Innlent

Ríkissaksóknari var ekki vanhæfur í máli ofbeldisfulla sambýlismannsins

Magnús Már Guðmundsson skrifar
Valtýr Sigurðsson, ríkissaksóknari.
Valtýr Sigurðsson, ríkissaksóknari. Mynd/Valgarður Gíslason

Ríkissaksóknari var ekki vanhæfur til að gefa út ákæru á hendur manninum sem í vikunni fékk þungan dóm fyrir að beita sambýliskonu sína grófu ofbeldi, að mati héraðsdóms. Dómnum verður að öllum líkindum áfrýjað til Hæstaréttar vegna of náinna tengsla á milli þeirra sem rannsökuðu málið og ákæruvaldsins.

Maðurinn, sem er háskólamenntaður Reykvíkingur á fertugsaldri, var sl. þriðjudag dæmdur í átta ára fangelsi fyrir að beita fyrrum sambýliskonu sína grófu ofbeldi linnulítið í þrjú ár, 15 kynferðisbrot og þvinga hana til þess að hafa kynmök við 11 ókunnuga menn. Maðurinn var jafnframt dæmdur fyrir að hafa ráðist á föður sinn og hótað honum lífláti.

Ákæra í málinu var gefin út í janúar á þessu ári. Í framhaldinu fór lögmaður mannsins fram á að málinu yrði vísað frá dómi vegna þess að embætti ríkissaksóknara, sem Valtýr Sigurðsson stýrir, væri vanhæft til að höfða mál á hendur manninum vegna of náinna tengsla Valtýs við kynferðisbrotadeild lögreglunnar. Eiginkona hans starfar sem aðstoðarsaksóknari á kynferðisbrotadeildinni og vann að málinu á meðan það var í rannsókn. Héraðsdómur komst að þeirri niðurstöðu í febrúar ekki væri hægt að draga óhlutdrægni ríkissaksóknara með réttu í efa vegna tengslanna og því var kröfunni vísað frá.

Eftir að dómurinn féll í vikunni sagði lögmaður mannsins að dómnum verði að öllum líkindum áfrýjað til Hæstaréttar, meðal annars á grundvelli þess að of náin tengsl hafi verið á milli þeirra sem rannsökuðu málið og ákæruvaldsins.

Vísaði lögmaðurinn til tengsla Valtýs og eiginkonu hans en auk þess benti hann á að settur saksóknari sem gaf út út ákæruna sé dóttir yfirmanns kynferðisbrotadeildar lögreglunnar á höfuðborgarsvæðinu.


Tengdar fréttir

Barnsmóðir ofbeldismannsins vildi vitna um kynóra hans

Barnsmóðir og fyrrum sambýliskona mannsins sem í gær var dæmdur í átta ára fangelsi fyrir gróft líkamlegt ofbeldi vildi vitna um kynóra mannsins en fékk ekki. Þau bjuggu saman á árunum 1991 til 1998 og eignuðust saman dóttur.

Tveir af ellefu karlmönnum höfðu stöðu sakborninga

Tveir af þeim 11 karlmönnum sem tóku þátt í kynlífsathöfnum með parinu sem kemur við sögu í kynferðisbrotamálinu sem dæmt var í í Héraðsdómi í gær höfðu stöðu sakborninga á rannsóknarstigi málsins hjá lögreglu, samkvæmt upplýsingum frá Huldu Elsu Björgvinsdóttur settum saksóknara.

Samfélagið þarf að senda kynferðisbrotamönnum ákveðin skilaboð

„Mér finnst jákvætt hvað dómurinn er þó langur. Það er kannski ekki að maður sé að gleðjast yfir þungri refsingu í fangelsi, mér finnst það svo kannski annað mál, en mér finnst mikilvægt að samfélagið gefi skilaboð til ofbeldismanna að svona sé ekki liðið," segir Thelma Ásdísardóttir Stígamótarkona um dóm yfir manni sem var dæmdur fyrir margvíslegt ofbeldi,

Ofbeldisfulli sambýlismaðurinn áfrýjar til Hæstaréttar

Karlmaðurinn sem var í dag dæmdur í átta ára fangelsi fyrir fjölmargar líkamsárásir og 15 alvarleg kynferðisbrot gagnvart fyrrverandi sambýliskonu sinni mun að öllum líkindum áfrýja dóminum til Hæstaréttar, að sögn Hilmars Ingimundarsonar lögmanns mannsins. Hann reiknar með að aðalkrafan verði að upphaflegu ákærunni verði vísað frá vegna vanhæfis ríkissaksóknara og sett saksóknara sem gaf út ákæruna í málinu.

Neyddi sambýliskonu sína til kynmaka með öðrum mönnum

Karlmaður var í dag dæmdur í 8 ára fangelsi fyrir fjölmargar líkamsárásir og 15 alvarleg kynferðisbrot gagnvart fyrrverandi sambýliskonu sinni. Meðal annars neyddi maðurinn konuna til samræðis og annarra kynferðismaka við 11 aðra karlmenn. Maðurinn var jafnframt dæmdur fyrir að hafa ráðist á föður sinn og hótað honum lífláti. Manninum er gert að greiða konunni 3,8 milljónir króna í miskabætur.

Hæstiréttur hefur ítrekað fjallað um mál ofbeldisfulla sambýlismannsins

Mál tengd manninum sem var dæmdur í átta ára fangelsi á þriðjudaginn hefur fjórum sinnum komið inn á borð Hæstaréttar eftir að sambýliskona mannsins kærði hann fyrir gróft ofbeldi í janúar 2008. Þrívegis klofnaði Hæstiréttur þegar rétturinn úrskurðaði tvisvar um nálgunarbann og hvort að barnsmóðir mannsins fengi að vitna í málinu fyrir Héraðsdómi Reykjavíkur.

Barnaníðskæra gegn hrotta látin niður falla

Hrottinn sem var dæmdur í átta ára fangelsi fyrir að ganga ítrekað í skrokk á konu sinni og láta ellefu menn hafa samræði við hana gegn hennar vilja var kærður fyrir að misnota dóttur sína. Í framburði fyrrum sambýliskonu hans, sem varð fyrir ofbeldinu, kom fram að hana hafi grunað að maðurinn hefði nauðgað eigin dóttur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×