SUNNUDAGUR 25. SEPTEMBER NÝJAST 12:00

Ćtla gera Harry Kane ađ launahćsta leikmanni liđsins

SPORT

Fidel Castro ekki hrifinn af heimsókn Obama

 
Erlent
20:01 28. MARS 2016
Fidel Castro (t.v.) rćđir viđ bróđur sinn, Raul, áriđ 2011.
Fidel Castro (t.v.) rćđir viđ bróđur sinn, Raul, áriđ 2011. VÍSIR/AFP

Fidel Castro, fyrrverandi forseti Kúbu, hefur rofið þögn sína um heimsókn Barack Obama Bandaríkjaforseta til landsins. Castro segir í grein sem birtist í ríkisdagblaðinu Granma að Kúba þurfi ekki á neinum gjöfum frá „heimsveldinu“ Bandaríkjunum að halda og segir sáttarræður Obama „væmnar.“

Heimsókn Obama markar mikil tímamót í sögu samskipta Kúbu og Bandaríkjanna, sem hafa eldað grátt silfur saman í rúma hálfa öld. Bandaríkjamenn komu á viðskiptabanni við Kúbu eftir að Castro komst til valda á sjötta áratug síðustu aldar en samband ríkjanna hefur batnað til muna eftir að Raul Castro, bróðir hans, tók við stjórn landsins árið 2008.

Obama hefur í heimsókn sinni meðal annars lagt til að viðskiptabanninu verði aflétt og segist vilja „grafa“ síðustu leifar Kalda stríðsins í landinu.

Castro er þó nokkuð harðorður í garð Bandaríkjaforsetans í grein sinni, sem er um 1500 orð að lengd, og minnir meðal annars á tilraun Bandaríkjamanna til að steypa honum af stóli árið 1961. Hann leggur til að Obama myndi sér „engar kenningar“ um kúbversk stjórnmál.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Fidel Castro ekki hrifinn af heimsókn Obama
Fara efst