RÚV skilaði hagnaði fyrstu sex mánuði ársins Samúel Karl Ólason skrifar 26. ágúst 2015 21:18 Enn ríkir þó óvissa í fjármálum RÚV vegna yfirskuldsetningar. Vísir/Ernir Viðsnúningur hefur orðið á rekstri Ríkisútvarpsins ohf. frá fyrra ári samkvæmt árshlutauppgjöri félagsins. Fyrstu sex mánuði ársins skilaði félagið 17 milljón króna hagnaði. Rekstrarniðurstaða síðustu tíu mánaða tímabils er 36 milljónir króna, samanborið við 271 milljón króna ári áður. Reikningsár RÚV er nú frá 1. september til 31. ágúst eftir breytingu fyrr á árinu. Því nær árshlutauppgjörið til tímabilsins 1. september 2014 til 30. júní á þessu ári, eða tíu mánuði. Í tilkynningu frá Ríkisútvarpinu ohf. segir að hagræðingaraðgerðir hafi skilað sér og jafnvægi sé að komast á í rekstri félagsins. Enn ríkir þó óvissa í fjármálum RÚV vegna yfirskuldsetningar. Þessi viðsnúningur er sagður vera til kominn vegna hækkandi tekna og lækkandi rekstrarkostnaðar. „Þetta gerist þrátt fyrir að kostnaður við dreifikerfi hafi hækkað verulega en sá kostnaður byggist á samningi um stafræna dreifingu sem gerður var vorið 2013. Afskriftir rekstrarfjármuna lækka einnig milli ára en fjármagnskostnaður er enn hár vegna mikillar skuldsetningar. Kostnaður við sameiginlegan rekstur og yfirstjórn lækkar milli tímabila. Stöðugildum fækkar, þau voru að meðaltali 257 á tímabilinu en þeim hefur fækkað á undanförnum árum, voru 297 árið 2013 og 324 árið 2008.“Gamalt lán vegur þyngst Varðandi yfirskuldsetningu félagsins vegur þyngst gamalt lán vegna uppgjörs á lífeyrisskuldbindingum. RÚV hefur þó samið við Lífeyrissjóð starfsmanna ríkisins um tímabundinn frest á greiðslum af skuldabréfinu. Þar að auki hefur Landsbankinn veitt undanþágu frá lágmarkskröfu um eigið fé í lánaskilmálum. Eigið fé félagsins var komið undir lágmarkskröfuna í fyrra. „Lög um Ríkisútvarpið frá árinu 2013 tóku breytingum þannig að möguleikar félagsins á öflun auglýsingatekna voru takmarkaðir í upphafi árs 2014 og útvarpsgjald var lækkað í upphafi árs 2015. Til að bregðast við þessari stöðu hefur Ríkisútvarpið unnið að fjárhagslegri endurskipulagningu, ráðist í margvíslegar hagræðingaraðgerðir og unnið að sölu eigna til að lækka skuldir félagsins. Eins og áður segir sýnir árshlutauppgjörið að hagræðingin er þegar farin að bera árangur.“ Þar að auki hefur verið unnið að söluferli byggingarréttar á lóð Ríkisútvarpsins og væntir stjórn félagsins að það muni lækka skuldir þess umtalsvert.Vilja ekki frekari lækkun útvarpsgjalds „Á hinn bóginn hefur stjórn Ríkisútvarpins vakið athygli eigandans, ríkisins, á því að þrátt fyrir framangreindar aðgerðir hefur félagið ekki burði til þess að standa undir þeirri miklu skuldsetningu sem á félaginu hvílir án verulegra niðurskurðaraðgerða sem áhrif myndu hafa á alla þjónustu félagsins.“ Í tilkynningunni segir að ljóst sé að auglýsingatekjur Ríkisútvarpsins muni dragast saman að raungildi. Þar að auki muni kjarasamningar og verðbólga hækka rekstrarkostnað umtalsvert. Því hefur stjórn RÚV vakið athygli á að til þess að ekki þurfi að skera frekar niður á rekstri og þjónustu megi útvarpsgjald ekki lækka frekar. Mest lesið Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Mikill samdráttur á hagnaði Tesla Viðskipti erlent Sækjast eftir fangelsisdómi yfir rafmyntakóngi Viðskipti erlent Helmingur Íslendinga sáttur við falsanir og eftirlíkanir Neytendur „Enda hefði hún hreinlega ekki nennt að þræta við mig endalaust“ Atvinnulíf Allir með fjölnota innkaupapoka fá frítt í strætó á morgun Neytendur Töpuðu þremur milljörðum á fyrsta ársfjórðungi Viðskipti innlent Selma nýr formaður Kvenna í orkumálum Viðskipti innlent Reynslunni ríkari og opnar Wilson‘s Pizza á ný Viðskipti innlent Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira
Viðsnúningur hefur orðið á rekstri Ríkisútvarpsins ohf. frá fyrra ári samkvæmt árshlutauppgjöri félagsins. Fyrstu sex mánuði ársins skilaði félagið 17 milljón króna hagnaði. Rekstrarniðurstaða síðustu tíu mánaða tímabils er 36 milljónir króna, samanborið við 271 milljón króna ári áður. Reikningsár RÚV er nú frá 1. september til 31. ágúst eftir breytingu fyrr á árinu. Því nær árshlutauppgjörið til tímabilsins 1. september 2014 til 30. júní á þessu ári, eða tíu mánuði. Í tilkynningu frá Ríkisútvarpinu ohf. segir að hagræðingaraðgerðir hafi skilað sér og jafnvægi sé að komast á í rekstri félagsins. Enn ríkir þó óvissa í fjármálum RÚV vegna yfirskuldsetningar. Þessi viðsnúningur er sagður vera til kominn vegna hækkandi tekna og lækkandi rekstrarkostnaðar. „Þetta gerist þrátt fyrir að kostnaður við dreifikerfi hafi hækkað verulega en sá kostnaður byggist á samningi um stafræna dreifingu sem gerður var vorið 2013. Afskriftir rekstrarfjármuna lækka einnig milli ára en fjármagnskostnaður er enn hár vegna mikillar skuldsetningar. Kostnaður við sameiginlegan rekstur og yfirstjórn lækkar milli tímabila. Stöðugildum fækkar, þau voru að meðaltali 257 á tímabilinu en þeim hefur fækkað á undanförnum árum, voru 297 árið 2013 og 324 árið 2008.“Gamalt lán vegur þyngst Varðandi yfirskuldsetningu félagsins vegur þyngst gamalt lán vegna uppgjörs á lífeyrisskuldbindingum. RÚV hefur þó samið við Lífeyrissjóð starfsmanna ríkisins um tímabundinn frest á greiðslum af skuldabréfinu. Þar að auki hefur Landsbankinn veitt undanþágu frá lágmarkskröfu um eigið fé í lánaskilmálum. Eigið fé félagsins var komið undir lágmarkskröfuna í fyrra. „Lög um Ríkisútvarpið frá árinu 2013 tóku breytingum þannig að möguleikar félagsins á öflun auglýsingatekna voru takmarkaðir í upphafi árs 2014 og útvarpsgjald var lækkað í upphafi árs 2015. Til að bregðast við þessari stöðu hefur Ríkisútvarpið unnið að fjárhagslegri endurskipulagningu, ráðist í margvíslegar hagræðingaraðgerðir og unnið að sölu eigna til að lækka skuldir félagsins. Eins og áður segir sýnir árshlutauppgjörið að hagræðingin er þegar farin að bera árangur.“ Þar að auki hefur verið unnið að söluferli byggingarréttar á lóð Ríkisútvarpsins og væntir stjórn félagsins að það muni lækka skuldir þess umtalsvert.Vilja ekki frekari lækkun útvarpsgjalds „Á hinn bóginn hefur stjórn Ríkisútvarpins vakið athygli eigandans, ríkisins, á því að þrátt fyrir framangreindar aðgerðir hefur félagið ekki burði til þess að standa undir þeirri miklu skuldsetningu sem á félaginu hvílir án verulegra niðurskurðaraðgerða sem áhrif myndu hafa á alla þjónustu félagsins.“ Í tilkynningunni segir að ljóst sé að auglýsingatekjur Ríkisútvarpsins muni dragast saman að raungildi. Þar að auki muni kjarasamningar og verðbólga hækka rekstrarkostnað umtalsvert. Því hefur stjórn RÚV vakið athygli á að til þess að ekki þurfi að skera frekar niður á rekstri og þjónustu megi útvarpsgjald ekki lækka frekar.
Mest lesið Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Mikill samdráttur á hagnaði Tesla Viðskipti erlent Sækjast eftir fangelsisdómi yfir rafmyntakóngi Viðskipti erlent Helmingur Íslendinga sáttur við falsanir og eftirlíkanir Neytendur „Enda hefði hún hreinlega ekki nennt að þræta við mig endalaust“ Atvinnulíf Allir með fjölnota innkaupapoka fá frítt í strætó á morgun Neytendur Töpuðu þremur milljörðum á fyrsta ársfjórðungi Viðskipti innlent Selma nýr formaður Kvenna í orkumálum Viðskipti innlent Reynslunni ríkari og opnar Wilson‘s Pizza á ný Viðskipti innlent Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira