Munntóbak vænlegra en nikótíntyggjó til að hætta reykingum

Það er vænlegra til árangurs að nota munntóbak til að hætta að reykja en nikótín tyggigúmmí eða aðrar nikótínvörur, samkvæmt nýrri norskri rannsókn.

Karl Erik Lund leiddi rannsókn á þessum þáttum við Statens Institutt for Rusmiddelfoskning sem á íslensku gæti kallast því þjála nafni Vímugjafarannsóknarstofa ríkisins.

Samkvæmt þessari rannsókn eru 2,5 sinnum meiri líkur á að fólki takist að hætta að reykja ef það notar munntóbak en ef það notar nikótíntyggjó.

Samkvæmt sænskri rannsókn er munntóbak mun minna skaðlegt en sígarettur.