Körfubolti

Umfjöllun: KR Íslandsmeistari eftir sannfærandi sigur í Garðabænum

Óskar Ófeigur Jónsson í Ásgarði skrifar

KR-ingar eru Íslandsmeistarar í körfubolta karla í þriðja sinn á fjórum árum og í tólfta sinn frá upphafi eftir sannfærandi fjórtán stiga sigur á Stjörnunni í kvöld, 109-95, í fjórða leik liðanna úrslitaeinvígi Iceland Express deildar karla í Ásgarði í Garðabæ. KR vann því úrslitaeinvígið 3-1.

Bandaríski bakvörðurinn í KR-liðinu, Marcus Walker, var hreinlega óstöðvandi eins og oft áður í þessarri úrslitakeppni og sá til þess að Garðbæingar áttu aldrei möguleika í kvöld. Miðjan söng "MVP" til hans nær allan leikinn og það hefur sjaldan átt eins vel við og í kvöld enda var þetta nánast einkasýning Marcusar á meðan að lykilmenn eins og Brynjar Þór Björnsson og Pavel Ermolinskij voru rólegir.

KR-ingar voru strax komnir með þrettán stiga forskot eftir fyrsta leikhlutann, 32-19, og stungu síðan endanlega af í þriðja hlutanum með hinn eldfljóta og stórskemmtilega Marcus Walker í fararbroddi. KR vann leikhlutann 29-22 þar sem Walker skoraði 18 af 40 stigum sínum í leiknum en hann skoraði þá hverja körfuna á fætur annarri úr hraðaupphlaupum. KR var 83-62 fyrir lokaleikhlutann og þá var löngu orðið ljóst að KR-ingar voru að fara að lyfta Íslandsbikarnum í leikslok.

Liðin skiptust á körfum í byrjun leiksins en í stöðunni 6-6 skoruðu KR-ingar átta stig í röð, komust í 12-6 og tóku frumkvæðið í leiknum.

KR-ingurinn Finnur Atli Magnússon byrjaði leikinn sjóðheitur og skoraði 11 stig á fyrstu rúmum sex mínútum leiksins á meðan KR-liðið komst í 20-12. Fjórar af fimm körfum hans komu eftir stoðsendingar frá Pavel Ermolinskij sem átti sex stoðsendingar á fyrstu átta mínútum leiksins.

KR-ingar enduðu síðan leikhlutann á þriggja stiga körfu frá Brynjari Þór Björssyni sem kom KR í 32-19 rétt áður en leikhlutinn rann út.

Stjörnumaðurinn Justin Shouse, sem var stigalaus í fyrsta leikhluta, byrjaði annan leikhlutann á því að setja niður tvo þrista í röð og eftir tæplega þriggja og hálfrar mínútna leik í leikhlutanum var Stjarnan búin að minnka muninn í fimm stig, 30-35.

Tvær hraðaupphlaupskörfur í röð hjá KR komu muninum upp í níu stig, þá fyrri gerði Finnur eftir stoðsendingu frá Marcus Walker og eftir að Finnur setti síðan niður þrist og kom KR í 42-33 var hann búinn að skora sextán stig á fyrstu sextán mínútum leiksins.

Stjörnumenn voru síðan búnir að koma muninum niður í fjögur stig, 38-42, þegar tvær og hálf mínúta var til hálfleiks en þá misstu þeir KR-inga á flug og á rúmum tveimur mínútum fór muninn upp í sextán stig eftir tólf KR-stig í röð. Hreggviður Magnússon og Marcus Walker voru báðir með fimm stig á þessum kafla og var Walker þá kominn með fimmtán stig í leiknum.

Justin Shouse náði að laga muninn með tveimur vítum fyrir hálfleik en Stjarnan var engu að síður fjórtán stigum undir, 40-54, þegar gengið var til leikhlés.

Justin, Jovan Zdravevski og Fannar Freyr Helgason voru allir komnir með átta stig í hálfleik og voru stigahæstir Garðbæinga en Finnur Atli (16 stig) og Marcus (15 stig) voru í sérflokki hjá KR-liðinu.

KR byrjaði seinni hálfleikinn á tveimur körfum og var þá komið 18 stigum yfir, 58-40. Jovan hélt Stjörnunni á lífi með því að skora tíu stig á fyrstu þremur mínútunum í leikhlutanum en þá dugði samt skammt því Marcus Walker var ekki búinn að kólna niður síðan í öðrum leikhlutanum.

Marcus setti meðal annars niður tvo hraðaupphlaupsþrista í röð og átti síðan stoðsendingu á Pavel í þeim þriðja. KR var þá komið með 20 stiga forskot eftir aðeins tæplega fimm mínútna leik í seinni hálfleiknum og Walker var þegar búinn að skora 23 stig og 5 stoðsendingar í leiknum.

Marcus skoraði á endanum 18 stig í þriðja leikhlutanum sem KR vann 29-22 og var KR-liðið því með 21 stigs forskot, 83-62, fyrir lokaleikhlutann.

Stjörnuliðið hélt áfram að berjast og náði að minnka aðeins muninn en það var löngu orðið ljóst að KR-ingar voru að fara að lyfta Íslandsbikarnum í leikslok. Lokamínútnar snérust reyndar upp í hálfgerða vitleysu á meðan Stjörnumenn brutu og brutu og sendu KR-inga ítrekað á vítalínunna. Það gekk því illa að klára leikinn þótt að úrslitin væru löngu ráðin.


Stjarnan-KR 95-109

Stjarnan: Jovan Zdravevski 20, Renato Lindmets 20/13 fráköst, Marvin Valdimarsson 14/4 fráköst, Justin Shouse 12/6 stoðsendingar, Kjartan Atli Kjartansson 10/4 fráköst, Fannar Freyr Helgason 9/4 fráköst, Guðjón Lárusson 5, Daníel G. Guðmundsson 3, Dagur Kár Jónsson 2, Ólafur Aron Ingvason 0, Magnús Guðmundsson 0, Christopher Sófus Cannon 0.

KR: Marcus Walker 40/6 fráköst/6 stoðsendingar/8 stolnir, Finnur Atli Magnússon 20, Brynjar Þór Björnsson 12, Pavel Ermolinskij 11/13 fráköst/9 stoðsendingar, Hreggviður Magnússon 9/7 fráköst, Skarphéðinn Freyr Ingason 7, Jón Orri Kristjánsson 4/6 fráköst, Ólafur Már Ægisson 4, Fannar Ólafsson 2, Páll Fannar Helgason 0, Matthías Orri Sigurðarson 0, Ágúst Angantýsson 0.


Tengdar fréttir

KR Íslandsmeistari 2011 - myndir

Það var glatt á hjalla hjá KR-ingum í Ásgarði í gær en þá varð körfuboltalið félagsins Íslandsmeistari eftir afar sannfærandi sigur á Stjörnunni. KR vann einvígi liðanna, 3-1.

Fannar: Tilfinningin alltaf betri og betri

Fannar Ólafsson, fyrirliði KR, lyfti í kvöld Íslandsmeistarabikarnum á loft í þriðja sinn á ferlinum - ávallt með KR. Hann varð Íslandsmeistari í fimmta sinn alls en hann náði þeim áfanga tvívegis er hann spilaði með Keflavík.

Finnur: Það var komin tími á mig

„Þetta er yndisleg tilfinning, ég er búin að horfa á bræður mína báða taka þennan titil, en núna var komið að mér,“ sagði Finnur Atli Magnússon, leikmaður KR, eftir leikinn í kvöld. KR tryggði sér Íslandsmeistaratitilinn gegn Stjörnunni í Ásgarði í kvöld eftir að hafa unnið einvígið 3-1.

Teitur: KR-ingarnir bara betri

Teitur Örlygsson, þjálfari Stjörnunnar, segir að betra liðið hafi unnið rimmuna um Íslandsmeistaratitilinn í körfubolta en KR varð í kvöld meistari eftir sigur á Stjörnunni, 3-1, í lokaúrslitunum.

Marcus: Frábært að spila fyrir framan þetta fólk

„Ég get ekki útskýrt hvernig mér líður,“ sagði Marcus Walker, leikmaður KR, eftir sigurinn gegn Stjörnunni í kvöld. KR varð Íslandsmeistari eftir að hafa unnið Stjörnuna 3-1 í einvíginu.

Pavel: Ég á heiminn

„Manni líður bara eins og ég eigi heiminn,“ sagði Pavel Ermolinskij, leikmaður KR, eftir að lið hans hafði hampað Íslandsmeistaratitlinum í Iceland-Express deild karla. KR vann Stjörnuna 3-1 í einvíginu um titilinn stóra.

Brynjar um Walker: Stórkostlegur

"Hann er stórkostlegur og það var ótrúlegt að fylgjast með því hvernig honum óx ásmegin eftir því sem leið á tímabilið.“

Brynjar Þór: Auðveldasti titillinn

Brynjar Þór Björnsson varð í kvöld Íslandsmeistari í þriðja sinn með KR og segir hann þennan titil hafa verið þann auðveldasta á ferlinum.

Hrafn: Ég svíf um á skýi

„Ég er bara í skýjunum og svíf bara um,“ sagði Hrafn Kristjánsson, þjálfari KR, eftir að lið hans hafði tryggt sér Íslandsmeistaratitilinn í Iceland-Express deilda karla.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.