Kajakmaður drukknar

Banaslys varð þegar kajakræðari drukknaði úti fyrir Herdísarvík síðdegis í gær. Vegfarandi um Suðurstrandarveg sá hvar báturin var á hvolfi og lét þegar vita. Björgunarsveitarmenn frá Þorlákshöfn héldu á vettvang og kallað var eftir þyrlu Gæslunnar, sem var að fara í æfingaflug og var því fljót á vettvang. Maðurinn var fluttur í land, en lífgunaraðgerðir báru ekki árangur. Ekkert er vitað um tildrög þessa, en maðurinn, sem var rúmlega fimmtugur, var einn á ferð.