LAUGARDAGUR 28. MAÍ NÝJAST 16:49

Markalaust í toppslag

SPORT

106 ára og miðpunktur umfjöllunar stærsta karlatímarits Bandaríkjanna

 
Lífið
21:12 10. JANÚAR 2016
Georg Breiðfjörð Ólafsson, elsti núlifandi Íslendingurinn, 106 ára gamall.
Georg Breiðfjörð Ólafsson, elsti núlifandi Íslendingurinn, 106 ára gamall. JÓHANNES KJARTANSSON

Hinn 106 ára gamli Georg Breiðfjörð Ólafsson er miðpunkturinn í leit bandaríska blaðamannsins Jim Thornton að svarinu við því af hverju íslenskir karlmenn lifa lengur en kynbræður sínur í nýjasta tölublaði stærsta karlablaði Bandaríkjanna, Men's Health.

Georg er elsti núlifandi Íslendingurinn, búsettur á Stykkishólmi og fékk fyrr í vetur heimsókn frá bandaríska blaðamanninum Thornton. Ljóst er að Thornton hefur mikið þótt til langlífi Georgs koma.

Sjá einnig: Myndaði fyrir stærsta karlatímarit Bandaríkjanna: „Algjört draumaverkefni“

„Ég hef ekki hugmynd um af hverju ég hef lifað svona lengi,“ sagði Georg við Thornton en flestar spurningar blaðamannsins til Georgs snerust um svipað stef, hvað ylli því að Georg hefði náð svo háum aldri.

Svo handsterkur að hann braut nærri hönd blaðamannsins
Mens' Health er mest selda karlatímaritið í Bandaríkjunum, gefið út í um tveimur milljónum eintaka. Í umfjöllun sinni fléttar Thornton svör Georgs við spurningum sínum í kringum viðtöl við sérfræðinga á borð við Kára Stefánsson og Ármann Jakobsson.

„Foreldrar mínir sögðu mér að þau hefðu oft liðið sult á sínum yngri árum en við bræðurnir lifðum ágæti lífi þegar við vorum litlir,“ útskýrir Georg eftir að hafa útskýrt uppistöðuna í fæðinu fyrstu áratugi lífs síns: Fiskur, lambakjöt og mjólkurvörur.




Forsíða nýjasta eintaks Men's Health. Georg er til ummfjöllunar í þessu eintaki.
Forsíða nýjasta eintaks Men's Health. Georg er til ummfjöllunar í þessu eintaki.

Georg ólst upp á sveit í Dalasýslu og starfaði sem skipasmiður og veltir Thornton upp þeirri spurningu hvort að þessi blanda af mataræði, erfiðisvinnu og hugarfari sé lykillinn að langlífi en Georg segir að hann hafi lært jákvæði af þeim í kringum sig.

„Allir í kringum mig hafa alltaf verið jákvæðir, þannig að ég smitaðist af því,“ en líkt og blaðamaður Men's Health kemur inn á hefur Georg þurft á þessari jákvæðni að halda enda búinn að lifa lengur en eiginkona sín og allir vinir.

„Auðvitað er það ekki gaman að flestir sem ég hef þekkt séu dánir,“ sagði Georg. „En svona er lífið og mitt mottó er bara það að taka því sem lífið færir mér.“

Ljóst er að Thornton þykir mikið til koma til Georgs og segir hann ekki líta út fyrir að vera deginum eldri en 90 ára. Þegar var kominn tími til að segja bless tók Georg svo fast í höndina á honum að hún brotnaði næstum því, svo kraftmikið var handtakið hans.


Deila
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir.

 

MEST LESIÐ

  • Nýjast á Vísi
  • Mest Lesið
  • Fréttir
  • Sport
  • Viðskipti
  • Lífið

TAROT DAGSINS

Dragðu spil og sjáðu hvaða spádóm það geymir.
Forsíða / Lífið / Lífið / 106 ára og miðpunktur umfjöllunar stærsta karlatímarits Bandaríkjanna
Fara efst