FÖSTUDAGUR 1. JÚLÍ NÝJAST 16:30

Gott fyrir sjálfstraustiđ ađ pakka Sterling saman

SPORT

Margir eiga eftir ađ ákveđa sig

 
Innlent
07:00 10. MARS 2016
Katrín Jakobsdóttir hefur yfirburđastuđning í embćtti forseta Íslands. Séra Vigfús Bjarni Albertsson og Ólafur Ragnar Grímsson hafa einnig forskot á ađra. Afar stór hluti svarenda vill ekki taka afstöđu.
Katrín Jakobsdóttir hefur yfirburđastuđning í embćtti forseta Íslands. Séra Vigfús Bjarni Albertsson og Ólafur Ragnar Grímsson hafa einnig forskot á ađra. Afar stór hluti svarenda vill ekki taka afstöđu.

„Ég mun ekki bjóða mig fram til embættis forseta Íslands að þessu sinni. Ég vona að kosningabarátta þeirra einstaklinga sem gefa kost á sér í þetta embætti verði málefnaleg og innihaldsrík og í þetta embætti veljist góður þjónn þjóðarinnar sem beiti sér fyrir mannréttindum og lýðræðisumbótum, vernd náttúru og umhverfis og stöðu íslenskrar tungu,“ sagði Katrín Jakobsdóttir, formaður VG, á fésbókarsíðu sinni í gærkvöldi.

Ný skoðanakönnun Fréttablaðsins Stöðvar 2 og Vísis bendir engu að síður til þess að Katrín njóti langmests stuðnings allra til þess að gegna embættinu. Fjórðungur, eða 25 prósent, þeirra sem afstöðu tekur vill að Katrín verði næsti forseti Íslands. Spurt var út í afstöðu til níu manna sem ýmist hafa verið orðaðir við forsetaembættið eða hafa gefið kost á sér í það. Tólf prósent vilja Vigfús Bjarna Albertsson sem næsta forseta og ellefu prósent myndu vilja sjá Ólaf Ragnar Grímsson áfram í embætti. „Ég er afskaplega glaður með það og þakklátur,“ segir Vigfús Bjarni við Fréttablaðið.

Lista yfir aðra en fyrrnefnda sem fengu atkvæði má sjá neðst í fréttinni.


Vigfús Bjarni segir mikinn stuðning við þau Katrínu og Ólaf Ragnar ekki koma sér á óvart. „Katrín Jakobsdóttir hefur verið farsæll stjórnmálamaður og vinsæl meðal þjóðarinnar og hefur fengið skýr skilaboð um fylgi sitt. Greinilegt er að fólk saknar líka Ólafs Ragnars,“ segir Vigfús Bjarni.

Fimm prósent nefna Andra Snæ Magnússon, 4 prósent Davíð Oddsson, þrjú prósent nefna Þorgerði Katrínu Gunnarsdóttur og 2 prósent nefna Össur Skarphéðinsson og Ólaf Jóhann Ólafsson. Eitt prósent nefnir svo Höllu Tómasdóttur. Athygli vekur svo að 37 prósent nefndu einhvern annan en þá níu sem nefndir voru í könnuninni.


Margir eiga eftir ađ ákveđa sig

Þegar framkvæmd könnunarinnar var rétt liðlega hálfnuð tilkynnti Katrín að hún myndi ekki gefa kost á sér í embætti forseta. Afstaða fólks til spurningarinnar virðist þó lítið hafa breyst eftir að hún gaf út yfirlýsinguna.

Könnunin var gerð þannig að hringt var í 1.082 manns þar til náðist í 794 dagana 8. og 9. mars. Svarhlutfallið var því 73,4 prósent. Það er vert að taka fram að svarhlutfall í könnuninni er mjög lágt. Alls tóku 39 prósent sem spurðir voru afstöðu til spurningarinnar. Því er greinilegt að fólk er hvergi nærri búið að mynda sér skoðun á málinu. Spurt var: Hvern viltu sjá sem næsta forseta Íslands?

Til viðbótar við þá sem eru í listanum hér að ofan voru þessir nefndir:

  • Ari Trausti Guðmundsson
  • Ari Jósepsson
  • Baldur Þórhallsson
  • Bogi Jónsson
  • Einar K. Guðfinsson
  • Guðlaugur Þór Þórðarson
  • Guðni Ágústsson
  • Guðni Bergsson
  • Hjálmar Jónsson
  • Kristinn Sigmundsson
  • Kristín Ingólfsdóttir
  • Lilja Mósedóttir
  • Linda Pétursdóttir
  • Ólafur Darri Ólafsson
  • Ómar Ragnarsson
  • Óttar Proppé
  • Ragna Árnadóttir
  • Smári McCarthy
  • Vigdís Finnbogadóttir
  • Vilhjálmur Árnason
  • Þórarinn Eldjárn


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Margir eiga eftir ađ ákveđa sig
Fara efst