MÁNUDAGUR 30. MAÍ NÝJAST 19:00

Í beinni: Eldhúsdagsumrćđur á Alţingi

FRÉTTIR

Lögreglumađurinn ekki fengiđ ađ svara fyrir alvarlegu ásakanirnar

 
Innlent
14:22 06. JANÚAR 2016
Gćsluvarđhald yfir manninum rennur út á föstudaginn, 8. janúar, en ţá mun hann hafa veriđ í einangrun í tíu daga.
Gćsluvarđhald yfir manninum rennur út á föstudaginn, 8. janúar, en ţá mun hann hafa veriđ í einangrun í tíu daga. VÍSIR/GVA

Fíkniefnalögreglumaðurinn sem situr í einangrun á Litla-Hrauni grunaður um alvarleg brot í starfi hefur ekki fengið að svara fyrir þær ásakanir sem bornar eru á hendur honum. Þetta segir Ómar Örn Bjarnþórsson, lögmaður mannsins, við Vísi en lögreglumaðurinn hefur sætt gæsluvarðhaldi frá því 29. desember. 

Gæsluvarðhald yfir manninum rennur út á föstudaginn, 8. janúar, en þá mun hann hafa verið í einangrun í tíu daga. Afar fátítt er að lögreglumenn eru úrskurðaðir í gæsluvarðhald og mun það ekki hafa gerst í fleiri áratugi.

Ríkissaksóknari fer með rannsókn málsins og nýtur liðsinnis lögreglu, þó ekki starfsmanna lögreglunnar á höfuðborgarsvæðinu þar sem lögreglumaðurinn starfar.


Lögreglumađurinn hefur veriđ í einangrun á Litla-Hrauni frá ţví 29. desember og verđur til föstudags.
Lögreglumađurinn hefur veriđ í einangrun á Litla-Hrauni frá ţví 29. desember og verđur til föstudags. VÍSIR/E.ÓL.

Tvær skýrslur teknar af manninum
Ómar Örn upplýsir ekki hvað umbjóðanda hans sé gefið að sök í málinu. Hann segir skjólstæðing sinn ekki fengið að svara fyrir sakarefnið þrátt fyrir ítrekaðar beiðnir þess efnis.

„Ég hef óskað eftir því að sakarefnið verði borið undir hann svo að það sé hægt að leysa þetta mál,“ segir Ómar. 

Frumskýrsla hafi verið tekin af lögreglumanninum daginn sem hann fór í gæsluvarðhald og svo hafi verið önnur skýrslutaka á laugardaginn.


Ómar Örn Bjarnţórsson hefur óskađ eftir gögnum frá lögreglu en ekki fengiđ.
Ómar Örn Bjarnţórsson hefur óskađ eftir gögnum frá lögreglu en ekki fengiđ.

Fær ekki gögn hjá lögreglu
Ómar Örn fær ekki gögn málsins afhent frá lögreglu og hefur af þeim sökum kallað eftir þeim hjá Héraðsdómi Reykjavíkur. Telja má ólíklegt að gögnin fáist afhent enda verst lögregla allra frétta af málinu. 

Það birtist bæði í þeirri staðreynd að hvorki ríkissaksóknari né yfirmenn lögreglu hafa tjáð sig um málið og ekki síður í þeirri staðreynd að gæsluvarðhaldsúrskurðurinn yfir manninum hefur ekki verið birtur á heimasíðu Hæstaréttar. Allajafna eru gæsluvarðhaldsúrskurðir birtir á heimasíðu Hæstaréttar en þó er undantekning gerð á því ef sýnt þykir fram á að það geti spillt rannsókn málsins.

Um er að ræða reynslumikinn lögreglumann úr fíkniefnadeildinni og kom það samstarfsmönnum hans innan lögreglu, núverandi og fyrrverandi, í opna skjöldu þegar tíðindi bárust af varðhaldi yfir honum í fjölmiðlum í gær. Hann er á fimmtugsaldri og er lýst sem heiðarlegum og faglegum í starfi.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Lögreglumađurinn ekki fengiđ ađ svara fyrir alvarlegu ásakanirnar
Fara efst