólk er komið yfir 25 ára aldur þá megi það bara ekki fara aftur í skóla nema það borgi milljón fyrir að fara í einhvern einkaskóla. Það er hægt og rólega verið að færa fólk inn í einkarekin úrræði í heilbrigðiskerfinu,“ segir hann. Svavar nefnir líka lekamálið sem dæmi um léleg vinnubrögð stjórnarinnar. „Að hinu opinbera sé ekki treystandi fyrir upplýsingum um fólkið í landinu,“ segir hann. „Þetta eru ófaglega vinnubrögð og það er ótrúlega sorglegt að búa í samfélagi sem er eitt ríkasta land í heimi en geta ekki verið með faglega ráðherra sem vinna sitt af fagmennsku og trúmennsku.“Krefst ekki afsagnarKrafa um að ríkisstjórnir segi af sér hefur verið áberandi í mótmælunum síðustu ára en engin ein krafa hefur verið lögð fyrir mótmælafundinn nú. Sjálfur segist Svavar ekki gera þá kröfu að stjórnin segi af sér heldur hún viðhafi önnur vinnubrögð. „Það er ekki mitt að heimta að fólk segi af sér. Það verða fleiri raddir að hrópa og öskra,“ útskýrir hann. Svavar vísar í uppeldi sitt þegar hann ræðir um kröfuna sína á fundinum í dag. „Ég er alinn upp á heimili þar sem kurteisi var alveg ofboðslega mikið mál. Ef að það kom vondur gestur og lét illa, þá sögðu menn „jæja“ einu sinni. Ef hann áttaði sig ekki á því að hann væri að hegða sér illa og byrjaði að hegða sér vel þá sögðu menn „jæja“ aðeins hærra, byrstu sig og jafnvel stóðu upp. Og ef hann náði því ekki, þá var sagt jæja í þriðja skiptið og tekið í hnakkadrambið á viðkomandi og út með hann. Þetta er eiginlega bara fyrsta „jæja“ hjá mér,“ segir hann. Alþingi Tengdar fréttir Þúsundir boðað komu sína á Austurvöll Hátt í 6.000 manns hafa boðað komu sína á Austurvöll klukkan 17 í dag til að mótmæla aðgerðum ríkisstjórnarinnar. 3. nóvember 2014 07:33 Karl Garðarsson telur mótmælin tilefnislaus Þingmaður Framsóknarflokksins sendir þeim sem ætla að mótmæla í dag tóninn með írónískri glósu. 3. nóvember 2014 10:03 Mest lesið Litaðir seðlar til skoðunar og málið á mjög viðkvæmu stigi Innlent Forsetavaktin 2024: Hver verður sjöundi forseti lýðveldisins? Innlent Sagðist ætla að nota tíu milljón króna kókaín allt sjálfur Innlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent Yrði gagnkynhneigður maður spurður sömu spurningar? Innlent Íslenskar stjörnur fái peninga að gjöf til að leggja undir í veðmálum Innlent Hátíðardagskrá víða um land á verkalýðsdaginn Innlent Hjólastólinn í „tengdamömmuboxi“ á toppi bílsins Innlent Gæti dregið til tíðinda á næstu klukkustundum Innlent Fleiri fréttir Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Umferðarteppa vegna hópaksturs Sniglanna Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Sjá meira
„Við erum ekki á neins vegum, þetta bar spratt upp á þremur dögum. Við erum bara að koma þarna til að finna hvert annað og finna samhug í réttlætiskennd og reiði. Vegna þess að okkur er misboðið,“ segir Svavar Knútur tónlistarmaður sem er einn skipuleggjenda mótmæla sem boðað hefur verið til á Austurvelli í dag. Til stendur að mótmæla aðgerðum ríkisstjórnarinnar en engin ein krafa er uppi í mótmælunum. Svavar segir að þetta sé tækifæri fyrir fólk til að lýsa reiði sinni vegna hinna ýmsu aðgerða.Stuðningur við stjórnina fer þverrandi „Framkoma þessarar ríkisstjórnar er svo ótrúlega dólgsleg og hrokafull og forgangsröðunin er ótrúlega undarleg hjá henni. Ég held að fólk sé orðið endemis pirrað og reitt,“ segir Svavar sem segir að það sé svo ótrúlega margt sem fólk er reitt yfir að það viti hreinlega ekki hvernig það eigi að byrja að mótmæla. „Þarf að vera að mótmæla einhverju einu? Það er hægt að mótmæla dólgshætti og yfirgangi. Það er hægt að mótmæla yfirlæti, dónaskap og vondum vinnubrögðum. Það þarf ekki að vera ESB eða stjórnarskráin. Fólk er að koma úr öllum áttum með allskonar reiði og það þarf bara að gefa því útrás fyrir hana.“ Ríkisstjórnin mælist með afar lítið traust, aðeins tæplega 39 prósent þeirra sem tóku afstöðu í nýjasta Þjóðarpúlsi Capacent segjast styðja hana. Stuðningur við Framsóknarflokkinn, flokk forsætisráðherra, hefur einnig hrunið frá kosningum en þá vann flokkurinn mikinn kosningasigur. Sjálfstæðisflokkurinn hefur þó haldið velli í skoðanakönnunum.Brynjar lýsti í morgun furðu sinni á boðuðum mótmælum.Vísir / StefánVill ekki hroka heldur auðmýkt „Ég er svona maður fyrir lágmarkskröfur, bara til að byrja. Ég vil byrja hverja ökuferð í fyrsta gír, það þýðir ekki að byrja í fjórða gír, þá drepur bara bíllinn á sér,“ segir Svavar. „En maður getur beðið þetta fólk, eins og til dæmis Brynjar Níelsson, að stilla hrokanum í hóf og tala eins og manneskjur og koma fram af auðmýkt, eins og kjörnu fulltrúarnir sem það er. Við erum ekki á nítjándu öldinni, þau eru ekki í pípuhöttum og við erum ekki einhver sauðsvartur almúgi. Við búum í jafnræðisþjóðfélagi.“ Stjórnarþingmenn hafa síðustu daga furðað sig á mótmælunum. Meðal annarra áðurnefndur Brynjar sem birti bloggfærslu í morgun þar sem hann spurði hvaða verkum ríkisstjórnarinnar væri verið að mótmæla. Taldi hann upp að kaupmáttur heimilanna hefði aukist, fjöldi nýrra starfa hefði orðið til með aukinni fjárfestingu og að verðbólgumarkmiðum hafi verið áð. Velti hann því einnig upp hvort mótmæla ætti almennum skattalækkunum, að jafnvægi væri komið í ríkisfjármál eða yfirlýsingu Bjarna Benediktssonar, fjármála- og efnahagsráðherra, um að uppbygging Landspítalans myndi hefjast á kjörtímabilinu.Vill að stjórnin hætti að naga í grunnstoðirnarSvavar Knútur segist persónulega vera að mótmæla aðför ríkisstjórnarinnar að grunnstoðum samfélagsins. „Ég vil að það sé hætt að naga í þessar grunnstoðir samfélagsins eins og menntun fyrir alla. Að það sé ekki verið að daðra við það að þegar fólk er komið yfir 25 ára aldur þá megi það bara ekki fara aftur í skóla nema það borgi milljón fyrir að fara í einhvern einkaskóla. Það er hægt og rólega verið að færa fólk inn í einkarekin úrræði í heilbrigðiskerfinu,“ segir hann. Svavar nefnir líka lekamálið sem dæmi um léleg vinnubrögð stjórnarinnar. „Að hinu opinbera sé ekki treystandi fyrir upplýsingum um fólkið í landinu,“ segir hann. „Þetta eru ófaglega vinnubrögð og það er ótrúlega sorglegt að búa í samfélagi sem er eitt ríkasta land í heimi en geta ekki verið með faglega ráðherra sem vinna sitt af fagmennsku og trúmennsku.“Krefst ekki afsagnarKrafa um að ríkisstjórnir segi af sér hefur verið áberandi í mótmælunum síðustu ára en engin ein krafa hefur verið lögð fyrir mótmælafundinn nú. Sjálfur segist Svavar ekki gera þá kröfu að stjórnin segi af sér heldur hún viðhafi önnur vinnubrögð. „Það er ekki mitt að heimta að fólk segi af sér. Það verða fleiri raddir að hrópa og öskra,“ útskýrir hann. Svavar vísar í uppeldi sitt þegar hann ræðir um kröfuna sína á fundinum í dag. „Ég er alinn upp á heimili þar sem kurteisi var alveg ofboðslega mikið mál. Ef að það kom vondur gestur og lét illa, þá sögðu menn „jæja“ einu sinni. Ef hann áttaði sig ekki á því að hann væri að hegða sér illa og byrjaði að hegða sér vel þá sögðu menn „jæja“ aðeins hærra, byrstu sig og jafnvel stóðu upp. Og ef hann náði því ekki, þá var sagt jæja í þriðja skiptið og tekið í hnakkadrambið á viðkomandi og út með hann. Þetta er eiginlega bara fyrsta „jæja“ hjá mér,“ segir hann.
Alþingi Tengdar fréttir Þúsundir boðað komu sína á Austurvöll Hátt í 6.000 manns hafa boðað komu sína á Austurvöll klukkan 17 í dag til að mótmæla aðgerðum ríkisstjórnarinnar. 3. nóvember 2014 07:33 Karl Garðarsson telur mótmælin tilefnislaus Þingmaður Framsóknarflokksins sendir þeim sem ætla að mótmæla í dag tóninn með írónískri glósu. 3. nóvember 2014 10:03 Mest lesið Litaðir seðlar til skoðunar og málið á mjög viðkvæmu stigi Innlent Forsetavaktin 2024: Hver verður sjöundi forseti lýðveldisins? Innlent Sagðist ætla að nota tíu milljón króna kókaín allt sjálfur Innlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent Yrði gagnkynhneigður maður spurður sömu spurningar? Innlent Íslenskar stjörnur fái peninga að gjöf til að leggja undir í veðmálum Innlent Hátíðardagskrá víða um land á verkalýðsdaginn Innlent Hjólastólinn í „tengdamömmuboxi“ á toppi bílsins Innlent Gæti dregið til tíðinda á næstu klukkustundum Innlent Fleiri fréttir Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Umferðarteppa vegna hópaksturs Sniglanna Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Nokkurra bíla árekstur á Miklubraut Hafa áhyggjur af fylgistapi flokksins Umferðartafir vegna elds í tengivagni Heimta hundrað milljóna króna tryggingu Engin merki um að kvikuhlaup sé hafið eða að hefjast Gæsluvarðhald beggja framlengt Rúður skotnar í spað í verslun innflytjenda Leggja til kröfu um sólarsellur á þaki nýbygginga Úrskurðaður í síbrotagæslu eftir ofsaaksturinn Sjá meira
Þúsundir boðað komu sína á Austurvöll Hátt í 6.000 manns hafa boðað komu sína á Austurvöll klukkan 17 í dag til að mótmæla aðgerðum ríkisstjórnarinnar. 3. nóvember 2014 07:33
Karl Garðarsson telur mótmælin tilefnislaus Þingmaður Framsóknarflokksins sendir þeim sem ætla að mótmæla í dag tóninn með írónískri glósu. 3. nóvember 2014 10:03