LAUGARDAGUR 22. NËVEMBER NŢJAST 20:50

Messi slˇ markameti­ Ý sigri Barcelona

SPORT

Til sko­unar a­ taka Star Trek upp ß ═slandi

Innlent
14:00 01. MA═ 2012
Leikararnir Zachary Quinto og Chris Pine munu leika a­alhlutverkin, Dr. Spock og Kirk kaftein, lÝkt og Ý sÝ­ustu Star Trek-mynd.
Leikararnir Zachary Quinto og Chris Pine munu leika a­alhlutverkin, Dr. Spock og Kirk kaftein, lÝkt og Ý sÝ­ustu Star Trek-mynd.

Til greina kemur að taka upp atriði fyrir nýja Star Trek-mynd á Íslandi í sumar. Ef að líkum lætur mun íslenska framleiðslufyrirtækið Saga Film hafa umsjón með tökunum hérlendis. Þegar samband var haft við Saga Film vildi Kristinn Þórðarson framleiðandi ekki tjá sig um málið.

Um er að ræða tólftu kvikmyndina í Star Trek seríunni, framhald myndarinnar Star Trek. Sú naut gríðarlegra vinsælda um heim allan þegar hún var frumsýnd árið 2009 og þótti blása nýju lífi í seríuna sem hafði fram að því dvínað verulega í vinsældum. Af þeim sökum er framhaldsins beðið með mikilli eftirvæntingu en það verður frumsýnt á næsta ári.

Mikilli leynd hefur verið haldið yfir framleiðslu myndarinnar ytra. Þannig hefur til að mynda enn ekki verið greint frá titli hennar og söguþráðurinn er á huldu. Hins vegar er ljóst að helstu stjörnur þeirrar fyrri, svo sem Chris Pine, Zachary Quinto, Zoe Saldana, John Cho og Simon Pegg munu endurtaka hlutverk sín. Þá sest J.J. Abrahams aftur í leikstjórastólinn en hann er meðal annars þekktur fyrir stórmyndir á borð við Mission: Impossible III og Super 8.

Vegna þeirrar miklu leyndar sem hvílir yfir gerð myndarinnar er með öllu óljóst hversu umfangsmiklar tökurnar á Íslandi gætu orðið. Ekki er hægt að segja til um hversu stórt kvikmyndatökulið kæmi að utan eða hvort leikstjórinn og leikarar yrðu með í för.

Sá orðrómur hefur hins vegar komist á kreik að hin ímyndaða pláneta Vúlkan, sem persónan Spock kemur frá, verði áberandi í myndinni eftir að ljósmyndir frá tökum ytra láku á netið. Þær sýna Zachary Quinto, sem fer með hlutverk Spock, síga í kaðli niður í hrjóstugt landslag sem þykir minna á Vúlkan. Ef rétt reynist má velta fyrir sér hvort kvikmyndagerðarmennirnir sjái Ísland fyrir sér sem ákjósanlegan tökustað fyrir atriði sem eiga að gerast þar.

Þess má geta að verði tökurnar að veruleika yrði verkefnið fjórða Hollywood-verkefnið sem er tekið upp hér á árinu. Hin eru kvikmynd Bens Stiller, The Secret Life of Walter Mitty, Horizon sem skartar Tom Cruise í aðalhlutverki og Noah, mynd Darrens Aronofsky um örkina hans Nóa með Russel Crowe í burðarrullunni. Árið 2012 virðist því ætla að verða gjöfult hvað erlend kvikmyndaverkefni varðar.

roald@frettabladid.is


Deila
Athugi­. Allar athugasemdir eru ß ßbyrg­ ■eirra er ■Šr rita. VÝsir hvetur lesendur til a­ halda sig vi­ mßlefnalega umrŠ­u. Einnig ßskilur VÝsir sÚr rÚtt til a­ fjarlŠgja Šrumei­andi e­a ˇsŠmilegar athugasemdir.

 

MEST LESIđ

  • Nřjast ß VÝsi
  • Mest Lesi­
  • FrÚttir
  • Sport
  • Vi­skipti
  • LÝfi­
ForsÝ­a / FrÚttir / Innlent / Til sko­unar a­ taka Star Trek upp ß ═slandi
Fara efst