Grunaðir um að hafa stefnt fé bankans í "stórfellda hættu" Þorbjörn Þórðarson skrifar 19. desember 2011 13:15 Lárus Welding, fyrrverandi forstjóri Glitnis. Hann og Guðmundur Hjaltason, fyrrverandi framkvæmdastjóri fyrirtækjasviðs Glitnis, hafa verið ákærðir fyrir umboðssvik vegna láns til Milestone. Fram kemur í ákæru embættis sérstaks saksóknara á hendur Lárusi Welding og Guðmundi Hjaltasyni að þeir hafi "misnotað aðstöðu sína og stefnt fé bankans í stórfellda hættu með lánveitingu til Milestone ehf." Þá kemur fram í ákæru að látið hafi verið líta út fyrir að lánið væri veitt öðrum en lántakanda. Fram kemur í ákærunni að um sé að ræða 102 milljóna evra peningamarkaðslán sem Glitnir veitti Milestone hinn 8. febrúar 2008, en lánið var jafnvirði rúmlega 10 milljarða króna á útborgunardegi en lánið átti að endurgreiða í einu lagi 11. febrúar 2008. Með ákvörðun sinni fóru ákærðu út fyrir heimildir sínar þannig að heildarlánveitingar Milestone fór úr 32,4 í 42,4 milljarða króna eða úr 14,36 prósent af eigin fé bankans og þar með um 4,1 milljarð króna umfram heimildir. Stórfelld fjártjónshætta Fram kemur í ákærunni að fjárhæðinni hafi verið ráðstafað til félagsins Þáttar International ehf. til að gera upp lán félagsins hjá bandaríska bankanum Morgan Stanley, en Þáttur var einkahlutafélag innan félagasamstæðu Milestone. Hinn 12. febrúar hafi Glitnir millifært 102 milljónir evra inn á reikning Milestone og síðar sama daga hafi bankinn millifært sömu fjárhæð til baka. Um var að ræða andvirði láns sem Glitnir veitti Vafningi ehf. án trygginga, en lánið var 103 milljónir evra. Hinn 29. febrúar 2008 greiddi Svartháfur ehf. 50 milljónir evra til Vafnings sem voru fjármunir sem félagið fékk að láni frá Glitni sama dag og fjárhæðin var færð til lækkunar á láni bankans til Vafnings ehf. frá 12. febrúar 2008. Fram kemur í ákærunni að eftirstöðvar lánsins hafi ekki verið endurheimtar frá Vafningi ehf. „Þeirri stórfelldu fjártjónshættu sem ákærðu sköpuðu Glitni banka hf. með lánveitingunni 8. febrúar 2008 var því ekki afstýrt með þeirri ráðstöfun að færa skuldbindinguna yfir á Vafning ehf. 12. febrúar 2008." Fyrirséð að bréfin í Glitni færu á markað með tilheyrandi lækkun Jafnframt kemur fram í ákærunni að vegna gjaldfellingar á láni Morgan Stanley til Þáttar International ehf. hafi forsvarsmenn Glitnis og Milestone undirbúið lánveitingu bankans til félags sem var ótengt Milestone, en hér er vísað til félagsins Svartháfs, en eini eigandi þess var Werner Rasmusson, faðir Karls og Steingríms Wernerssona. Tilgangurinn hafi verið að gera Þætti mögulegt að endurgreiða lánið hjá Morgan Stanley sem hafði verið gjaldfellt 5. febrúar 2008. Fyrirsjáanlegt hafi verið að bandaríski bankinn gengi að hlutabréfum Þáttar í Glitni, sem voru trygging fyrir láninu, og hlutaféð færi þar með á almennan hlutabréfamarkað með tilheyrandi hættu á verðfalli bréfanna í Glitni. Fram kemur í ákærunni að gögn málsins beri með sér að látið hafi verið líta út fyrir að lánið sem afgreitt var til Milestone 8. febrúar 2008 hafi verið veitt Vafningi ehf. í stað Milestone, með því að dagsetja lánasamninginn milli Glitnis og Vafnings ehf. 8. febrúar 2008. Greiðslugögn og bókhald bankans beri hins vegar með sér að lánveitingin hafi verið afgreidd beint til Milestone og þaðan ráðstafað til greiðslu á láni Þáttar International hjá Morgan Stanley. Bæði Guðmundur og Lárus sátu í áhættunefnd Glitnis og bar þeim samkvæmt ákærunni að rækja störf sín við ákvörðun lánveitinga í samræmi við almennar reglur Glitnis um markaðsáhættu og lánveitingar en brot á reglunum hafi verið til þess fallin að valda bankanum verulegri hættu á fjártjóni. Auk þess hafi Milestone á þessum tímapunkti verið í verulegum greiðsluerfiðleikum, en félagið var úrskurðað gjaldþrota 18. september 2009. „Með því að taka ákvörðun um að lána svo gríðarlega háa fjárhæð án nokkurra trygginga og í andstöðu við reglur bankans um hámark heildarlánveitinga til eins aðila var ákærðu, eða hlaut að vera, ljóst að þeir væru að stefna miklum fjármunum bankans í stórfellda hættu," segir í ákærunni. thorbjorn@stod2.is Sjá má ákæruna í heild sinni í viðhengi neðst í fréttinni. Vafningsmálið Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Base parking gjaldþrota Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent VÍS gefið yfir 1.100 fjölskyldum barnabílspegla í sængurgjöf Samstarf Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira
Fram kemur í ákæru embættis sérstaks saksóknara á hendur Lárusi Welding og Guðmundi Hjaltasyni að þeir hafi "misnotað aðstöðu sína og stefnt fé bankans í stórfellda hættu með lánveitingu til Milestone ehf." Þá kemur fram í ákæru að látið hafi verið líta út fyrir að lánið væri veitt öðrum en lántakanda. Fram kemur í ákærunni að um sé að ræða 102 milljóna evra peningamarkaðslán sem Glitnir veitti Milestone hinn 8. febrúar 2008, en lánið var jafnvirði rúmlega 10 milljarða króna á útborgunardegi en lánið átti að endurgreiða í einu lagi 11. febrúar 2008. Með ákvörðun sinni fóru ákærðu út fyrir heimildir sínar þannig að heildarlánveitingar Milestone fór úr 32,4 í 42,4 milljarða króna eða úr 14,36 prósent af eigin fé bankans og þar með um 4,1 milljarð króna umfram heimildir. Stórfelld fjártjónshætta Fram kemur í ákærunni að fjárhæðinni hafi verið ráðstafað til félagsins Þáttar International ehf. til að gera upp lán félagsins hjá bandaríska bankanum Morgan Stanley, en Þáttur var einkahlutafélag innan félagasamstæðu Milestone. Hinn 12. febrúar hafi Glitnir millifært 102 milljónir evra inn á reikning Milestone og síðar sama daga hafi bankinn millifært sömu fjárhæð til baka. Um var að ræða andvirði láns sem Glitnir veitti Vafningi ehf. án trygginga, en lánið var 103 milljónir evra. Hinn 29. febrúar 2008 greiddi Svartháfur ehf. 50 milljónir evra til Vafnings sem voru fjármunir sem félagið fékk að láni frá Glitni sama dag og fjárhæðin var færð til lækkunar á láni bankans til Vafnings ehf. frá 12. febrúar 2008. Fram kemur í ákærunni að eftirstöðvar lánsins hafi ekki verið endurheimtar frá Vafningi ehf. „Þeirri stórfelldu fjártjónshættu sem ákærðu sköpuðu Glitni banka hf. með lánveitingunni 8. febrúar 2008 var því ekki afstýrt með þeirri ráðstöfun að færa skuldbindinguna yfir á Vafning ehf. 12. febrúar 2008." Fyrirséð að bréfin í Glitni færu á markað með tilheyrandi lækkun Jafnframt kemur fram í ákærunni að vegna gjaldfellingar á láni Morgan Stanley til Þáttar International ehf. hafi forsvarsmenn Glitnis og Milestone undirbúið lánveitingu bankans til félags sem var ótengt Milestone, en hér er vísað til félagsins Svartháfs, en eini eigandi þess var Werner Rasmusson, faðir Karls og Steingríms Wernerssona. Tilgangurinn hafi verið að gera Þætti mögulegt að endurgreiða lánið hjá Morgan Stanley sem hafði verið gjaldfellt 5. febrúar 2008. Fyrirsjáanlegt hafi verið að bandaríski bankinn gengi að hlutabréfum Þáttar í Glitni, sem voru trygging fyrir láninu, og hlutaféð færi þar með á almennan hlutabréfamarkað með tilheyrandi hættu á verðfalli bréfanna í Glitni. Fram kemur í ákærunni að gögn málsins beri með sér að látið hafi verið líta út fyrir að lánið sem afgreitt var til Milestone 8. febrúar 2008 hafi verið veitt Vafningi ehf. í stað Milestone, með því að dagsetja lánasamninginn milli Glitnis og Vafnings ehf. 8. febrúar 2008. Greiðslugögn og bókhald bankans beri hins vegar með sér að lánveitingin hafi verið afgreidd beint til Milestone og þaðan ráðstafað til greiðslu á láni Þáttar International hjá Morgan Stanley. Bæði Guðmundur og Lárus sátu í áhættunefnd Glitnis og bar þeim samkvæmt ákærunni að rækja störf sín við ákvörðun lánveitinga í samræmi við almennar reglur Glitnis um markaðsáhættu og lánveitingar en brot á reglunum hafi verið til þess fallin að valda bankanum verulegri hættu á fjártjóni. Auk þess hafi Milestone á þessum tímapunkti verið í verulegum greiðsluerfiðleikum, en félagið var úrskurðað gjaldþrota 18. september 2009. „Með því að taka ákvörðun um að lána svo gríðarlega háa fjárhæð án nokkurra trygginga og í andstöðu við reglur bankans um hámark heildarlánveitinga til eins aðila var ákærðu, eða hlaut að vera, ljóst að þeir væru að stefna miklum fjármunum bankans í stórfellda hættu," segir í ákærunni. thorbjorn@stod2.is Sjá má ákæruna í heild sinni í viðhengi neðst í fréttinni.
Vafningsmálið Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Base parking gjaldþrota Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent VÍS gefið yfir 1.100 fjölskyldum barnabílspegla í sængurgjöf Samstarf Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira