Strákarnir hans Mancini komnir aftur á toppinn

 
Fótbolti
19:08 06. JANÚAR 2016
Mauro Icardi var hetja Inter í kvöld.
Mauro Icardi var hetja Inter í kvöld. VÍSIR/GETTY

Internazionale Milan er komst í toppsæti ítölsku deildarinnar á ný eftir 1-0 útisigur á Empoli í kvöld.

Fiorentina og Juventus höfðu bæði komist upp fyrir Internazionale með sigrum í sínum leikjum fyrr í dag en Inter kláraði sitt.

Empoli var í áttunda sæti deildarinnar og árið byrjaði því á krefjandi verkefni og um leið mikilvægum sigri í baráttunni um ítalska meistaratitilinn.

Það var Argentínumaðurinn Mauro Icardi, fyrirliði Inter-liðsins, sem skoraði eina mark leiksins á lokamínútu fyrri hálfleiks.

Mauro Icardi skoraði markið eftir fyrirgjöf frá Ivan Perisic en þetta var áttunda deildarmark hans á tímabilinu.

Internazionale er með 39 stig eða einu meira en Fiorentina og þremur stigum meira en Juventus.

Lærisveinar Roberto Mancini í Internazionale héldu þarna hreinu í tólfta sinn í átján leikjum en liðið hefur aðeins fengið á sig 11 mörk í fyrstu átján umferðunum.


Mauro Icardi skorar hér sigurmarkiđ.
Mauro Icardi skorar hér sigurmarkiđ. VÍSIR/GETTY


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Strákarnir hans Mancini komnir aftur á toppinn
Fara efst