Lögreglan leitar að vitnum vegna eiturmálsins

Lögreglan á höfuðborgarsvæðinu óskar eftir vitnum sem voru stödd í heimahúsi í Hlíðunum þar sem karlmaður innbyrti stíflueyði.

Grunur leikur á að eitrinu hafi verið neytt ofan í hann en lögreglan hefur ekki staðfesta það.

Í yfirlýsingu sem lögreglan gaf frá sér í dag kemur fram að málsatvik séu ekki að fullu ljós. Þess vegna óska þeir eftir því að veislugestir hafi samband við lögregluna í síma 444-1000.

Atvikið átti sér stað aðfaranótt laugardags. Maðurinn komst af sjálfsdáðum heim til sín úr veislunni en þaðan var fluttur á spítala. Hann er verulega illa haldinn og er haldið sofandi í öndunarvél á gjörgæslu Landspítalans.

Tveir menn hafa verið handteknir vegna málsins. Ekki var búið að ákveða hvort krafist yrði gæsluvarðhalds yfir mönnunum þegar rætt var við lögregluna um hádegisbilið.