SUNNUDAGUR 11. DESEMBER NÝJAST 09:35

Jennifer Lawrence biđst afsökunar á rassakláđamálinu

LÍFIĐ

Lögreglan hefur 26 sinnum haldlagt peninga útlendinga

 
Innlent
07:00 08. FEBRÚAR 2016
Lögregluţjónar á Keflavíkurflugvelli.
Lögregluţjónar á Keflavíkurflugvelli. FRÉTTABLAĐIĐ/STEFÁN

Embætti ríkislögreglustjóra hefur 26 sinnum á árunum 2005 til 2014 beitt heimild í útlendingalögum til að leggja hald á fjármuni eða flugmiða af útlendingum sem sendir eru úr landi. Um er að ræða fjármagn upp á 2.550.923 krónur sem runnið hefur í ríkissjóð. Þetta kemur fram í svari við fyrirspurn Fréttablaðsins til embættis ríkislögreglustjóra.

Haldlagt fé er til dæmis lausafé eða gjaldeyrir sem útlendingur er með í fórum sínum þegar lögregla hefur afskipti af útlendingi eða þegar málsmeðferð hefst.

Fjármunirnir sem hér um ræðir eru ekki peningar sem krafist er eftir á, til að mynda í gegn um útgáfu skuldaviðurkenningar.

56. grein útlendingalaga kveður á um að útlendingum sem vísað sé úr landi sé skylt að greiða fyrir eigin flugfargjöld. Í lögunum segir ennfremur að „Lögreglunni er heimilt að leggja hald á farseðla sem finnast í fórum útlendingsins til notkunar við brottför. Sama gildir um fjármuni til greiðslu á kröfu vegna kostnaðar við brottför og gæslu samkvæmt ákvæði þessu.“

Um þessar mundir er unnið að endurskoðun útlendingalaga en í nýjum lagadrögum eru enn ríkar heimildir til þess að gera fjármagn upptækt af útlendingum eða krefja þá um endurgreiðslu. til að mynda stendur 56. grein laganna nánast orðrétt í nýju lagadrögunum.


Ekki óeđlilegt ađ endurskođa ákvćđi

Óttarr Proppé
Óttarr Proppé

Óttarr Proppé, þingmaður Bjartrar Framtíðar hefur leitt vinnu starfshóps sem endurskoðar útlendingalög.

„Í nýju ákvæði frumvarpsins um réttaraðstoð fyrir umsækjendur um alþjóðlega vernd er ekki heimild til þess að krefja útlending um endurgreiðslu kostnaðar af réttaraðstoð,“ segir hann í svari við fyrirspurn Fréttablaðsins. „Hins vegar er í frumvarpinu áfram að finna almennt ákvæði um mögulega ábyrgð útlendinga á kostnaði samhljóða því ákvæði sem finna má í núgildandi lögum,“ segir hann og bendir á að drögin svipa til laga í Noregi og eru afar ólík nýjum lögum í danmörku sem heimila lögreglu að gera eigur flóttamanna upptækar við komu til landsins
„Hins vegar finnst mér ekki óeðlilegt að þessi ákvæði verði skoðuð betur í ljósi þeirrar þróunar sem orðið hefur í Evrópu og þeirrar umræðu sem orðið hefur í kjölfar lagasetningarinnar í Danmörku. Það er mikilvægt að það sé skýrt að þessi ákvæði frumvarpsins séu í takt við þann anda mannúðar og skilvirkni sem þingmannanefndin setti á oddinn í sinni vinnu,“ segir Óttarr.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Lögreglan hefur 26 sinnum haldlagt peninga útlendinga
Fara efst