LAUGARDAGUR 20. DESEMBER NÝJAST 20:06

Hellisheiđi og Hvalfjarđarvegur aftur opin

FRÉTTIR

Fokheldar Skuggablokkir eftirsóttar

Viđskipti innlent
06:00 02. DESEMBER 2011
Mikill áhugi virđist vera á kaupum á Lindargötu og Vitastíg í Skuggahverfi samkvćmt upplýsingum frá fasteignafélagi Arion banka.
Mikill áhugi virđist vera á kaupum á Lindargötu og Vitastíg í Skuggahverfi samkvćmt upplýsingum frá fasteignafélagi Arion banka. FRÉTTABLAĐIĐ/ANTON

Mikill áhugi er fyrir kaupum á fasteignum í Skuggahverfinu eftir söluauglýsingu 101 Skuggahverfis og Landeyjar, fasteignafélags Arion banka, sem birt var í vikunni. Um er að ræða tvær íbúðablokkir, Lindargötu 37 og Vatnsstíg 16 til 18. Engin tilboð hafa enn borist í eignirnar, en heimilt er að gera tilboð í aðra þeirra eða báðar saman.

Þorsteinn Ingi Garðarsson, framkvæmdastjóri 101 Skuggahverfis, vildi ekki tjá sig við Fréttablaðið og benti á Inga Guðmundsson, framkvæmdastjóra Landeyjar.

Ingi segir flest viðbrögðin hafa komið frá fjárfestum og verktökum, eða öðrum aðilum „með tengingu í geirann". Byggingarnar seljast í núverandi ástandi að innan, það er rúmlega fokheldar, og fullbúnar að utan, og eru metnar á þriðja milljarð króna. Hann býst við að tilboð fari að berast öðru hvoru megin við helgina.

„Það er greinilegur áhugi fyrir þessu," segir Ingi. „Það er ljóst að þessar eignir eru upp á þriðja milljarð, en það er erfitt að fullyrða um hugmyndir að tilboðum."

Byggingarnar tvær eru hluti af Áfanga 2 hjá 101 Skuggahverfi. Virði hans var bókfært á 1,9 milljarða um síðustu áramót, samkvæmt ársreikningi félagsins fyrir árið 2010. Félagið skuldaði þá 6,3 milljarða króna í heild og þar af voru skuldir við Arion banka upp á 6,1 milljarð.

Byggingarnar voru auglýstar til sölu fyrir um ári. Þá bárust tvö eða þrjú tilboð sem ekki náðist að ganga frá, og því var fallið frá söluferlinu. Frestur til að skila inn tilboðum í þetta sinn er ótakmarkaður.


Verđmat eignanna er á ţriđja milljarđ, ađ sögn framkvćmdastjóra Landeyjar.
Verđmat eignanna er á ţriđja milljarđ, ađ sögn framkvćmdastjóra Landeyjar.

„Við vildum ekki binda okkur við frest. Þetta er stórt verkefni og um er að ræða miklar fjárhæðir svo það er skiljanlegt að menn vilji taka sinn tíma," segir Ingi. „Við erum að vona að bæði markaðurinn og fjárfestar séu bjartsýnni heldur en þeir voru fyrir rúmu ári."

Til stendur að selja íbúðir á Vatnsstíg 14 í smásölu. Verktakafélagið Arcus ehf. keypti Lindargötu 35 fyrir um tveimur mánuðum á 170 milljónir króna. Níu íbúðir eru í húsinu og var það selt í sama ástandi og fyrrgreindar blokkir.

Þorvaldur H. Gissurarson, eigandi Arcus, áætlar að framkvæmdir við húsið klárist í maí á næsta ári og til stendur að selja íbúðirnar í smásölu.

sunna@frettabladid.is


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Viđskipti / Viđskipti innlent / Fokheldar Skuggablokkir eftirsóttar
Fara efst