Ný könnun fréttastofu 365: Meirihlutinn héldi velli í Reykjavík Sveinn Arnarsson skrifar 19. desember 2016 06:00 Björn Blöndal, Halldór Auðar Svansson, Dagur B. Eggertsson og Sóley Tómasdóttir daginn eftir kosningarnar 2014. Vísir/Vilhelm Könnun fréttastofu 365 á fylgi flokkanna í borginni gefur til kynna að staða meirihlutans sé sterk. Meirihlutinn fengi fjórtán borgarfulltrúa gegn níu minnihlutans. Framsóknarflokkurinn rétt nær inn manni í borgarstjórn sem fjölgar um átta á næsta kjörtímabili.Reykjavík Framsóknarflokkur og Samfylking tapa bæði miklu fylgi í Reykjavík miðað við skoðanakönnun fréttastofu 365 á fylgi flokkanna til borgarstjórnar Reykjavíkur. Sjálfstæðisflokkurinn er sem fyrr stærsti flokkurinn í borginni. Samfylkingin tapar nærri helmingi fylgis síns miðað við síðustu sveitarstjórnarkosningar og mælist með rúmlega 17 prósenta fylgi. Núverandi borgarstjórnarmeirihluti heldur hins vegar velli yrði niðurstaða könnunarinnar úrslit næstu kosninga. „Ég er ánægður að við séum að bæta við okkur fylgi,“ segir Halldór Halldórsson, oddviti Sjálfstæðisflokksins, sem mælist með um 32 prósenta fylgi en flokkurinn fékk 25,7 prósent í síðustu sveitarstjórnarkosningum. „En við verðum að gera betur og skila því til borgarbúa hvernig við viljum gera hlutina öðruvísi. Það er áherslumunur á okkur og þeim sem nú eru í meirihluta.“ Samfylkingin fékk 31,9 prósenta fylgi í síðustu kosningum en mælist nú með rúmlega helminginn af kjörfylgi sínu eða 17,1 prósent. Dagur B. Eggertsson samgleðst félögum sínum í meirihlutanum en vill gera betur sjálfur. „Þetta er sterk skoðanakönnun fyrir meirihlutann. Mig grunar að staðan í landsmálum spili eitthvað þarna inn í. Þetta er áhugaverð mæling á þessum tímapunkti,“ segir Dagur.Píratar, Björt Framtíð og Vinstri græn eru síðan á svipuðum slóðum og ekki marktækur munur á fylgi þeirra. Líf Magneudóttir, oddviti Vinstri grænna, segir könnunina ánægjulega. „Að vísu er aðeins um könnun að ræða og langt í næstu kosningar en ég held að fólk kunni að meta áherslur VG bæði í borginni og á landsvísu. Það er einnig ánægjulegt að sjá að meirihlutinn heldur velli.“Grétar Þór Eyþórsson, prófessor í stjórnmálafræði við Háskólann á Akureyri, segir könnunina gefa vísbendingar um að fylgið í alþingiskosningum smiti niðurstöður í borginni „Þetta er í átt við þær meginlínur sem við sáum í þingkosningum í október. Sjálfstæðisflokkur bætir við sig og Samfylkingin tapar miklu fylgi,“ segir Grétar Þór. „Samfylkingin var með um fimm prósent í Reykjavíkurkjördæmunum í alþingiskosningum en mælist mun sterkari á sveitarstjórnarstiginu. Það gæti bent til ákveðins styrkleika Dags borgarstjóra.“ Borgarfulltrúum mun fjölga um 8 á næsta kjörtímabili, úr 15 í 23. Verði niðurstaða könnunarinnar úrslit kosninganna myndi Sjálfstæðisflokkurinn fá átta borgarfulltrúa, Samfylking og VG fjóra hvor flokkur, Píratar og Björt framtíð fengju hvor tveggja þrjá borgarfulltrúa og Framsóknarflokkurinn rétt nær inn manni í borgarstjórn.Könnun fréttastofu 365 var gerð dagana 12.-14. desember og hringt í 1.016 einstaklinga. Spurt var: Hvaða lista myndir þú kjósa ef gengið yrði til borgarstjórnarkosninga í Reykjavík í dag? Svör fengust frá 617 einstaklingum. 59,4 prósent afspurða tóku afstöðu til spurningarinnar. Mest lesið Telur sig hafa orðið vitni að aðdraganda drápsins Innlent Óvænt ávarp forsætisráðherra: „Við munum verja lýðveldið Ísland“ Innlent Fangaverðir á sjúkrahús eftir hópárás fanga Innlent Trump hrósaði forsetanum fyrir færni í eigin móðurmáli Erlent „Þjóðin þarf að fá að vita hvernig þau hafa hagað sér á bak við tjöldin“ Innlent Sauð upp úr þegar Bryndís sagði Hildi fylgja vinnureglum Innlent „Það er orrustan um Ísland“ Innlent „Alvarleg yfirlýsing frá formanni flokks“ Innlent Þykir leitt að hafa valdið uppnámi Innlent Kemur kjarnorkuvetur á eftir kjarnorkuákvæðinu? Innlent Fleiri fréttir Vara við slysahættu vegna kaldavatnsleysis Vilja herða reglur um frágang rafhlaupahjóla í Reykjavík Segir valkyrjur rangnefni og vill kalla þær skjaldmeyjar Samtal við stjórnarandstöðuna fullreynt Kemur kjarnorkuvetur á eftir kjarnorkuákvæðinu? „Forsætisráðherra veit ekkert hvernig þetta hefur verið!“ „Enginn vafi á að fyrirkomulag Bílastæðasjóðs er löglegt“ Nóróveira líkleg orsök hópsýkingar á Laugarvatni „Það er orrustan um Ísland“ „Alvarleg yfirlýsing frá formanni flokks“ „Þjóðin þarf að fá að vita hvernig þau hafa hagað sér á bak við tjöldin“ Þykir leitt að hafa valdið uppnámi Ávarp forsætisráðherra og kjarnorkukafbátur við Grundartanga Minnihlutinn hafi lagt fram eigið veiðigjaldamál: „Þetta er skrumskæling á lýðræðinu“ Spyr hvort draga eigi valdhafa undir húsvegg og skjóta Fangaverðir á sjúkrahús eftir hópárás fanga Sauð upp úr þegar Bryndís sagði Hildi fylgja vinnureglum Óvænt ávarp forsætisráðherra: „Við munum verja lýðveldið Ísland“ Jökulhlaup úr Mýrdalsjökli í Leirá Syðri og Skálm enn í gangi Telur sig hafa orðið vitni að aðdraganda drápsins Borgarbúar frekar hlynntir kílómetragjaldi en landsbyggðin Aðilar „einfaldlega ekki tilbúnir að teygja sig nógu langt“ Tveir menn fjárkúguðu ungan dreng Fundu jöklafýlu í Þórsmörk vegna hlaupsins Metnaðarfullar malbikunarauglýsingar hluti af væb-kúltúrnum Mátti ekki lána sér pening úr eigin fyrirtæki Pilturinn er fundinn „Skýr vísbending um að gera þurfi betur í málefnum erlendra barna“ Sjúklingar óttist dómhörku vegna þyngdarstjórnunarlyfja „Það er engin ástæða til að gefast upp“ Sjá meira
Könnun fréttastofu 365 á fylgi flokkanna í borginni gefur til kynna að staða meirihlutans sé sterk. Meirihlutinn fengi fjórtán borgarfulltrúa gegn níu minnihlutans. Framsóknarflokkurinn rétt nær inn manni í borgarstjórn sem fjölgar um átta á næsta kjörtímabili.Reykjavík Framsóknarflokkur og Samfylking tapa bæði miklu fylgi í Reykjavík miðað við skoðanakönnun fréttastofu 365 á fylgi flokkanna til borgarstjórnar Reykjavíkur. Sjálfstæðisflokkurinn er sem fyrr stærsti flokkurinn í borginni. Samfylkingin tapar nærri helmingi fylgis síns miðað við síðustu sveitarstjórnarkosningar og mælist með rúmlega 17 prósenta fylgi. Núverandi borgarstjórnarmeirihluti heldur hins vegar velli yrði niðurstaða könnunarinnar úrslit næstu kosninga. „Ég er ánægður að við séum að bæta við okkur fylgi,“ segir Halldór Halldórsson, oddviti Sjálfstæðisflokksins, sem mælist með um 32 prósenta fylgi en flokkurinn fékk 25,7 prósent í síðustu sveitarstjórnarkosningum. „En við verðum að gera betur og skila því til borgarbúa hvernig við viljum gera hlutina öðruvísi. Það er áherslumunur á okkur og þeim sem nú eru í meirihluta.“ Samfylkingin fékk 31,9 prósenta fylgi í síðustu kosningum en mælist nú með rúmlega helminginn af kjörfylgi sínu eða 17,1 prósent. Dagur B. Eggertsson samgleðst félögum sínum í meirihlutanum en vill gera betur sjálfur. „Þetta er sterk skoðanakönnun fyrir meirihlutann. Mig grunar að staðan í landsmálum spili eitthvað þarna inn í. Þetta er áhugaverð mæling á þessum tímapunkti,“ segir Dagur.Píratar, Björt Framtíð og Vinstri græn eru síðan á svipuðum slóðum og ekki marktækur munur á fylgi þeirra. Líf Magneudóttir, oddviti Vinstri grænna, segir könnunina ánægjulega. „Að vísu er aðeins um könnun að ræða og langt í næstu kosningar en ég held að fólk kunni að meta áherslur VG bæði í borginni og á landsvísu. Það er einnig ánægjulegt að sjá að meirihlutinn heldur velli.“Grétar Þór Eyþórsson, prófessor í stjórnmálafræði við Háskólann á Akureyri, segir könnunina gefa vísbendingar um að fylgið í alþingiskosningum smiti niðurstöður í borginni „Þetta er í átt við þær meginlínur sem við sáum í þingkosningum í október. Sjálfstæðisflokkur bætir við sig og Samfylkingin tapar miklu fylgi,“ segir Grétar Þór. „Samfylkingin var með um fimm prósent í Reykjavíkurkjördæmunum í alþingiskosningum en mælist mun sterkari á sveitarstjórnarstiginu. Það gæti bent til ákveðins styrkleika Dags borgarstjóra.“ Borgarfulltrúum mun fjölga um 8 á næsta kjörtímabili, úr 15 í 23. Verði niðurstaða könnunarinnar úrslit kosninganna myndi Sjálfstæðisflokkurinn fá átta borgarfulltrúa, Samfylking og VG fjóra hvor flokkur, Píratar og Björt framtíð fengju hvor tveggja þrjá borgarfulltrúa og Framsóknarflokkurinn rétt nær inn manni í borgarstjórn.Könnun fréttastofu 365 var gerð dagana 12.-14. desember og hringt í 1.016 einstaklinga. Spurt var: Hvaða lista myndir þú kjósa ef gengið yrði til borgarstjórnarkosninga í Reykjavík í dag? Svör fengust frá 617 einstaklingum. 59,4 prósent afspurða tóku afstöðu til spurningarinnar.
Mest lesið Telur sig hafa orðið vitni að aðdraganda drápsins Innlent Óvænt ávarp forsætisráðherra: „Við munum verja lýðveldið Ísland“ Innlent Fangaverðir á sjúkrahús eftir hópárás fanga Innlent Trump hrósaði forsetanum fyrir færni í eigin móðurmáli Erlent „Þjóðin þarf að fá að vita hvernig þau hafa hagað sér á bak við tjöldin“ Innlent Sauð upp úr þegar Bryndís sagði Hildi fylgja vinnureglum Innlent „Það er orrustan um Ísland“ Innlent „Alvarleg yfirlýsing frá formanni flokks“ Innlent Þykir leitt að hafa valdið uppnámi Innlent Kemur kjarnorkuvetur á eftir kjarnorkuákvæðinu? Innlent Fleiri fréttir Vara við slysahættu vegna kaldavatnsleysis Vilja herða reglur um frágang rafhlaupahjóla í Reykjavík Segir valkyrjur rangnefni og vill kalla þær skjaldmeyjar Samtal við stjórnarandstöðuna fullreynt Kemur kjarnorkuvetur á eftir kjarnorkuákvæðinu? „Forsætisráðherra veit ekkert hvernig þetta hefur verið!“ „Enginn vafi á að fyrirkomulag Bílastæðasjóðs er löglegt“ Nóróveira líkleg orsök hópsýkingar á Laugarvatni „Það er orrustan um Ísland“ „Alvarleg yfirlýsing frá formanni flokks“ „Þjóðin þarf að fá að vita hvernig þau hafa hagað sér á bak við tjöldin“ Þykir leitt að hafa valdið uppnámi Ávarp forsætisráðherra og kjarnorkukafbátur við Grundartanga Minnihlutinn hafi lagt fram eigið veiðigjaldamál: „Þetta er skrumskæling á lýðræðinu“ Spyr hvort draga eigi valdhafa undir húsvegg og skjóta Fangaverðir á sjúkrahús eftir hópárás fanga Sauð upp úr þegar Bryndís sagði Hildi fylgja vinnureglum Óvænt ávarp forsætisráðherra: „Við munum verja lýðveldið Ísland“ Jökulhlaup úr Mýrdalsjökli í Leirá Syðri og Skálm enn í gangi Telur sig hafa orðið vitni að aðdraganda drápsins Borgarbúar frekar hlynntir kílómetragjaldi en landsbyggðin Aðilar „einfaldlega ekki tilbúnir að teygja sig nógu langt“ Tveir menn fjárkúguðu ungan dreng Fundu jöklafýlu í Þórsmörk vegna hlaupsins Metnaðarfullar malbikunarauglýsingar hluti af væb-kúltúrnum Mátti ekki lána sér pening úr eigin fyrirtæki Pilturinn er fundinn „Skýr vísbending um að gera þurfi betur í málefnum erlendra barna“ Sjúklingar óttist dómhörku vegna þyngdarstjórnunarlyfja „Það er engin ástæða til að gefast upp“ Sjá meira