Innlent

Albanir sendir úr landi í fylgd sérsveitarmanna

Frá landsleik Íslands og Albaníu. Þrettán Albanir skiluðu sér ekki í flug til Tirana. Fjórir þeirra sóttu um hæli. Aðrir voru handteknir þegar þeir þrír mánuðir sem þeir höfðu leyfi til að vera hér sem ferðamenn voru liðnir.
Frá landsleik Íslands og Albaníu. Þrettán Albanir skiluðu sér ekki í flug til Tirana. Fjórir þeirra sóttu um hæli. Aðrir voru handteknir þegar þeir þrír mánuðir sem þeir höfðu leyfi til að vera hér sem ferðamenn voru liðnir.

Alls 21 albanskir ríkisborgarar sem skiluðu sér ekki í flug eftir leik Íslands og Albaníu fyrr í september voru sendir til Tirana með leiguflugi í fylgd sérsveitarmanna frá embætti Ríkislögreglustjóra snemma á fimmtudagsmorgun.

Talsverður fjöldi stuðningsmanna albanska landsliðsins kom til landsins til að vera viðstaddur leikinn í september. Þeir fóru hins vegar ekki allir úr landi að leik loknum. Hópur þeirra mætti ekki í leiguflug sem átti að fara frá Keflavík til Albaníu.

Tveir þeirra sóttu um hæli hér á landi fyrir leikinn og tveir gerðu það eftir hann. Um tíma var ekkert vitað um afdrif níu Albana en nokkrir þeirra voru handteknir áður en hópurinn var sendur úr landi.

Samkvæmt upplýsingum fréttastofu voru Albanirnir 21 sendir úr landi snemma á fimmtudagsmorgun en embætti ríkislögreglustjóra skipulagði aðgerðina að fengnu samráði við Útlendingastofnun.

Heimilt var að senda mennina úr landi þar sem liðnir voru þrír mánuðir frá því þeir komu hingað sem ferðamenn og þeir höfðu ekki dvalarleyfi.

Jón F. Bjartmarz, yfirlögregluþjónn hjá embætti ríkislögreglustjóra.

Millilentu í Frakklandi
Jón Bjartmarz yfirlögregluþjónn hjá embætti ríkislögreglustjóra. Staðfesti þetta í skriflegu svari við fyrirspurn fréttastofunnar.  „Á grundvelli ákvarðana stjórnvalda annaðist alþjóðadeild ríkislögreglustjóra framkvæmd á frávísun 21 ríkisborgara Albaníu til heimalands. Ferðin var undirbúin í samstarfi við Landamærastofnun Evrópu (Frontex). Flugvél var leigð til ferðarinnar sem millilenti í Frakklandi þar sem fleiri albanskir ríkisborgarar og fylgdarmenn þeirra komu um borð. Ferðin var skipulögð í samræmi við gildandi löggjöf, alþjóðasamninga og leiðbeiningar Evrópusambandsins og Frontex. Fagleg og kostnaðarleg rök voru til grundvallar að samstarfi Íslands við Frontex í þessu verkefni.  Sýnt er að slík framkvæmd hefur minni röskun í för með sér fyrir fólkið og er öll faglegri.  Auk lögreglumanna voru með í för læknir, túlkur og eftirlitsmaður frá Mannréttindaskrifstofu Íslands. Lögð er áhersla á að við framkvæmdina sé gætt meðalhófs í hvívetna og að komið sé fram við fólkið að alúð og skilningi,“ segir Jón í skriflegu svari. Hann segir um önnur efnisatriði málsins er varðar ákvörðun um frávísun sé vísað til Útlendingastofnunar og innanríkisráðuneytisins.

Um önnur efnisatriði málsins er varðar ákvörðun um frávísun er vísað til Útlendingastofnunar og innanríkisráðuneytisins.

Uppfært kl. 15:27. Í fyrri útgáfu fréttarinnar var fullyrt að Albanirnir hefðu verið 13, hið rétta að þeir voru 21. Það leiðréttist hér með.


Tengdar fréttir

Albanir ílengjast á Íslandi

Útlendingastofnun mun að sinni ekki aðhafast í máli níu Albana sem skiluðu sér ekki í leiguflug heim til Albaníu eftir landsleikinn á dögunum.

Níu Albana leitað hér á landi

Þrettán Albanir sem komu hingað til lands í tengslum við landsleik Íslands og Albaníu á þriðjudaginn skiluðu sér ekki í flugið heim. Umsókn um hæli hér á landi liggur fyrir frá fjórum þeirra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira