Viðskipti innlent

Fasteignasjóðir kaupa fasteignir fyrir tugi milljarða

Magnús Halldórsson skrifar

Á undanförnum mánuðum hafa bankar og fyrirtæki í fjármálgeiranum stofnsett sjóði til þess að kaupa fasteignir. Samtals hafa um fjörutíu milljarðar verið lagðir í þessa sjóði, og hafa lífeyrissjóðirnir verið umfangsmestir í því að leggja sjóðunum til fé. Horft er til þess að fasteignaverð muni hækka á næstu árum.

Á undanförnum mánuðum hafa bankar og fyrirtæki í fjármálageiranum stofnað fjárfestingasjóði sem einblína á að fá kaupa fasteignir á höfuðborgarsvæðinu.
Þannig hefur MP banki stofnað Fjárfestingasjóð Íslands, VÍB eignastýringarþjónusta Íslandsbanka, Fast 1, og Stefnir, sjóðstýringarfyrirtæki í eigu Arion banka, sjóðinn SRE II.
Í fréttum okkar í gær sögðum við svo frá fasteignasjóði á vegum GAMMA en hann hefur keypt ríflega 100 íbúðir í póstnúmerum 101, 107 og 105 fyrir um fjóra milljarða króna, undanfarin misseri.
Samanlögð stærð þessara sjóða, miðað við stöðu mála eins og hún er núna, er nálægt 40 milljörðum króna.
Lífeyrissjóðir landsins, auk tryggingarfélaga og stórra fjárfesta, eru helst þeir sem hafa lagt fjármagn í sjóðina. Stærstur hluti fasteignanna í þessum sjóðum er atvinnuhúsnæði, þar sem ávöxtunin byggir á verðtryggðum leigusamningum.

Þessar umfangsmiklu fjárfestingar byggja á þeirri trú fjárfestana, þar helst lífeyrissjóðanna, að fasteignaverð á höfuðborgarsvæðinu muni hækka á næstu árum, og þannig muni fjárfestingin ávaxtast vel til framtíðar litið.

Seðlabanki Íslands hefur fjallað um það í útgáfuritum sínum, þar á meðal Peningamálum, að gjaldeyrishöftin geti haft áhrif á fjárfestingaumhverfið hér á landi. Meðal annars geti það birst með hækkun fasteignaverðs, þar sem fé leiti í fasteignir sem annars gerði það ekki, ef ekki væri fyrir höftin. Seðlabankinn hefur þó tekið fram í umfjöllun sinni, að ekkert bendi til þess að fasteignaverð hafið hækkað sérstaklega vegna haftanna, enn sem komið er.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,8
6
20.349
MARL
1,32
4
79.593
HAGA
0,74
3
141.155
N1
0,41
5
190.896
EIK
0,26
3
34.958

Mesta lækkun dagsins


Félag
Br.%
Fjöldi
Velta*
GRND
-0,98
2
15.300
EIM
-0,73
4
23.410
SIMINN
0
4
20.348
SKEL
0
4
16.241
HEIMA
0
1
220
Velkomin á Vísi. Þessi vefur notar vafrakökur. Sjá nánar.