FÖSTUDAGUR 9. DESEMBER NÝJAST 15:28

Segja upp leigusamningi Hringrásar

FRÉTTIR

Varađur viđ húsleit hjá sér af lögreglufulltrúa

 
Innlent
07:00 15. FEBRÚAR 2016
Mađur sem taliđ er ađ tengist fíkniefnaheiminum hérlendis virđist hafa fengiđ viđvörun innan úr lögreglunni vegna yfirvofandi húsleitar.
Mađur sem taliđ er ađ tengist fíkniefnaheiminum hérlendis virđist hafa fengiđ viđvörun innan úr lögreglunni vegna yfirvofandi húsleitar. VISIR/GVA

Einn einstaklingur sem ekki starfar innan lögreglunnar hefur réttarstöðu grunaðs manns í rannsókn héraðssaksóknara á meintri spillingu innan fíkniefnadeildar lögreglunnar.

Upphaf rannsóknarinnar má rekja til lögreglufulltrúa sem var endurtekið færður til í starfi á liðnu ári eftir að kvartanir frá meirihluta fíkniefnadeildar bárust inn á borð ríkislögreglustjóra. Honum var svo vikið frá störfum í janúar þegar formleg rannsókn héraðssaksóknara á hendur honum hófst.

Lögreglufulltrúinn hefur í lengri tíma sætt ásökunum samstarfsmanna og almennings um óeðlileg samskipti við aðila í fíkniefnaheiminum, þar á meðal hinn grunaða. Fulltrúinn er grunaður um að hafa lekið upplýsingum um störf lögreglu og þannig spillt rannsóknum og aðstoðað aðila í undirheimunum.

Dæmi er um að yfirmenn lögreglu hafi fullyrt að rannsókn hafi farið fram á ásökunum á hendur lögreglufulltrúanum eins og lesa má nánar um hér.


Karl Steinar Valsson var yfirmađur fíkniefnadeildar á árunum 2007 til 2014. Hann fullyrti snemma árs 2012 ađ ásakanir á hendur lögreglufulltrúanum hefđu veriđ rannsakađar og ćttu ekki viđ rök ađ styđjast. Engin formleg rannsókn fór fram.
Karl Steinar Valsson var yfirmađur fíkniefnadeildar á árunum 2007 til 2014. Hann fullyrti snemma árs 2012 ađ ásakanir á hendur lögreglufulltrúanum hefđu veriđ rannsakađar og ćttu ekki viđ rök ađ styđjast. Engin formleg rannsókn fór fram. VÍSIR/ERNIR

Húsnæðið tæmt áður en aðgerð lögreglu hófst
Einstaklingurinn sem grunaður er um að hafa aðkomu að fíkniefnaheiminum mun, samkvæmt heimildum Fréttablaðsins, í yfirheyrslu hjá héraðssaksóknara hafa viðurkennt að lögreglufulltrúinn hafi að minnsta kosti einu sinni varað hann við því að lögreglan hygðist framkvæma húsleit í húsnæði sem hann hafði aðkomu að og grunur lék á að í væru fíkniefni.

Þannig tókst að tæma húsnæðið áður en aðgerð lögreglunnar hófst.
Óljóst er hvort peningar hafi skipt um hendur en einstaklingurinn mun hafa veitt lögreglufulltrúanum upplýsingar um umsvif annarra manna í fíkniefnaheiminum gegn þessum viðvörunum. 

Sjá einnig: Lögreglufulltrúinn stýrði tálbeituaðgerðinni

Samkvæmt heimildum Fréttablaðsins hefur hann verið tregur til að tjá sig frekar í yfirheyrslum lögreglunnar um samband sitt við lögreglufulltrúann, vegna stöðu sinnar sem sakborningur.


Ólafur Ţór Hauksson, nýskipađur hérađssaksóknari.
Ólafur Ţór Hauksson, nýskipađur hérađssaksóknari. VÍSIR/GVA

Í óeðlilegri stöðu
Lögreglufulltrúinn gegndi yfirmannsstöðu í upplýsingadeild og fíkniefnadeild á sama tíma. Um er að ræða fyrirkomulag sem þykir gagnrýnisvert. Þannig fór hann með upplýsingar sem uppljóstrarar komu með til lögreglu og hafði á sama tíma ákvörðunarvald um það hvaða aðilar og mál væru tekin til rannsóknar. Sömuleiðis hvaða mál væri ekki ástæða til að skoða frekar.

Ólafur Þór Hauksson héraðssaksóknari segir rannsókn málsins miða vel. Hann getur ekki tjáð sig um málið að öðru leyti.


Brotahópar í fíkniefnaheiminum geta haft mikinn hag af upplýsingum úr röđum lögreglu.
Brotahópar í fíkniefnaheiminum geta haft mikinn hag af upplýsingum úr röđum lögreglu. VÍSIR/GVA

Stór munur á sakborningi og vitni
Ólafur segir uppljóstraraákvæði, þar sem veita má aðila sem gæti komið með upplýsingar um saknæma háttsemi annarra sem erfitt væri að sanna að öðru leyti, ekki lengur við lýði. Slíkt ákvæði var til staðar í lögum um embætti sérstaks saksóknara sem féllu úr gildi um áramótin, en ákvæðið gilti aðeins um efnahagsbrotamál.

„Þetta er alltaf erfið spurning. Um leið og þú ert farinn að spyrja aðila spurninga sem fela í sér mögulegar upplýsingar um brot viðkomandi þá kikka inn ákveðin réttindi fyrir hann. Til dæmis ber að útvega sakborningi verjanda en ekki vitni. Þetta er réttindaspursmál fyrir þann sem verið er að tala við. Þetta er alltaf sjálfstætt athugunarefni þegar mál eru tekin upp,“ segir Ólafur.

Lögreglufulltrúinn er annar tveggja starfsmanna fíkniefnadeildar sem nýlega var vikið frá störfum. Hinn er rannsóknarlögreglumaður sem sætti gæsluvarðhaldi yfir áramótin vegna gruns um óeðlileg samskipti við aðila í fíkniefnaheiminum. Það mál er til rannsóknar hjá ríkissaksóknara. 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Varađur viđ húsleit hjá sér af lögreglufulltrúa
Fara efst