Innlent

Segir Björn standa í vegi fyrir austurrísku leiðinni

Magnús Már Guðmundsson skrifar
Kolbrún Halldórsdóttir, þingmaður Vinstri grænna.
Kolbrún Halldórsdóttir, þingmaður Vinstri grænna.

Björn Bjarnason, dómsmálaráðherra, hefur komið í veg fyrir að austurríska leiðin verði tekin upp hér landi, að mati Kolbrúnar Halldórsdóttur, þingmanns Vinstri grænna. Úrræðið felur í sér að ofbeldismaður er fjarlægður af heimili sínu. Frá árinu 2003 hefur Kolbrún lagt árlega til á Alþingi að leiðin verði tekið upp hér á landi.

Undanfarna daga hefur verið um rætt um austurrísku leiðina sem úrræði til að vinna gegn heimilisofbeldi. Tilefnið er að fyrir helgi hafnaði Hæstiréttur beiðni lögreglunnar á höfuðborgarsvæðinu sem fór fram á að sex mánaða nálgunarbann manns yrði framlengt um þrjá mánuði. Maðurinn er grunaður um að hafa beitt sambýliskonu sína grófu líkamlegu og kynferðislegu ofbeldi,

Kolbrún segir að fleiri lönd hafi fylgt Austurríki í kjölfar þess að þar voru sett lög árið 1997 sem heimili lögreglu að fjarlægja ofbeldismann af heimili sínu og banna heimsóknir hans á heimilið í tíu daga til þrjá mánuði. Fjölmörg Evrópulönd hafa tekið upp þetta ákvæði, meðal annars öll hin norrænu ríkin. ,,Fram að þessu stóðu Austurríkismenn frammi fyrir stöðugri fjölgun kvennaathvarfa sem gerðu konur og börn í rauninni að flóttafólki í eigin landi."

,,Það kann að vera að íslensk stjórnvöld setji sig upp á móti þessari leið því þetta kann að kosta einhverja fjármuni. Aftur á móti mun úrræðið skila okkur um leið hamingjusamara samfélagi. Í þeim tilfellum vil ég ekki að við horfum í fjármunina," segir Kolbrún.

Kolbrún kveðst eiga von á því að málið fái stuðning í öðrum flokkum. ,,Ég vona að Björn Bjarnason verði ekki sá sem standi í vegi fyrir þessu en ef hann ætlar að gera það vona ég að fólk í hans flokki hafi vit fyrir honum. Hann hefur ekki lýst sig fylgjandi þessari leið og hefur hingað til staðið í vegi fyrir málinu."










Tengdar fréttir

Réttargæslumaður konunnar sammála lögreglu

Þórdís Bjarnadóttir, lögmaður, er sammála yfirmanni kynferðisbrotadeildar höfuðborgarlögreglunnar sem sagði í viðtali við Fréttablaðið að nálgunarbann eigi að vera undir lögreglu komið. Hæstiréttur hafnaði á dögunum kröfu lögreglu um að framlengja nálgunarbann gagnvart manni sem grunaður er um að hafa ítrekað beitt konu sína grófu ofbeldi og misnotað hana kynferðislega. Þórdís er réttargæslumaður konunnar.

Telur að ofbeldismaðurinn haldi áfram að beita ógnunum

,,Maðurinn braut nálgunarbannið þó hann hafi ekki ráðist á konuna. Hann hafði samband við hana sem honum var ekki heimilt. Ég sé engin rök fyrir því maðurinn muni ekki halda áfram að beita konuna ofbeldi."

Rannsókn á grófum ofbeldisbrotum nær út fyrir landsteinana

Rannsókn lögreglunnar á höfuðborgarsvæðinu á grófum brotum manns gegn sambýliskonu sinni teygir anga sína út fyrir landsteinana. Hæstiréttur staðfesti í gær úrskurð Héraðsdóms Reykjavíkur um að maðurinn, sem talinn er hafa beitt sambýliskonu sína grófu líkamlegu og kynferðislegu ofbeldi á rúmlega þriggja ára tímabil, skuli ekki sæta áfram nálgunarbanni.

Rík ástæða til að fara fram á nálgunarbann

Lögreglustjórinn á höfuðborgarsvæðinu segir að embættið hafi talið ríka ástæðu til að fara fram á áframhaldandi nálgunarbann manns sem ákærður hefur verið fyrir að beita sambýliskonu sína grófu líkamlegu og kynferðislegu ofbeldi.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið