Lögmenn Kaupþingstoppa fá nær ársfrest til að skila greinargerðum

Aðalsteinn Kjartansson skrifar 23. október 2014 15:11

Sigurður Einarsson, Hreiðar Már Sigurðsson og Magnús Guðmundsson. Vísir

Verjendur Hreiðars Más Sigurðssonar, fyrrverandi forstjóra Kaupþings, Sigurðar Einarssonar, fyrrverandi stjórnarformanns bankans, og Magnúsar Guðmundssonar, fyrrverandi bankastjóra Kaupþings í Lúxemborg, hafa fram til næsta hausts til að skila greinargerð í máli sem sérstakur saksóknari hefur höfðað á hendur þeim.

Þetta kom fram í fyrirtöku á málinu í Héraðsdómi Reykjavíkur í dag en þar var tekin afstaða til kröfu verjenda í málinu um að frestur yrði gefinn til að skila greinargerðinni. Farið var fram á frestinn vegna anna í tengslum við önnur mál þar sem Kaupþingsmennirnir fyrrverandi eru sóttir til saka fyrir meint brot sín í aðdraganda hrunsins haustið 2008. Á það féllst dómarinn.

Málið snýr um meint umboðssvik mannanna þriggja vegna lánveitinga út úr Kaupþingsbanka til félaga á Bresku jómfrúareyjunum.

Ekki hefur verið ákveðin dagsetning aðalmeðferðar í málinu en ljóst er að hún fer ekki fram fyrr en að þessum fresti liðnum. Lögmenn þremenninganna hafa til 1. október næstkomandi til að skila greinargerðum í málinu.

CLN-málið

Tengdar fréttir

Sakaðir um umboðssvik vegna lána til vildarvina

Ákæra á hendur fyrrverandi stjórnendum Kaupþings, þeim Hreiðari Má Sigurðssyni, Sigurði Einarssyni og Magnúsi Guðmundssyni fyrir umboðssvik, verður þingfest í dag í Héraðsdómi Reykjavíkur.

11. júní 2014 10:41

Segir sérstakan saksóknara stunda nornaveiðar

"Þessi ákæra er röng og ég er saklaus“ segir Hreiðar Már Sigurðsson, fyrrverandi forstjóri Kaupþings.

11. júní 2014 16:30

„Þessi ákæra er röng og ég er saklaus“

„Ég tók aldrei ákvörðun gegn hagsmunum bankans,“ sagði Hreiðar Már Sigurðsson við þingfestinguna í dag.

11. júní 2014 14:04

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.