ŢRIĐJUDAGUR 27. SEPTEMBER NÝJAST 02:44

Sjáđu fyrstu kapprćđur Trump og Clinton í heild sinni

FRÉTTIR

Umfjöllun og viđtöl: FSu - Höttur 83-92 | Hattarmenn unnu lífsnauđsynlegan sigur

 
Körfubolti
21:45 18. FEBRÚAR 2016
Tobin Carberry er ţriđja stigahćsti leikmađur deildarinnar, međ 27,3 stig ađ međatali í leik.
Tobin Carberry er ţriđja stigahćsti leikmađur deildarinnar, međ 27,3 stig ađ međatali í leik. VÍSIR/ANTON
Kristinn Páll Teitsson í Iđu skrifar

Hattarmenn unnu lífsnauðsynlegan 92-83 sigur á FSu á Selfossi í kvöld en með sigrinum halda Hattarmenn í veika von um að bjarga sæti sínu í deild þeirra bestu fyrir næsta tímabil.

Gestirnir frá Egilsstöðum vissu að allt annað en sigur í kvöld eða ef ÍR tækist að sigra Njarðvík þýddi að nýliðarnir væru fallnir niður um deild.

Hattarmenn leiddu bróðurpart leiksins en FSu var aldrei langt undan. Tókst leikmönnum FSu að halda leiknum spennandi allan tímann en þeir áttu erfitt með að ná forskotinu af gestunum og þurftu að lokum að sætta sig við níu stiga tap.

Var um að ræða sannkallaðan botnslag en liðin tvö sem komu upp í Dominos-deildina þurftu nauðsynlega á öllum þeim stigum sem í boði voru í von um að halda sæti sínu í deild þeirra bestu.

Hattarmenn höfðu aðeins unnið einn leik í deildinni fyrir leik kvöldsins en FSu hafði tapað fimm leikjum í röð fyrir leikinn og fengið stóran skell í undanförnum tveimur leikjum.

Líkt og þegar liðin mættust á Egilsstöðum fyrr í vetur áttu leikmenn erfitt í sóknarleiknum framan af. Hattarmenn voru með undirtökin en FSu var aldrei langt undan.

Leiddu Hattarmenn 23-16 að fyrsta leikhluta loknum en leikmenn FSu mættu mun ákveðnari til leiks í öðrum leikhluta. Tókst þeim að jafna metin um miðbik hálfleiksins í stöðunni 27-27.

Hattarmenn voru sterkari aðilinn á næstu mínútum og náðu þriggja stiga forskoti fyrir lok fyrri hálfleiks, 39-36, en staðan var einmitt sú sama í hálfleik þegar liðin mættust fyrr í vetur.

FSu byrjaði þriðja leikhluta betur og komst yfir í fyrsta sinn í leiknum um miðbik leikhlutans en sú forysta lifði ekki lengi. Skömmu síðar tókst leikmönnun Hattar að jafna metin og fóru liðin jöfn inn í lokaleikhlutann.

Hattarmenn byrjuðu fjórða leikhluta mun betur og náðu sex stiga forskoti á upphafsmínútunum en því forskoti héldu þeir allt til loka leiksins.

FSu gerði nokkur áhlaup að forskoti Hattar en náðu aldrei að ógna forskotinu og tókst Hattarmönnum að sigla sigrinum heim á lokamínútum leiksins.

Fögnuðu leikmenn Hattar eðlilega af krafti þegar sigurinn var í höfn en þetta var aðeins annar sigur liðsins á tímabilinu.

Jafnframt þýddi sigurinn að liðið er ekki enn fallið en næsti leikur liðsins er sannkallaður fjögurra stiga leikur gegn ÍR á heimavelli.

FSu-Höttur 83-92 (16-23, 20-16, 29-26, 18-27)

FSu: Christopher Woods 22/12 fráköst, Bjarni Geir Gunnarsson 18/4 fráköst, Gunnar Ingi Harðarson 15/6 fráköst, Hlynur Hreinsson 11/7 stoðsendingar, Ari Gylfason 4, Svavar Ingi Stefánsson 3, Geir Elías Úlfur Helgason 3/4 fráköst, Þórarinn Friðriksson 3, Arnþór Tryggvason 2, Maciej Klimaszewski 2.

Höttur: Tobin Carberry 32/9 fráköst/6 stoðsendingar, Eysteinn Bjarni Ævarsson 20/9 fráköst/5 stoðsendingar, Hreinn Gunnar Birgisson 14, Mirko Stefán Virijevic 10/11 fráköst, Hallmar Hallsson 8/5 fráköst, Benedikt Þorvaldur Guðgeirsson Hjarðar 4, Ásmundur Hrafn Magnússon 4.
Hattarmenn unnu lífsnauðsynlegan 92-83 sigur á FSu á Selfossi í kvöld en með sigrinum halda Hattarmenn í veika von um að bjarga sæti sínu í deild þeirra bestu fyrir næsta tímabil.

Gestirnir frá Egilsstöðum vissu að allt annað en sigur í kvöld eða ef ÍR tækist að sigra Njarðvík þýddi að nýliðarnir væru fallnir niður um deild.

Hattarmenn leiddu bróðurpart leiksins en FSu var aldrei langt undan. Tókst leikmönnum FSu að halda þessu spennandi allan leikinn en þeir áttu erfitt með að ná forskotinu af gestunum og þurftu að sætta sig við níu stiga tap.

Var um að ræða sannkallaðan botnslag en liðin tvö sem komu upp í Dominos-deildina þurftu nauðsynlega á öllum þeim stigum sem í boði voru í von um að halda sæti sínu í deild þeirra bestu.

Hattarmenn höfðu aðeins unnið einn leik í deildinni fyrir leik kvöldsins en FSu hafði tapað fimm leikjum í röð fyrir leikinn og fengið stóran skell í undanförnum tveimur leikjum.

Líkt og þegar liðin mættust á Egilsstöðum fyrr í vetur áttu leikmenn erfitt í sóknarleiknum framan af. Hattarmenn voru með undirtökin en FSu var aldrei langt undan.

Leiddu Hattarmenn 23-16 að fyrsta leikhluta loknum en leikmenn FSu mættu mun ákveðnari til leiks í öðrum leikhluta. Tókst þeim að jafna metin um miðbik hálfleiksins í stöðunni 27-27.

Hattarmenn voru sterkari aðilinn á næstu mínútum og náðu þriggja stiga forskoti fyrir lok fyrri hálfleiks, 39-36, en staðan var einmitt sú sama í hálfleik þegar liðin mættust fyrr í vetur.

FSu byrjaði þriðja leikhluta betur og komst yfir í fyrsta sinn í leiknum um miðbik leikhlutans en sú forysta lifði ekki lengi. Skömmu síðar tókst leikmönnun Hattar að jafna metin og fóru liðin jöfn inn í lokaleikhlutann.

Hattarmenn byrjuðu fjórða leikhluta mun betur og náðu sex stiga forskoti á upphafsmínútunum en því forskoti héldu þeir allt til loka leiksins. FSu gerði nokkur áhlaup að forskoti Hattar en náðu aldrei að ógna forskotinu og tókst Hattarmönnum að sigla sigrinum heim á lokamínútum leiksins.

Fögnuðu leikmenn Hattar eðlilega af krafti þegar sigurinn var í höfn en þetta var aðeins annar sigur liðsins á tímabilinu. Jafnframt þýddi sigurinn að liðið er ekki enn fallið en næsti leikur liðsins er sannkallaður fjögurra stiga leikur gegn ÍR á heimavelli.


Viđar: Erum međ betra liđ en FSu í dag

„Þetta er hrikalega sætt, maður er búinn að sakna þess að vinna leiki og þetta er nokkuð góð tilfinning,“ sagði Viðar Örn Hafsteinsson, þjálfari Hattar, sáttur að leikslokum í kvöld.

„Við höfum verið að spila betur undanfarið og ég gerði einfaldlega kröfu til þess að strákarnir myndu sækja sigurinn hérna í kvöld.“

Viðar tók undir að bakið væri komið upp við vegg.

„Það var sæti í úrvalsdeildinni að ári undir og verður það sem eftir er. Við förum í alla leiki til þess að vinna þá og við höfum verið að gera betur og betur þótt frammistaðan í kvöld hafi kannski ekki verið okkar besta.“

Viðari var þó létt að vinna leikinn þrátt fyrir að vera ekki ánægður með allt í frammistöðu liðsins.

„Þessi frammistaða ef litið er framhjá stigatöflunni var kannski skref aftur á bak en ég tek þessu glaður. Ég væri frekar til í að horfa á lélega leiki og sigra en frábæra frammistöðu og tapleiki. Frekar spilum við illa í hverri viku og ég tek sigrunum brosandi,“ sagði Viðar og bætti við:

„Núna eru sigrarnir það eina sem skiptir máli. Við verðum dæmdir af því í lok deildarkeppninnar og við ætlum að reyna að hafa þá nógu marga þótt það verði erfitt.“

Viðar var ánægður með hvernig leikmenn liðsins náðu að halda forskotinu út fjórða leikhlutann.

„Við gerðum vel á lokakaflanum, þeir breyttu um vörn og okkur tókst vel að leysa það. Við höfðum séð þetta áður enda hafa þessi lið leikið oft á undanförnum árum.“

Þetta var aðeins annar sigur liðsins á tímabilinu en Viðar sagði sigurinn ekki vera óvæntann.

„Ég setti bara pressu á mína menn að vinna þetta. Þótt að við séum bara með einn sigurleik finnst mér við vera betri en FSu. Þeir sakna Chris Caird sem var einn af bestu leikmönnum liðsins þótt að aðrir leikmenn hafi stigið upp í kvöld.“

Næsti leikur liðsins er einfaldlega úrslitaleikur upp á vonir liðsins um að halda sætinu í deild þeirra bestu þegar ÍR kemur í heimsókn.

„ÍR kemur í heimsókn og það verður hörkuleikur sem við verðum að taka sigur í. Þetta verður fjörugur leikur og ég óska eftir því að allir Austfirðingar fjölmenni á leikinn og fylli kofann. Við munum ekki gefast upp fyrr en að tímabilinu loknu.“       


Erik: Erfitt ađ halda áfram ef ţú tapar öllum leikjum

„Það er alltaf erfitt að tapa leikjum en mér fannst lokatölurnar ekki gefa rétta mynd af leiknum. Nokkur skot til og frá og þetta hefði farið öðruvísi. Þetta var jafnt og spennandi í 40. mínútur,“ sagði Erik Olson, þjálfari FSu, svekktur að leikslokum.

„Strákarnir æfðu vel í vikunni en við vissum að þetta yrði erfiður leikur í kvöld. Rétt eins og við hafa þeir verið í mörgum spennandi leikjum og þurft að sætta sig við tapleiki. Það sást strax í upphituninni að þessi leikur skipti bæði liðin gríðarlegu máli.“

Erik sá margt svipað með liðunum í vetur.

„Þessi lið komu bæði upp um deild og við höfum þurft að berjast fyrir öllum stigunum sem eru á töflunni. Þeim tókst að hafa þetta í kvöld og það var í raun breidd leikmannahópsins sem skilaði þessum sigri. Aðrir leikmenn voru að stíga upp hjá þeim en vanalega,“ sagði Erik og hélt áfram:

„Þessir leikmenn hafa verið að hitta 20-30% skotanna sinna fyrir utan línunna en voru að hitta mun betur í kvöld og settu niður stór skot. Við vildum reyna að koma boltanum úr höndunum á erlenda leikmanninum þeirra og það tókst vel en aðrir leikmenn voru að hitta mjög vel.“

Erik hrósaði leikmönnum liðsins fyrir baráttuandann en liðið hefur misst lykilleikmenn í meiðsli undanfarnar vikur.

„Við höfum verið að reyna að spila betur eftir öll þessi meiðsli og við erum að tefla fram töluvert breyttu liði en ég get ekki sakast við vinnuframlag strákanna. Þeir gefa allt í alla leiki og æfingar eins og við séum að berjast um sæti í úrslitakeppninni.“

Erik sagði leikmenn liðsins ekki ætla að gefast upp en FSu er aðeins fjórum stigum á eftir ÍR þegar stutt er eftir af mótinu.

„Það er erfitt að halda áfram að berjast þegar þú tapar sífellt leikjum en við munum fara inn í alla leikina sem sama hugarfari og vonandi tekst okkur að næla í fleiri stig. “     



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / Umfjöllun og viđtöl: FSu - Höttur 83-92 | Hattarmenn unnu lífsnauđsynlegan sigur
Fara efst