MIĐVIKUDAGUR 7. DESEMBER NÝJAST 12:30

Flugvél međ á fimmta tug innanborđs hrapađi í Pakistan

FRÉTTIR

Myndskeiđ frá Jökulsárlóni: „Tifandi tímasprengja“

 
Innlent
22:00 18. FEBRÚAR 2016
Allt niđur í 9 ára gömul börn voru á ísnum í fylgd foreldra sinna.
Allt niđur í 9 ára gömul börn voru á ísnum í fylgd foreldra sinna. MYND/INGÓLFUR BRUUN

„Þetta er bara tifandi tímasprengja og við þurfum að átta okkur á breyttum veruleika,“ segir leiðsögumaðurinn Ingólfur Bruun sem varð vitni að því þegar tugir ferðamanna hættu sér út á ísjaka í Jökulsárlóni í dag.

Ingólfur tók meðfylgjandi myndir og myndskeið sem sýna hversu langt ferðamennirnir voru komnir út á ísilagt lónið. Reyndi Ingólfur að kalla til þeirra en ferðamennirnir voru komnir svo langt út að það reyndist ekki hægt að ná til þeirra.

„Þau voru 200-300 metra frá landi. Þarna eru tveir stórir flekar og á milli þeirra, svona 150 metra frá landi er ísinn brotinn. Þar var fólkið, svona 30-40 manns, að tipla yfir,“ segir Ingólfur.

Líkt og kom fram á Vísi fyrr í dag vakti selahópur forvitni ferðamannanna sem komu sér í land þegar þeim var bent á hættuna sem því fylgdi að ganga á ísilögðu lóninu.

Sjá einnig: Ferðamennirnir ætluðu að skoða selaþyrpingu í bongóblíðu

Ekki hefði þurft að spyrja að leikslokum ef einhver hefði fallið í lónið eða í gegnum ísinn svo langt frá landi en á meðfylgjandi myndskeiði má sjá hvernig ferðamennirnir tipla á ísjökum til þess að komast í land.

Ingólfur er leiðsögumaður og tíður gestur á Jökulsárlóni og segir það ljóst að gríðarleg sprenging hafi orðið í ferðamannastraumi til landsins.

„Fyrir þremur árum voru kannski að koma sjö eða átta manns þarna á dag á þessum árstíma. Nú eru þarna mörg hundruð manns á hverjum degi.“ 


Myndskeiðið hér að neðan sýnir hversu langt hópurinn var kominn út á lónið


Myndskeiðið hér að neðan sýnir hvernig tipla þurfti á ísjökum til þess að komast í land.


Meðfylgjandi myndir tók Ingólfur Bruun.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Myndskeiđ frá Jökulsárlóni: „Tifandi tímasprengja“
Fara efst