Viðskipti innlent

Business.dk: Ísland gæti orðið efnahagslegt svarthol

„Ákvörðunin gæti steypt Íslandi niður í efnahagslegt svarthol," segir m.a. í umfjöllun á vefsíðunni business.dk um þá ákvörðun Ólafs Ragnars Grímssonar forseta Íslands að hafna Icesave frumvarpinu. Fyrirsögnin á frétt business.dk um málið er eitthvað á þá leið að Ísland gæti endað sem fjárhagslegur útkjálki í heiminum (finansparia).

Fréttin hefst á þessum orðum: „Höfnun Íslands á að standa við bankaskuldir sínar í Bretlandi og Hollandi gætu sent landið á svarta listann. Matsfyrirtæki munu lækka lánshæfismat landsins og gera því mjög erfitt með að afla sér nýs lánsfjár."

Tekið er fram í fréttinni að matsfyrirtækið Standard & Poors hafi þegar gefið til kynna að það muni lækka lánshæfismat Íslands. Á sama tíma eru uppi vangaveltur um að Alþjóðagjaldeyrissjóðurinn muni kannski stoppa frekari lán sín til Íslands.

Rætt er við Moritz Kraemer hjá Standard & Poors sem nýlega staðfesti lánshæfi Íslands og breytti um leið horfum úr neikvæðum í stöðugar. Kraemer segir að samþykkt Icasave frumvarpsins hefði aukið við skuldir Íslands. Á móti hefði komið að Alþjóðagjaldeyrissjóðurinn hefði opnað fyrir frekari lánveitingar frá Norðurlöndunum upp á um rúmlega 400 milljarða kr.

Fram kemur í fréttinni að þessi niðurstaða í Icesave muni væntanlega þýða það að Bretar og Hollendingar verði mótfallnir frekari aðstoð við Ísland.



Viðskiptafréttir ársins 2010


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið