Kravitz mesti hjartaknúsarinn

Tónlistarmaðurinn Lenny Kravitz hefur verið kjörinn mesti hjartaknúsarinn í Hollywood. Kravitz, sem er fertugur, hefur verið orðaður við margar stórstjörnur í gegnum tíðina, meðal annars Nicole Kidman, Kylie Minogue, Madonnu, Vanessu Paradis og Naomi Campell. Hótelkeðjuerfinginn Paris Hilton lenti í öðru sæti. Það voru lesendur bandaríska tímaritsins US In Touch sem stóðu að valinu. Kravitz, sem á sínum tíma var nálægt því að kvænast leikkonunni Lisa Bonet úr gamanþáttunum um Cosby-fjölskylduna, segist vera reiðubúinn að festa ráð sitt á ný. "Ég held að það eigi eftir að gerast, ég hef áhuga á því," sagði hann í nýlegu viðtali. Matthew Perry, sem leikur Chandler í Friends, lenti í þriðja sæti, leikkonan Jennifer Love Hewitt í fjórða, og leikarinn George Clooney í því fimmta.