LAUGARDAGUR 25. OKTÓBER NÝJAST 08:00

Grjótkasti svarađ međ skotum

FRÉTTIR

Breytt mynstur í Bárđarbungu?

Innlent
12:45 21. ÁGÚST 2014
Kort frá Jarđvísindastofnun Háskóla Íslands. Rauđa línan táknar 25 kílómetra langan berggang sem talinn er vera ađ myndast undir jöklinum.
Kort frá Jarđvísindastofnun Háskóla Íslands. Rauđa línan táknar 25 kílómetra langan berggang sem talinn er vera ađ myndast undir jöklinum.

Vísbending kom fram í gær um breytt mynstur í jarðskorpuhreyfingum í Bárðarbungu. Freysteinn Sigmundsson jarðeðlisfræðingur segir of snemmt að segja til um hvort þetta sé merki um að hámarki hræringanna sé náð.

Jarðvísindamenn tóku eftir því í gær á gps-mælum að færsluhreyfingar til norðvesturs stöðvuðust, sem vakti spurningar um hvort innrennsli kviku væri að minnka. Á móti kom að hreyfingar héldu áfram til suðausturs.

„Það er reyndar vísbending um aðeins breytt mynstur í jarðskorpuhreyfingunum við jökuljaðarinn," segir Freysteinn. „En við þurfum að sjá hvernig það þróast betur og þar sem erfitt að túlka þetta, - þetta er langt frá, það er ákveðin óvissa, - þá er mitt mat að líklegast sé að atburðarásin sé kannski enn um sinn með svipuðum krafti og áður."

- En gæti þetta verið fyrsta vísbending um að þetta sé búið að ná hámarki?


Freysteinn Sigmundsson jarđeđlisfrćđingur á Jarđvísindastofnun Háskóla Íslands.
Freysteinn Sigmundsson jarđeđlisfrćđingur á Jarđvísindastofnun Háskóla Íslands. STÖĐ 2/RAGGI.

„Það er of snemmt að segja til um það. Það eru einkenni á þessari virkni að það eru sveiflur, bæði í fjölda jarðskjálfta og hvernig þessar jarðskorpuhreyfingar eru. Það er einmitt ástæða þess að það er verið að setja upp fleiri mælitæki, jarðskjálftamæla og gps-mæla, til að geta fylgst betur með þessu." 

Freysteinn segir reynsluna frá Kröflueldum þá að svona atburðir geti dregist mjög á langinn. 

„Þannig að það er ekkert á vísan að róa með það. Við verðum bara að halda viðbúnaði. Við verðum að vakta eldstöðina eins vel og hægt er og reyna að túlka jafnharðan það sem við sjáum," segir Freysteinn Sigmundsson.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Breytt mynstur í Bárđarbungu?
Fara efst